SURAT PAULUS NANG KADUA UNTUꞌ
TIMOTIUS
Pangantar
Surat Paulus nang kadua kaꞌ Timotius manyak barisi nasehat-nasehat kusus kaꞌ Timotius nang masih muda. Paulus dah nganggap Timotius anaknya babaro barang kapucayaꞌatnnya nang sama kaꞌ Tuhan Yesus. Timotius dah jaji ayukng sapalayanan Paulus. Tujuan suratnya nian biar Timotius kuat ati.
Paulus nasehatiꞌ man nguatatn biar ia satia ngesahatn barita tentang Tuhan Yesus Karistus sarata nyingiꞌiꞌ Perjanjian Lama man ajaran tentang Kabar Baik dari Allah. Paulus nasehatiꞌ ugaꞌ biar Timotius tatap jaji guru man ngesahatn Kabar Baik dari Allah sakali pun ngalamiꞌ kasingsaraatn man tantangan. Nasehat kusus untuꞌ Timotius biar inaꞌ ikut campur kaꞌ patangkaratn-patangkaratn nang baga man inaꞌ banilai. Patangkaratn-patangkaratn lea koa inaꞌ ngasilatn ahe-ahe, kacoali ngarusak pikiran urakng nang nangngarnya. Timotius dingingatiꞌ biar baconto kaꞌ kaidupatn Paulus. Paulus pucayaꞌ kaꞌ Yesus, sabar, kasih, tatap kuat, man sampe singsara kana aniaya.
Isi
Pamulaꞌatn 1:1-2
Pujian man dorongan 1:3; 2:13
Nasehat man paringatan 2:14; 4:5
Katarangan tentang kaadaan Paulus 4:6-18
Panutup 4:19-22