3
Si Kristu ya pag-imanen na manga mangintu-uway
1 Na, kay manga inulug ku, pagleya kamu asuntu na syumambuk da kamu kan Kristu na pangulu tadun. Wala' aku ilab na salutun ya palna-u yeiy adti pagsulat ku kamayu kay yeiy ya magtameng sa kamayu pagpangintu-u, pada dili' kamu makasuway lekat adti manga palna-u na matulid.
2 Magpakatadeng kamu kay awun eped na manga Judiyu na nyangintu-u la kan Kristu manang gyumelgel pa sa palna-u nilan na dili' kunu dawaten na Tyumanem ya utaw kun wala' una tuli-a. Ya manga utaw yeiy, siling silan na manga idu' na tagaw. Malatay ya pigpan-imo' nilan. 3 Kay yan baling ya du-an nan na pigdawat da kitadun na Tyumanem, asuntu na nyangintu-u la kan Kristu Jisus aw beke' na pagpatuli'. Nyanimba kitadun sa Tyumanem magi sa Ispiritu nan aw pigdeyen tadun si Kristu Jisus aw yan ya pigpalibantug tadun, aw wala' kita salig sa madyaw na imo-unun dala ya pagtuli' pada makaluwa' kitadun. 4 Na, kun awun utaw na magpalibantug asuntu na dyalug nan ya kad�g na sugu' aw manga katanem dun ni r�lihiyun na manga Judiyu, maynan uman saba ya kanak idtu muna. 5 Kay ya kanak idtu muna walungallaw lekat na pagka?utaw ku pigpatuli' da aku. Aw aku ya sambuk na utaw na Isra-�l na buwadbuwad ni B�njamin, tengteng aku na Hibriyu dun ni manga utaw na Judiyu. Parisiyo aku saba aw pigdalug ku ya kadakula' na uldin na manga Judiyu. 6 Aw asuntu na to-o ku kya?aseban ya pagtuman sa uldin na manga Judiyu, yan ya du-an nan na pyamulayaman ku idtu muna ya manga mangintu-uway kan Kristu. Adti kanak anenganeng idtu muna, wala' ya un pagsala' kanake' kay nyatibulluk ya ginawa ku dyumalug sa manga katanem na lekat adti uldin na manga Judiyu.
7 Ya kad�g yeiy na imo-unun ku idtu muna iman ku aw dakula' ya un ku ma-untung, manang kya-ede-an da ku adun na wala' kadi' ya ma-untung dun, asuntu na nyangintu-u la aku kan Kristu. 8 Aw yeiy saba ya matinaw. Ya matas na dengeg ku idtu muna, wala' da ku yan pagbetangan sa ginawa. Yan baling ya dakula' na ma-untung ku adun ya pagka-ede' ku kan Kristu Jisus na tagtun kanak, aw dili' ma-iyap ya ma-untung ku kanan. Asuntu kanan, pig-ayawan da ku ya kad�g na idtu muna aw pigsiling ku yan alag na daget, kay kaliman ku na to-o pa kami si Kristu magkakilala?ay 9 aw mag-isambuk da kami. Yanagaw dili' da ku saligan ya manga imo-unun ku na matulid aw ya pagdalug ku sa uldin pada dawaten galu na Tyumanem. Manang syumalig da aku adun kan Kristu. Aw ya pagpangintu-u ku kanan, yan ya du-an nan na pigdawat da aku na Tyumanem. 10 Yan ya kaliman ku na to-o ku kilala?en si Kristu aw kataga?an ku ya katulus na pagkataw nan lekat adti pagkamatay. Aw kalim ku agiyan ya kya-agiyan ni Kristu, dala ya pagti-is nan aw ya pagkabagu na lawas nan. 11 Kay yan ya pig-iman ku na un aku matawun na Tyumanem adti kamoliyan na allaw.
12 Wala' aku paglong na nyataw da aku lekat adti pagkamatay aw wala' aku paglong na dili' da aku makasala'. Manang ya pag-iman ku matagtun pa ku ya bagu na lawas siling na nyatagtun ni Kristu ya bagu na lawas nan idtu muna sa pagkataw nan. 13 Manga inulug ku, wala' aku pag-anenganeng na nyatagtun da ku yeiy. Manang kyalingawan da ku ya kanak kya-agiyan idtu muna aw tibullukun pa ku ya kanak anenganeng adti datengan. 14 Yanagaw to-o ku pigbetang adti ginawa na matagtun ku ya bagu na lawas na pigpakang da kanak na Tyumanem idtu pagtawag nan kanak dun ni allaw na bagu aku nyangintu-u. Aw asuntu na pigtawag aku nan, syumambuk da aku kan Kristu Jisus, beke' olo' na adun manang adtu pa uman ni tas na langit. 15 Maynan galu ya anenganeng na kad�g tadun na masalig da ya pagpangintu-u. Aw kun awun utaw na dili' maynan ya anenganeng nilan, tabangan silan na Tyumanem na kalabetan nilan kun unu ya matinaw. 16 Manang padelegen tadun ya katinawan na kya-ede-an da tadun sa Tyumanem.
17 Kay manga inulug ku, pagsiling kamu kanak aw silingi mayu uman ya manga eped na utaw na dyumalug sa pigpan-imo' nami. 18 Malikit aku miglong kamayu na awun mad�g na dyumalug kunu kan Kristu manang dun ni pigpan-imo' nilan siling silan baling na po-on ni Kristu dala ya pig-imo' nan dun ni krus. Migsugaw pa aku beg kun kya-anenganengan ku silan, 19 kay yan baling ya un nilan datengan ya danaw na atulun. Kay pigpakatyumanem nilan ya pagkaliman na pagka-utawun nilan. Pigpalibantug nilan ya manga makamulamula galu kanilan, aw yan olo' ya pigbetang nilan sa ginawa ya asini tas na lupa'. 20 Manang kitadun ya sakup na Tyumanem aw yan ya tengteng eya-anan tadun ya adti tas na langit. Aw lekat adti tas na langit un dumateng saba ya kanaten magpaluwa-ay na yan si Jisus Kristu na pangulu tadun. Aw to-o kitadun migtagad kanan. 21 Kay to-o dakula' ya katulus nan na un pa ka?agadan na kad�g. Aw magi sa katulus nan, un nan baguwun ya tin lawas tadun na un masiling na kanan lawas na to-o madyaw na dili' da magkamatay.