Na Yibot Yidien Na Yisgia
1:1-6
1
Hares mabot karmiak kat man nahra wain sisi dait wadien nai yiyaka, wsiwain dait ei,
hra wkro lok sisi dait wadien na hra ysiok ni ysgia, ykafe satian,
hra wleli safuk sisi dait wadien na hra ytbekein sawuan ni Nago wfei.
2 Na wabot oko wkashok deri fe Ojin SMAU wfei,
Tali man, amuk man, ou wnok saswain ni hra Nago wbahe fei.
3 a Ou wde le wkoit hra nai yorik yik kla wtefit,
hra wkan wbuo karmiak kat wadien tolo les wkan,
hra wlas ei ysadras-dras yklio dait.
Ni hra ou wsiok ei ysres kadio kat.
4 Mahin nai yiyaka ei yde fot dait nai yibot.
Ei yde deri le ni ysmuot-smat hra foron ou wfrio ofo ysiele kat yein.
5 Fe hra oko, basak dian kat, mayi fe Nago wkerek sadir fe na tkoin kadio, ofo ei yhron dait.
Bo Nago wberiet kat ei yehinti kat wi sahin nai yibri ybot hra ynok ou.
6 Fe hra SMAU wsi rorwain nai yibri ybot,
ha, ou wliokeit, wkan bren kat nai yiyaka ei yein ytatol yse kafir.