Bakɔɔsái i

Baobá́ ndea Pɔ́lɔ ka baKɔɔsái

Mɔ á Nyɔngɔ

Animbe dádundu baobá́ nde? Dátú Nteki Pɔ́lɔ, bii dátú ka mekakɔ ka nyɔngɔ á tɔ̌miaga á bakpa, Nyɔngɔ Anja ndea Kiísito.

Dádundu ka saga sina? Dádundu ka saga bea 61, kabɛ 62, mbusa á bɔkɔtɛana á Yéso.

Dádundu ka nyɔngɔ eke? Pɔ́lɔ dákondi ubhisa á babeeki gea te, bákabeɛmbɛ bɔphɛi ndea baphangigi á mbɛa. Baphangigi ndɔ dábaogea te, akeni gua á ganja ndea baYúdha, taa éea danga-danga, beekea á nyɔngɔ danga-danga, nnde nna subi á bɔphɛi á doni ndea Kiísito.

Bɔphɛi nɛkɛ dátú eke? Kiísito ande gu á kema bhubhui, kabɛ nande kanisa, mokonda, kobha, bakpa, bamalaeka, baketi. Ka bondɔ unge, ubha á nyɔngɔ nɛkɛ na tambea bíndɔ akondi, ande ba n'ebhigɔ nɛkɛ. Mpɔ, bóoba gu á kema bhubhui bea yɛ. Pɔ́lɔ â phɔtɔ uubhisa geae, obatisɔ, a yetɔ ganja ndea baKiísito.