SURAT PAULUS NANG PAMULAꞌATN UNTUꞌ
TIMOTIUS
Pangantar
Surat nian di Paulus ngiripm dari Makedonia kaꞌ Timotius nang samintara ada kaꞌ Epesus (1:3). Timotius urakng pucayaꞌ nang masih mudaꞌ nang mantoꞌ Paulus dalapm palayanan. Apaꞌ Timotius urakng Yunani man uweꞌnya urakng Yahudi.
Ada sangahe tujuan Paulus nulis surat nian kaꞌ Timotiuus. Pamulaꞌatn, Paulus ngingatiꞌ Timotius tentang basangahe urakng nang dah ngajaratn ajaran nang salah man mintaꞌ biar Timotius nyuruh ia kaꞌ koa badiapm ngajaratn ajaran nang salah koa. Ada ajaran-ajaran nya kaꞌ koa nang dinaap dari agama Yahudi tapi dinyampeatn man cara nang inaꞌ banar. Misalnya ia kaꞌ koa ngajar kadeꞌ samua urakng arus ikut manyak paraturan biar disalamatatn, contonya inaꞌ mulih panganten man inaꞌ mulih makatn makanan tatantu.
Kadua, nasehat-nasehat untuꞌ Timotius tentang ngurus jamaat man sumbayang. Dijelasatn kaꞌ ia sipat urakng-urakng nang mulih jaji pamimpin jamaat man urakng-urakng nang mantoꞌ jamaat.
Ahirnya Timotius di ngajariꞌ lemae ia jaji amba Yesus Karistus nang edoꞌ. Ia diajar ugaꞌ tentang tanggongjawapnya kaꞌ tiap kalompok urakng pucayaꞌ nang jaji anggota jamaat.
Isi
Pamulaꞌant 1:1-2
Cara-cara ontoꞌ nganai jamaat man pangurus-pangurusnya 1:3; 3:16
Cara-cara ontoꞌ Timotius nganai pakarajaꞌatnya 4:1; 6:21