Nasehat biar Timotius banar-banar kaꞌ palayanannya
4:1-8
4
Karistus Yesus atakngngaꞌ agiꞌ kaꞌ dunia nian untuꞌ ngadiliꞌ urakng-urakng nang idup man nang mati, man Ia atakngngaꞌ untuꞌ marentah jaji Raja. Jaji aku mintaꞌ sidi-sidi kaꞌ kao kaꞌ adapatn Allah man Karistus Yesus: 2 sampeatnlah Kabar Baik, edoꞌ ato inaꞌ edoꞌ waꞌtunya, tojokatnlah ahe nang salah, tagurlah man panjawatlah samua nian sambil ngajar ia kaꞌ koa man kasabaran. 3 Barang atakngngaꞌ waꞌtunya, urakng-urakng inaꞌ baya agiꞌ narimaꞌ ajaran nang edoꞌ. Sabaliknya ia kaꞌ koa nurutiaꞌ kamaoꞌan nya babaro, man ngomoꞌan guru-guru palsu untuꞌ ngajaratn hal-hal nang kahe muasatnnaꞌ tarenyekng nya kaꞌ koa ihan. 4 Ia kaꞌ koa baiꞌ nangngar ajaran nang banar, tapi ia kaꞌ koa mukaꞌaꞌ tarenyekngnya kaꞌ gesah-gesah dongeng. 5 Tapi kao aruslah bajaga tiap waꞌtu, sabarlah kaꞌ kasingsaraatn, gesahatnlah Kabar Baik man jalanan tugas palayanannyu saedoꞌ-edoꞌnya.6 Barang sabantar agiꞌ aku matiaꞌ, man darahku ditontongannaꞌ jajiaꞌ paremahan untuꞌ Allah, man sabantar agiꞌ aku ningalatnnaꞌ dunia nian. 7 Aku dah lakaꞌ batanding sabaik-baiknya man dah namus kaꞌ garis nang pangabisatn. Aku masih satia kaꞌ Karistus sampe ampeatn. 8 Man ampeatn dah dinyiapatn adiah kamanangan untuꞌ ku barang aku dah karaja sasuai man kamaoꞌan Tuhan Yesus. Ia koa akim nang adil mareꞌatnnaꞌ adiah koa kaꞌ aku kaꞌ ari Ia ngakimiꞌ samua urakng. Man bukeꞌ aku ihan nang namuaꞌ adiah koa, tapi ugaꞌ samua urakng nang sidi rehoꞌ kaꞌ kaatangan-Nya.
Pasatn pangabisatn
4:9-18
9 Barusahalah ganceh-ganceh notok aku kaꞌ dian. 10 Barang Kreskes dah ampus kaꞌ kota Galatia, Titus ampus kaꞌ kota Dalmatia. Tapi tentang Demas, ia labih nyintaiꞌ dunia nian, sampe ia ningalatn aku lalu ampus kaꞌ kota Tesalonika. 11 a Ampeatn kahe Lukas ihan nang masih sama-sama man aku. bTotoklah Markus babalah ia kaꞌ keatn, barang ia baya mantoꞌ palayananku. 12 c Aku dah ngiripm Tikhikus ampus kaꞌ Epesus. 13 d Kadeꞌ kao atakng, incaknglah jubah nang kumasar kaꞌ kota Troas kaꞌ rumah Karpus. Incaknglah ugaꞌ kitap-kitapku, kususnya kitap-kitap nang dimanjawat dari kulit laok koa.
14 Aleksander tukang timaga koa, dah manyak manjawat kajahatatn kaꞌ aku. Tuhan ngukumaꞌnya manurut kalakuannya.e 15 Kao ugaꞌ arus ati-ati kaꞌ ia, jukut ia sidi nantakng ajaran diriꞌ. 16 Pamulaꞌatn aku mela diriꞌ kaꞌ pangadilan, inaꞌ ada sekoꞌ ayukng pun nang mantoꞌ aku. Samuanya dah ningalatn aku. Kiraꞌnya Allah ngamponiꞌ ia kaꞌ koa, 17 tapi Tuhan Yesus dah nyarataiꞌ aku man mareꞌ aku kamampuan, biar lewat aku, Kabar Baik digesahatn sapanuhnya man samua urakng nang bukeꞌ urakng Yahudi nangngarnya. Jaji lea koalah aku lapas dari ia kaꞌ koa nang munuhaꞌ aku. 18 Man Tuhan ngalapasatnnaꞌ aku dari tiap usaha jahat. Ia nyalamatatnnaꞌ aku, sampe aku tamaꞌ kaꞌ dalapm Karajaan-Nya kaꞌ saruga. Untuꞌ-Nyalah kamuliaatn salama-lamanya.
Salam pangabisatn
4:19-22
19 Salam kaꞌ Priskila man Akwila man kaꞌ kaluarga Onesiporus.f 20 g Erastus badiapm kaꞌ Korintus. Samintara Tropimus giꞌ tagah sakit, badiapm kaꞌ Miletus. 21 Timotius, barusahalah sadapat-dapatnya atakng kaꞌ keatn sanapeꞌ musim dingin. Ebulus, Pudes, Linus man Klaudia man dari sodara sakapucayaꞌatn lainnya salam kaꞌ kao.
22 Kiraꞌnya Tuhan marakatiꞌ kao, Timotius.
Kiraꞌnya Ia ugaꞌ nojokatn kabaikatn ati-Nya kaꞌ kitaꞌ samua.