Ekuma ndea Pɔ́lɔ ka bunde bána baYúdha
3
1 Ka nyɔngɔ á bonjánja nde Mokonga ǎnogii, nɛɔmɛma Mokonga ka nyɔngɔ anu. Ka nyɔngɔ ékuma nde nɛbhɛdanigi ka benu, nende ntɔa ka mekakɔ k'ina Yéso Kiísito. 2 Nga, bɔɔki doni, bii Mokonga amopi ekuma ndɔ ka bonjánja ékondi nɛkɛ gea, nɛ́tɔtɔkisɛ ekuma ndɔ ka benu. 3 Yɛ a ámbé amophangi moangɔ ndea Kiísito, nnde dásɔmi, ninde nedundu oani mosa. 4 Bii bootanga, bodigimisande geae, neuubha moangɔ á bɔsɔmɛa ndea Kiísito anja. 5 Mokonga dásɔmi moangɔ ndɔ kala gea te, nkpa kaubhɛmbɛ. Kɛkɛ nde gǎkɛ, ěphangi bateki na baɔtu-nyɔngɔ nɛkɛ, moangɔ ndɔ ka bukpɛkpɛ á Měma akɛ. 6 Ande gea te, BaYúdha, na bunde bána baYúdha, bii báɔngani na Kiísito Yéso, báogabheana botukɔ ndea Mokonga. Bánde batɔa k'ekombo moti, bâ phɔtɔ obondea mɔkɔ moti. Nyɔngɔ ndɔ bhui a tɔ subi á Nyɔngɔ Anja nɛkɛ.7 Mokonga a ámbé amobhisi, nébɛ mbhɛdanigi ka ubhisa a Nyɔngɔ Anja ndɔɔ. Agi bo ka bonjánja ékondi na bukpɛkpɛ nde dámopi. 8 Nende gǎkɛ bea juɛbɛ k'ekombo ndea Mokonga. Nanga ába bó, eme a ámbé Mokonga amopi bonjánja á gea te, nébɛ ntɔmi-nyɔngɔ nɛkɛ. Ka bondɔ, nɛɔ́tɔmiaga bakpa nde bána baYúdha, bokambia nde Kiísito ǎsophi. Bɛ́kɛ́ɔtɔka nebeengekisi bokambia ndɔ bhui. 9 Nê phɔtɔ uubhisa bhase, moangɔ nde Mokonga amopi, nadásɔmi mosa á conja á kema bhubhui. 10 Ka matu nde, Mokonga abhisi kanisa ka phangia á bakɔta na baamɛ á na kobha, kɔbɔngɛ nɛkɛ bhui. 11 Nndɔ ande mɔphɛ akɛ á mɛyɔ, nnde atɔtɔkisi ka njaga á Mɔkɔta nɛsu, Yéso Kiísito. 12 Bii bɛɔngani na yɛ, béombeekea, be na ntende á sɛkɛda á mosa á Mokonga, kanga á kɔbɔbɔkɔ. 13 Ka bondɔ unge, nɛ̌̀nɔmɛmi gea, bɔ́kɔɛɛ mɔnɔ ka měma bii ne ka mekakɔ ka nyɔngɔ anu. Abɛ ndiu cina á ntende nɛnu.
ěmɛmi á ko ibɛ
14 Ka bondɔ, negbuki moanku mosa á abhasu Mokonga, 15 mmbe ande abh-ékombo bhubhui a na kobha, ninde a ka mokonda bhui. a 16 ěmɛmi nɛmɔ ande gea:Bii boombia ande ɛtɔi nɛkɛ, Měma akɛ ánogabheɛ ɛtɔi ndɔ. Mpɔ, bóogbaga ka měma. 17 Bii bombeeki Kiísito, yɛ áikɛ ka měma anu.Mpɔ, ekondani áoba cina á beekea nɛnu bea migi á me na ngeo éndu. 18 Kimoti na bunde Mokonga ɛ̌̀sɔmbu, nɛmɛmi phɔtɔ gea, bóbɛ na bukpɛkpɛ á digimisa ekondi ndea Kiísito, bii a ángbó, a akpɛ, na anja phɛ̂.
19 ěmɛmi ande phɔtɔ gea, búubhɛ ekondi nɛkɛ nanga bii bánaɔtɔka nabádigimisi ekondi ndɔ bhui. Mpɔ, bóotuma n'ebhigɔ ndea Mokonga.