Ojin Trar Mabe Esau Wtakein Ei
36:1-19
36
Esau, hra wkedi fot Edom, ou wfe ojin le mkom.a2 Esau wsmian hamis na dli Kanaan lak, o le ma Ada, hra Elon na sa Het wfe wet om, madien fot Oholibama, hra mono Ana, mate wadlau Zibeon, na sa Hewi ou.b 3 Esau wsmian hamis fot Basmat, wtot Ismael wfe wet om. Om mamon le ma Nebayot.c
4 Mde Ada mkafe Elifas wan Esau, Basmat mkafe Rehuel, ofo 5 Oholibama mkafe Yeus, Yaelam yidien Korah. Wet yidla mahot ekei, Esau wkafe wase sonat wak fobi Kanaan.
6 Mde Esau wtrie wti, wahinti kat waliwet Yakub, wain fali wsmian ma ei, yidien wet yidla yidli ei, na kadio hra yese yidien ei, yidien fot ou wfe ni ror ei, hrien kadio kat hra wkain yik fobi Kanaan, wain wse fobi wat. 7 Esau wadien Yakub yese lok sisi dait fe hra ei yfe ni ror ei yrok karmiak kat, wi hra ei yese lok okom yeit ni eit mtol dait. 8 Mde ke fo Esau, hra wkedi fot Edom, wti wase wat wse waris wai yik sfa bri fobi Seir.
9 Mde Esau wtakein ei yese kawuak yik sfa bri fobi Seir. Ei yfe ojin o le mkom.
10 Esau wfe wet yidla o le ma:
Elifas, hra wemem Ada, wadien Rehuel, hra wemem Basmat.
11 Elifas wfe wet yiflesa o le ma:
Teman, Omar, Zefo, Gaetam yidien Kenas.
12 Esau wfe wet Elifas wsmian hamis kdie na dihan madli hra mkedi mabe Timna. Om le ma mkafe Amalek. Wet mtamre ekei kadio le ma Ada hra Esau wsmian maolo om mate.
13 Yo Rehuel wfe wet le ma:
Nahat, Zerah, Syama yidien Miza. Wet hat ekei kadio le ma Basmat hra Esau wsmian ma ese fat om mate.
14 Esau wsmian ma ese Oholibama, hra mono Ana, mate Zibeon, om mkafe wet tolik yin Esau:
Yeus, Yaelam yidien Korah.
15 Esau wtakein hra yibe nai yifle yslonti wat-wat yfe na sa ei o le ma hra kom:
Hra yehin wfe wet waflesa Elifas:
Teman, Omar, Zefo, Kenas, 16 Korah, Gaetam yidien Amalek. Nai yifle kadio ekei yibe Elifas wfe wet, Ada mate ei.
17 Yo, nai yifle hra Esau wfe wet Rehuel wkafe o le ma:
Nahat, Zerah, Syama yidien fot Miza. Wet ekei Rehuel wkafe yik fobi Edom; ei yibe kadio Esau wsmian ma ese Basmat mate.
18 Yo, nai yifle hra Esau wsmian ma ese Oholibama mkafe o le ma:
Yeush, Yaelam yidien Korah, hra yibe nai yfle kadio. Esau wsmian Oholibama mfe wet kadio ekei. Om mono le ma Ana.
19 Esau hra wkedi wabe fot Edom, wtakein ekei yibe kadio kat nai yifle hra yslonti ei yfe na sa wat-wat ei.
Seir Wtakein Ei
36:20-30
20 Hra oko fo Esau wase wadien Seir, na sa Hori ou hra wabe na fobi wak wi okom.d Seir oko wtakein o le ma:
Lotan, Syobal, Zibeon, Ana,e 21 Disyon, Ezer yidien Disyan. Seir wfe wet ekei yibe na sa Hori yifle hra yslonti wat-wat ei yfe nai yik fobi Edom.
22 Lotan wfe wet o le ma:
Hori wadien Hemam. Lotan wahano le ma Timna.
23 Syobal wfe wet le ma:
Alwan, Manahat, Ebal, Syefo yidien Onam.
24 Zibeon wfe wet o le ma:
Aya wadien Ana. Ana oko le wtiere fe sayen kla sitayi ytbat yik fobi sabarak wadien kamuolo wsmit lien wono Zibeon wfe keledai ei.
25 Ana wfe wet o le ma:
Disyon hra wahano mabe Oholibama.
26 Disyon wfe wet o le ma:
Hemdan, Esyban, Yitran yidien Keran.
27 Yo, Ezer wfe wet o le ma:
Bilhan, Zaawan yidien Akan.
28 Yo, Disyan wfe wet le:
Us wadien Aran.
29 Ofo na sa Hori yfe nai yifle le ma:
Lotan, Syobal, Zibeon, Ana, 30 Disyon, Ezer yidien Disyan. Ei ekei le ma nai yifle hra yslonti na sa Hori, na sa wat-wat man ei kadio kat hra yese yik fobi Seir.
Raja Hra Yslonti Fobi Edom
36:31-43
31 Katik fari mabe na sa Edom yibe raja yslonti fobi ei yi Edom. (Hra oko fo, na sa Israel yibe latiot raja yik fobi ei yi Israel.)f
32 Beor wfe wet Bela ou wabe raja sayen. Ou wslonti fobi Edom wleli wak kota ou wa Dinhaba.
33 Ou waigi sba fo, Yobab hra Zerah wfe wet wahin Bozrah wdanhok ou wabe raja.
34 Yobab waigi wale fo, Husyam wahin fobi na sa Teman wdanhok ou wabe raja.
35 Husyam waigi sba fo, Bedad wfe wet Hadad wabe raja wdanhok man ou. Ou le ma wkanas wkhan wadien na sa Midian yik fobi Moab. Ou wfe kota mkedi le ma Awit.
36 Hadad waigi wale fo, Samla wahin Masreka wdanhok ou wabe raja.
37 Samla waigi kdie fo, Saul wahin Rehobot hra wak kla wtefit wabe raja wdanhok ou.
38 Saul waigi wale, ofo Akhbor wfe wet Baal-Hanan wabe raja wdanhok ou.
39 Akhbor wfe wet Baal-Hanan waigi, ofo Hadar wabe raja wdanhok ou. Ou wfe kota mkedi mabe Pahu; ou wsmian Mehetabeel hra mono Matred, memem Mezahab.
40 Esau wtakein hra yibe nai yifle hra yese wat, yslonti wat-wat yfe na sa ei o le ma:
Timna, Alwa, Yetet, 41 Oholibama, Ela, Pinon, 42 Kenas, Teman, Mibzar, 43 Magdiel yidien Iram. Ei le ma yibe nai yifle yik fobi Edom, hra yese wat fobi, yslonti wat-wat yfe na sa ei.
Ni rana fe Esau, hra wbiti na sa Edom kadio, mharfe le wko.