Dosa kaꞌ jamaat
5:1-13
5
Aku sabatolnya dah nangngar kadeꞌ kaꞌ antara kitaꞌ ada hal-hal babayaꞌ nang balabih: Kaꞌ antara kitaꞌ ada nang babayaꞌ man weꞌ tereꞌnya. Urakng-urakng nang inaꞌ kanal kaꞌ Allah pun inaꞌ babuat lea koa!a 2 Kahepun mpa koa kitaꞌ masih sombong. Arusnya kitaꞌ sidi-sidi marasa kasal. Urakng nang manjawat dosa nian arus dikaluaratn kaꞌ antara kitaꞌ. 3 Biarpun tubuhku inaꞌ ada man kitaꞌ tapi atiku ada sama-sama man kitaꞌ. Sama lea aku ada man kitaꞌ, aku dah nyantuꞌatn ukuman kaꞌ urakng koa, nang dah babuat lea koa. 4 Jaji, nianlah nang arus kitaꞌ panjawat. Bakomoꞌlah dalapm dama Tuhan Yesus, atiku sama-samaaꞌ man kitaꞌ, man diriꞌ namuaꞌ koasa Yesus, Tuhan diriꞌ. 5 Lalu kitaꞌ arus nyarahatn urakng koa kaꞌ Ibalis,b biar sipat nang badosa dari urakng koa binasa tapi rohnya disalamatatn kaꞌ waꞌtu Tuhan mulakng agiꞌ. 6 Inaꞌ patut kitaꞌ sombong kaꞌ diriꞌ kitaꞌ babaro. Kitaꞌ dah nauꞌan nian, “Ragic nang sabebet manjawat samua adonan jaji ngamakng!”d 7 Buaknglah ragi nang lama koa, biar kitaꞌ jaji adonan nang baharu, barang kitaꞌ ingkaꞌ inaꞌ baragi.e Tagal Karistus, domba Paska diriꞌ dah dinyambaleh.f 8 Jaji, injeꞌ diriꞌ ngarayaatn gawe Paska diriꞌ koa man roti nang inaꞌ baragi, roti nang melambangkan kajujuratn man idup nang banar kaꞌ adapatn Allah. Ame diriꞌ ngarayaatn gawe Paska koa man roti nang baragi nang dah lama, ragi nang melambangkan dosa man kajahatatn.g9 Kaꞌ dalapm suratku nang doloꞌ aku dah madahiꞌ ame kitaꞌ bagaul man urakng-urakng nang babuat sigana macam dosa (pikiran, pakataatn, man ahe nang dipanjawat) nang baubungan man kamaluatn talino. 10 Tantunya aku inaꞌ bamaksut nyuruh kitaꞌ nyauhiꞌ samua urakng nang babuat sigana macam dosa (pikiran, pakataatn, man ahe nang dipanjawat) nang baubungan man kamaluatn talino kaꞌ dunia nian, ato urakng-urakng tamaꞌ, panipu, man urakng-urakng nang nyambah pantak-pantak. Inaꞌ boh, tagal kadeꞌ lea koa kitaꞌ inaꞌ mungkin baya tatap ada kaꞌ dunia nian. 11 Tapi maksutku kitaꞌ ame bagaul man urakng-urakng nang ngakoꞌ diriꞌnya sodara sakapucayaꞌatn, tapi urakng koa babuat sigana macam dosa (pikiran, pakataatn, man ahe nang dipanjawat) nang baubungan man kamaluatn talino, urakng tamaꞌ, ato nyambah pantak-pantak, ato suka majahat dama urakng lain, ato pamabuk, panipu. Duduk makatn man urakng-urakng lea koa ba usah! 12 Barang bukeꞌ urusanku untuꞌ ngakimiꞌ ia kaꞌ koa nang ada kaꞌ luar jamaat. Tapi kitaꞌlah nang ngakimiꞌ ia kaꞌ koa nang ada kaꞌ dalapm jamaat. 13 Ia kaꞌ koa nang kaꞌ luar jamaat, Allah nang ngakimiꞌnya. Ansar urakng nang manjawat dosa kaꞌ antara kitaꞌh.