SURAT PAULUS NANG PAMULAꞌATN
UNTUꞌ JAMAAT KAꞌ
KORINTUS
Pangantar
Surat Paulus nang pamulaꞌatn untuꞌ jamaat kaꞌ kota Korintus dinyontengan untuꞌ ngajaratn nang banar tentang pakara-pakara nang timul kaꞌ dalapm jamaat kota Korintus. Paulus urakng pamulaꞌatn nang ngincakng Kabar Baik kaꞌ kota Korintus, man ia suah badiapm kaꞌ kota koa salamaꞌ satahutn satangah (Kis. 18:1-11). Takaꞌ Paulus nyontengan surat nian, ia nyelasatn kaꞌ ia kaꞌ koa tentang kaidupatn man kapucayaꞌatn urakng Karisten. Pakara-pakaranya koa tentang kaidupatn man kapucayaꞌatn urakng Karisten. Waꞌtu koa kota Korintus dikanal ibukota propinsi Akhaya nang masok wilayah pamarentahan Roma. Kota nian panduduknya manyak macam bangsa, dikanal maju kaꞌ dalapm perdagangan, man sigana macam kapanean. Kota nian dikanal ugaꞌ tagal adanya bamacam-macam agama man kapucayaꞌatn dikoa.
Ada manyak pakara nang jaji masalah kaꞌ dalapm jamaat kota Korintus. Koalah tagalnya, Rasul Paulus ngajariꞌ ia kaꞌ koa tentang cara ngadapiꞌ patangkaratn man kalakuan jahat, seks man panganten, soal ati nurani, man tata tertip dalapm ibadah jamaat. Paulus ugaꞌ ngajariꞌ ia kaꞌ koa leamae make kapanean-kapanean rohani, man tentang urakng mati lamulakng idup. Paulus nojokatn kadeꞌ Kabar Baik dari Allah koa narakngngiꞌ pakara-pakara kaꞌ dalapm idup jamaat koa.
Pasal 13 ngesahatn ciri-ciri kasih nang sabatolnya. Pasal nian mungkin jaji pasal nang sidi dikanal kaꞌ antara samua pasal lainnya kaꞌ buku nian.
Isiꞌ
Pamulaꞌatn 1:1-9
Perpecahan dalapm jamaat 1:10—4:21
Dosa kaꞌ jamaat 5:1—7:40
Tentang paremahan kaꞌ pantak-pantak 8:1—11:1
Aturan kaꞌ dalapm jamaat 11:2—14:40
Karistus mulakng idup 15:1-58
Bantuan untuꞌ jamaat kaꞌ Yerusalem 16:1-4
Rancana man nasehat-nasehat man panutup 16:5-24