2 Bakɔlítɔ i

Baobá́ á ko ibɛ ndea Pɔ́lɔ ka baKɔlítɔ

Mɔ á Nyɔngɔ

Animbe dádundu baobá́ nde? Dátú Nteki Pɔ́lɔ.

Dádundu ka saga sina? Dádundu ka saga bea 56, kabɛ 57, mbusa á bɔkɔtɛana á Yéso.

Dádundu ka nyɔngɔ sina? Mbusa á baobá́ á ka mosa ka baKɔlítɔ, Pɔ́lɔ dákondi digimisa á tambea nɛbɔ. Dátú phɔtɔ oianaga, ka nyɔngɔ nde, baphangigi á mbɛa dábaǒngodea baKɔlítɔ gea te, Pɔ́lɔ nna nteki á doni. Dátú phɔtɔ okaba bangɔa ka nyɔngɔ á enga a baKiísito baYúdha, bunde dábaokua na nja ka Yɛusalɛ́ma. BaKɔlítɔ dábatú ndiu baGiíki.

Bɔphɛi nɛkɛ dátú eke? Pɔ́lɔ dáubhisi baKɔlítɔ gea, ande nteki á doni. Nga, ekuma nɛkɛ dákengeani ninde á Kiísito. Dági phɔtɔ gea, ekuma á nteki, ande ekuma á tambaga. Nanga ába bó, ande ekuma á boombia. Ande gea te, nanga endu nɛsu á ka mokonda, nande nyama asu, áɔngbɔɔkana, be n'endu nɛngbo na kobha, nnde nnaɔtɔka nangbɔɔkani. Akondi phɔtɔ gea, baKɔlítɔ bádhausanɛgɛ bangɔa na moingi, na maseye, bátekɛ ka Yɛusalɛ́ma.