Yakobus mati Petrus dingalapasatn mpat kaꞌ pinjara
12:1-19
12
Kaꞌ waꞌtu koa ugaꞌ, raja Herodes nyuruh tantara-tantaranya untuꞌ nangkap man nganiaya sangahe urakng page samadiꞌatn saiman. 2 Man ia nyuruh munuh Yakobus, sodara Yohanes, man pedang 3 Takaꞌ Herodes neleꞌ kadeꞌ pamunuhan koa manjawat ati urakng-urakng Yahudi repo, lalu ia nyuruh tantara-tantaranya untuꞌ naap Petrus ugaꞌ. Hal koa tajaji kaꞌ waꞌtu Gawe Roti Inaꞌ Baragi. 4 Lakaꞌ Petrus ditangkap man dipinjara, Herodes nyuruh ampat kalompok tantara untuꞌ nyaganya. Masing-masing kalompok bajumbalah ampat urakng tantara. Herodes barancana ngadiliꞌ Petrus kaꞌ adapatn urakng rami lakaꞌ Gawe Paska.a 5 Jaji Petrus dinahan kaꞌ pinjara, Tapi anggota-anggota jamaat tarus maꞌan badoꞌa basunguh-sunguh kaꞌ Allah untuꞌ Petrus.6 Kaꞌ malam sanapeꞌ Petrus di Herodes ngadiliꞌ, Petrus tatidur kaꞌ tangah dua urakng tantara pangawal. Dingikat man dua rante, tantara nang lain ugaꞌ bajaga kaꞌ pamobok pintu pinjara. 7 Tiba-tiba badirilah saurakng malaekat Allah samak Petrus man saho basinar kaꞌ dalapm ruang pinjara koa. Malaekat koa napok Petrus untuꞌ ngunaknya, katanya: ‘Duhanilah ganceh!’ Jaji talapaslah rante nang kaꞌ kokot Petrus koa. 8 Lalu malaekat koa bakata kaꞌ ia, ‘Pakelah ikat pingakng man sandalnyu.’ Petrus pun nurutiꞌ pakataatn-Nya. Lalu malaekat koa bakata agiꞌ, ‘Pakelah jubahnyu man tunaꞌan aku.’ 9 Petrus nunaꞌ malaekat koa kaluas dari pinjara. Tapi Petrus inaꞌ nyadariꞌ kadeꞌ ahe nang tagah di malaekat koa manjawat sidi-sidi batol tajaji. Petrus nyangka koa kahe paneleꞌanannya ihan. 10 Ia kaꞌ koa ngalewatiꞌ pos panjagaan nang soteꞌ man pos panjagaan kadua, lalu ia kaꞌ koa sampe kaꞌ pintu koalah nang nuju kaꞌ kota. Pintu koa tabukaꞌ babaronya man ia kaꞌ koa pun kaluar dari koa. Lakaꞌ koa ia kaꞌ koa bajalatn dari saka maraga kaꞌ maraga lain, tiba-tiba malaekat koa langit. 11 Lakaꞌ koa baruꞌlah Petrus sadar ahe nang dah tajaji kaꞌ ia, lalu ia bakata, “Ampeatn aku nauꞌan kadeꞌ Allah batol-batol dah ngiripm malaekat-Nya untuꞌ ngalapasatn aku dari kuasa Herodes man dari sigana rancana jahat urakng Yahudi.” 12 Lakaꞌ nyadariꞌ kaadaan koa, Petrus ampus kaꞌ rumah Maria, uweꞌ Yohanes nang disabut ugaꞌ Markus. Di koa rami urakng bakomoꞌ man giꞌ tagah badoꞌa. 13 Petrus ngador pintu luar, lalu saurakng palayan nangbini badama Rode, ampus mukaaꞌ pintu. 14 Langsung ia kanal kaꞌ suara Petrus. Tagal sidi karepoatn, ia ganceh-ganceh tamaꞌ kaꞌ dalapm agiꞌ inaꞌ mukaꞌ pintu, ia bapadah kaꞌ urakng-urakng diꞌkoa kadeꞌ Petrus ada kaꞌ luar. 15 Tapi ayungannya inaꞌ pucayaꞌ kaꞌ nangbini koa, katanya; “Kao gila!” Tapi Rode bakaras kadeꞌ ia koa batol-batol Petrus. Tapi ia kaꞌ koa bakata, “Koa malaekatnya!” 16 Samintara koa Petrus tarus maꞌan ngador pintu. Takaꞌ ia kaꞌ koa mukaꞌ pintu, man neleꞌ Petrus, ia kaꞌ koa heran sidi 17 Petrus langsung mareꞌ kode man langannya biar ia kaꞌ koa badiapm, lalu ia ngesahatn ampahe Allah mantoꞌ ia kaluar mpat kaꞌ pinjara. Lalu ia bakata, “Patakatn boh kaꞌ Yakobus man page samadiꞌatn diriꞌ nang lain ugaꞌ.” Lakaꞌ koa Petrus ningalatn tampat koa man ampus kaꞌ tampat lain.
18 Alapm arinya tajajilah patangkaratn kaꞌ antara tantara pangawal. Ia kaꞌ koa bingung sidi tentang ahe nang dah tajaji kaꞌ Petrus.
19 Lalu Herodes nyuruh urakng ngagoꞌiꞌ Petrus, tapi ia inaꞌ ditamuan. Jaji Herodes nyuruh mareksa pangawal-pangawal kaꞌ koa man munuh ia kaꞌ koa. Lakaꞌ koa Herodes ampus kaꞌ Yudea man badiapm sangahe lama kaꞌ Kaisarea.
Herodes mati
12:20-23
20 Herodes miah sidi bera kaꞌ urakng Tirus man Sidon. Atas kaputusan sama-sama ia kaꞌ koa ampus ngadap Herodes. Mula-mula ia kaꞌ koa mujuk Blastus, nang ngapalaꞌiꞌ istana Herodes, biar ia bapihak kaꞌ urakng Tirus man Sidon koa. Jaji ia kaꞌ koa ampus ngadap Herodes, lalu mintaꞌ badame, jukut nagari nya kaꞌ koa bagantukng kaꞌ makanan mpat kaꞌ nagari Herodes 21 Kaꞌ ari nang dah ditantuatn, Herodes make pakean kebesarannya lalu duduk kaꞌ karusi karajaan man mulaiꞌ bapidato kaꞌ adapatn rakyat. 22 Rakyat nang giꞌ tagah nangngaratn koa basorak-sorak, “Nian suara dewa, bukeꞌ suara talino!” 23 Takaꞌ koa ugaꞌ malaekat Allah nimpaꞌatn panyakit kaꞌ Herodes sampe ia mati di lantokng makatn tagal ia inaꞌ hormat kaꞌ Allah.
Barnabas man Saulus dingiripm
12:24–13:3