Na Sa Kadio Kat Yik Fobi Lolok
10:1-32
10
Ojin trar mabe Sem, Ham yidien Yafet, Nuh wfe wet ei, hra kla smas oko wdain wale fo, ei ykafe kein wet yidla ei le mke.aNa Sa Yafet
2 Yafet wfe wet ei le ma:
Gomer, Magog, Madai, Yawan, Tubal, Mesekh, yidien Tiras.
3 Gomer wkafe kein wet ei le ma:
Askenas, Rifat, wadien Togarma.
4 Yafet wfe wet Yawan wkafe kein wet o le ma:
Elisa, Tarsis (yik fobi Spanyol), na sa Kit (yik fobi Siprus), yidien fot na sa Dodan (yik fobi Rodes). 5 (Ytakein eke le ma ysiar yese yik siwan tefit, yibe na kla. Yafet wate kokos kadio ekei yisiar yese wat-wat fobi, yibe na sa wat-wat, ysalo heit-hat salo ei yi.)
Na Sa Ham
6 Ham wfe wet ei le ma:
Seba, Hawila, Sabta, Raema, yidien Sabtekha.
Raema wfe wet ei le ma:
Syeba wadien Dedan.
8 Kush wkafe Nimrod, o le ma wabe sayen na sebe wafleu wak fobi ko. 9 Tuhan wkororo ou wabe na siafolo wsiok erwas, mde wtakein ei ytiksi lis yfe wet ei yto: “Tuhan watsiofo nen nsiok sawuan erwas, nde le kamuolo ou watsiofo nate Nimrod ou.” 10 Kamuolo masayen om, kota hra ou wsiok yik fobi ou wa o le ma Babel, Erekh, Akad, madien fot Kalneh, kota kadio kat ekei yik fobi Sinear (Babilonia). 11 Wahin wi okom ou wain wse fobi Asyur. Wak ana fo wala kota Niniwe, Rehobot-Ir, Kalah, 12 yidien fot kota Resen, hra mleli mak bri, Niniwe mse ta, Kalah mse ta ha, Resen mabe kota maflem mak bri.
13 Ham wfe wet Misraim wkafe kein:
na sa Lud ei, na sa Anam ei, na sa Lehab ei, na sa Naftuh ei, 14 na sa Patrus ei, na sa Kaftor ei, yidien fot na sa Kasluh ei (hra ytakein ei le ma na sa Filistin).
15 Ham wfe wet Kanaan wkafe:
Sidon, wet waflesa ou, ofo waliwet ei, na sa Het ei, 16 na sa Yebusi ei, na sa Amori ei, na sa Girgasi ei, 17 na sa Hewi ei, na sa Arki ei, na sa Sini ei, 18 na sa Arwadi ei, na sa Semari ei, yidien fot na sa Hamati ei.
Mde na sa Kanaan ei kadio ysiar-sar wat-wat. 19 Fobi hra ei yese om mlis wain mahin Sidon mtatol mse Gerar, yo msalit mbakredi mahin Gaza kawuak mde mse Sodom, Gomora, Adma, Zeboim, kayi de mharfe Lasa.
20 Ham wfe wet kadio kat le mke. Ei yibe na sa wat-wat, yese wat-wat fobi, ysalo wat-wat.
Na Sa Sem
21 Sem hra Yafet waliwet ou wkafe fot wet. Sem wate kokos ou le ma Eber.
22 Sem wkafe wet ei le ma:
Elam, Asyur, Arpakhsad, Lud, yidien Aram.
23 Aram okou wkafe wet ei le ma:
Us, Hul, Geter, yidien Mas.
24 Aram wamon Arpakhsad wkafe Selah,
ofo Selah wkafe Eber.
25 Mde Eber wkafe wet yidla lak:
Mres ou nai ywak wkedi wabe Peleg, hra nai yto ‘Koriet,’ fe hra madien oko fo Nago wkoriet wat-wat na sa kadio kat ysiar-sar yse fobi katak. Peleg waliwet ou wkedi le ma Yoktan.
26 Yoktan wkafe:
Almodad, Selef, Hazar-Mawet, Yerah, 27 Hadoram, Uzal, Dikla, 28 Obal, Abimael, Syeba, 29 Ofir, Hawila, yidien fot Yobab. Ei kadio le ma Yoktan wfe wet.
30 Ei yese kadio kat yik sfa bri hra wtato mse tali whok, mahin Mesa kawuak mde mse Sefar.
31 Sem wtakein ei le ma yibe na sa wat-wat, ysalo wat-wat, yese wat-wat wi ei yi.
32 Na sa kadio hra yehin Nuh wfe wet ytakein yde le ke. Kla smas wdain wale fo, na sa ekei ytakein na marok, ofo yti siar yibe na sa wat-wat yik fobi katak.