SURAT PAULUS UNTUꞌ
TITUS
Pangantar
Surat nian di Paulus nyonteng untuꞌ Titus. Titus nian bukeꞌ urakng Yahudi, tapi dah lama pucayaꞌ kaꞌ Tuhan Yesus. Ia malayaniꞌ sama-sama man Paulus nyalanan pakarajaatn Tuhan kaꞌ pulo Kreta. Deꞌe Paulus ningalatn Titus kaꞌ pulo Kreta untuꞌ ngajar urakng-urakng nang pucayaꞌ kaꞌ koa.
Ada talu hal nang nya nyampeatn kaꞌ dalapm suratnya nian. Pamulaꞌatn, Titus dingingatiꞌ tentang sarat-sarat urakng nang mulih jaji pamimpin jamaat. Hal koa dimadahatn tagal kalakuan urakng-urakng kaꞌ Kreta manyak nang jahat.
Kadua, Titus dinasehatiꞌ lemae saarusnya ia ngajar tiap kalompok urakng nang jaji anggota jamaat koa, yakoa nang tuha-tuha baik nanglaki maoꞌpun nangbini, baruꞌ urakng-urakng nang giꞌ mudaꞌ, man urakng-urakng nang jaji amba ulutn.
Ahirnya Titus dingajariꞌ lemae arusnya kalakuan urakng pucayaꞌ. Urakng-urakng pucayaꞌ koa arus paramah man suka dame, ame teget kaꞌ urakng, ame suka batangkar, ato nimulatn patangkaratn.
Isi
Pamulaatn 1:1-4
Pamimpin-pamimpin jamaat 1:5-16
Kuajipan golongan urakng kaꞌ dalapm jamaat 2:1-15
Nasehat man paringatan 3:1-11
Penutup 3:12-15