यॊहनसी लिखचका दौ कत्था
चिन्हा परछा
ई दौ कत्था ही पुथी येसुसी चेलस यॊहनस ती लिख्रकी र'ई। ई पुथिन यॊहनस ईस्वी 80-95 नू इफेसुस नगरे ती लिखचका र'ओस दने। इदन पढ़'ऊ आलर येसुस मइय्याँ पत्त'अना उइय्या गे अरा आसी नामे ती उज्जनन ख़क्खा गे ईद लिख्रकी र'ई। येसुस मनवा रूपे नू बरना ही मुन्द तिम आस बंगस गने धर्मेस रहचस एन्ने तेंगरकी यॊहनस ई पुथिन ऒड़ नन्दस। येसुस मनवा ख़द्दस लेका मला धर्मे सुबहा रहचका धर्मेस दिम रहचस एन्ने यॊहन ऎद्ददस। अउर नन्ना दौ कत्था पुथी नू मल्ला लिख्रका अजगुत नलख अरा सिखाब'अना ई पुथी नू कोड़हे र'ई।
ई दौ कत्था नू सात गोटंग अजगुत नलख ही चिन्हा ही पत्त नू लिख्रकी र'ई। अत्रु ती अख़तार'ई का येसुस नाड़ुस, अरा धर्मेसी ख़द्दस हिकदस। यॊहन ई पुथी नू येसुस दिम उज्जना चि'ऊ अम्मु, अरा उज्जना चि'ऊ असमा, बिल्ली, दौ महरस, अरा बली, अरा दाख ख़ोप्पा, अरा मानिम एन्ने सात गोटंग कत्थन लिखदस।
सरियाचका पंडी
परिछ'अना 1:1-18
यॊहन नूड़रत'उस अरा येसुसी पहिल चेलर 1:19-51
येसुसी सुसर नलख 2:1-12:50
येरुसलॆम नू छेद्द ता जोक्क उल्ला 13:1-19:42
येसुसी उज्जा चो'अना अरा ऎथ्रना 20:1-21-25