2
Si Kristu Jisus nya-imo' pundinganan adti manga mangintu-uway
1 Na, kya-ede-an ku na pigpakabagseg da ya kamayu ginawa asuntu sa pagsambuk da mayu kan Kristu, aw piglala kamu na dakula' na ginawa nan, aw pigsambuk da na Ispiritu na Tyumanem ya anenganeng na kad�g mayu, aw migkakallatay ya tag sambuksambuk kamayu. 2 Yanagaw, dayaw pa lingeba ya kanak pagleya magi sa kamayu paggaginawa?ay aw ya pag-isambuk na kamayu ginawa. Aw pagtatande-ay kamu aw pa-unawa?a ya tud na kad�g mayu. 3 Dili' mayu pag-imo-un ya pangkay unu na maka-agba' sa paggaginawa?ay mayu asuntu olo' sa pagpatastas mayu sa kamayu pagka-utawun. Manang pagpadalem kamu baling aw yan ya una?en mayu ya eped na utaw. 4 Aw ya tag sambuksambuk kamayu, dili' mayu pag-olo-un ya kamayu pagkaliman, manang betangan uman adti anenganeng mayu ya pagpakabetang na kamayu manga eped.
5 Dalugun mayu ya pundinganan ni Kristu Jisus. 6 Pangkay awun ni kanan ya katasan na Tyumanem, manang wala' sakanan pagpa-epeng sa Tyumanem. 7 Manang baling nan pigpadalem ya kanan pagka-utawun aw pigsilingan nan ya bet na sugu-anen. Migka-utaw sakanan siling na tengteng utaw. 8 Aw sa pagka-imo' nan utaw, migpadalem sa pagka-utawun nan na un tumanen ya tud na Tyumanem kanan pangkay sa pagkamatay nan adti krus. 9 Yanagaw pigpatas sakanan na Tyumanem aw pig-atag kanan ya ngalan na to-o matas kay sa kad�g na manga ngalan, 10 pada deyen sakanan na kad�g na utaw. Kay ya kad�g na awun ni tas na langit aw ya kad�g na asini tas na lupa', aw pangkay ya manga nyangkamatay aw pangkay ya manga busaw, alag silan un lumuhud dun ni asdangan nan aw ka?agadan nilan ya pagdumala nan. 11 Aw ya kad�g nilan maglong na si Jisus Kristu ya pangulu, aw dun da nilan deyenan ya Tyumanem na Ama. *
Siling kitadun na saleng na syumiga asini tas na lupa'
12 Na, manga inulug ku na pigginawa?an, kya-anenganengan ku ya idtu muna na dun pa aku ni tampid mayu, na gayed mayu pigdalug ya pigpalna-u ku kamayu, aw kya-ede-an ku na to-o pa mayu pigdalug adun pangkay wala' da aku adti sayid mayu. Yanagaw, magpakadyaw kamu aw padelega mayu ya pagtibagseg dun ni manga imo-unun na madyaw kay yan ya maka-umba' sa utaw na pigpaluwa' da na Tyumanem, aw tumanen mayu ya kanan pagkaliman. 13 Kay ya Tyumanem nyeya' adti ginawa mayu, aw gayed nan pig-uman ya kamayu anenganeng pada kaliman mayu imo-un ya kanan pagkaliman magi sa kanan katulus.
14 Pangkay unu ya pig-imo' mayu, dili' kamu maggumudgumud asuntu sa kabegat na ginawa mayu, aw dili' kamu mag-ayil, 15 pada wala' ya pagsala' na manga utaw kamayu asini tas na lupa' aw ya bet mayu alag madyaw. Kay kamu ya mangayse' na Tyumanem aw malinis da ya anenganeng mayu pangkay nyeya' kamu dun ni manga utaw na nyabaluk ya anenganeng aw malatay ya kanilan pigpan-imo'. Masiling kamu na kalalamdag na saleng na mag-ilaw sa kad�g na asini tas na lupa', 16 kay dayaw da mayu dyalug ya tingeg na Tyumanem, aw yan ya nyatag sa ginawa na wala' ya tyamanan. Aw kun maynan ya pig-imo' mayu, to-o aku magleya dun ni allaw na pagliku' ni Kristu kay un ku ka-ede-an na wala' kasapad ya kanak pagud dun ni kamayu. 17 Aw pangkay kun mabus adti kamayu ya pagud ku, to-o aku migleya eped mayu, kay masalig da ya pagpangintu-u mayu aw dakula' ya pig-atag mayu na palangad dugsu' adti Tyumanem. Aw ya kanak pagud siling na sangkatabu' ya bino na pig-asag na yan ya kalingeban na pagdugsu'. * Manang kenne' na pagleya ku. 18 Aw maynan uman, magad kamu galu sa kanak pagleya.
Ya pagsaya' ni Pablo kan Timotiyo aw si �paprodito
19 Na, kun tumbay ni Jisus na pangulu tadun, dili' madugay sugu-un ku galu adti kamayu si Timotiyo, pada pagliku' nan asini, magleya aku magpakanyeg sa pag-ubat nan sa kamayu pag-eya'. 20 Kay dun ni kad�g na manga eped ku, wala' ya maka-unawa kanan, kay si Timotiyo olo' ya migbetang adti ginawa nan sa kamayu kadyawan siling kanake'. 21 Ya manga eped, yan olo' ya pig-anenganeng nilan ya kanilan pagka-utawun aw ya kanilan pagpakabetang, aw wala' nilan betangan adti ginawa nilan ya pagkaliman ni Jisus Kristu. 22 Manang si Timotiyo, kya-ede-an da mayu ya kanan bet. Siling sakanan na kanak tengteng ise' kay dakula' ya nyatabang nan kanak adi sayid ku sa pagbekkal sa madyaw na ubat-ubat kan Kristu. 23 Yanagaw kun ka-ede-an da ku ya pagbaya' na gubilnu kanak, na, maksay ku sakanan galu sugu-un adti kamayu. 24 Aw pig-iman ku na dili' madugay tumbay aku uman na Tyumanem adti sayid mayu.
25 Na, yan ya pagbaya' ku uman na pa-uli-en ku baling adti kamayu si �paprodito na inulug tadun. Madyaw ya pagsugu' mayu kanan adi kanak idtu muna, aw madyaw sakanan migsanggila' kanak. Migka-ubaybay kami aw nyaka-eped sakanan dun ni imo-unun ni Kristu. Siling kami si �paprodito na duwa ya sundalu na migti-is dun ni dakula' na tanam, kay migsambuk kami migpa-ede' sa madyaw na ubat-ubat kan Kristu. 26 Manang adun, to-o la sakanan dyumela sa kad�g mayu kay madugay da wala' kamu pagkita'. Yanagaw madyaw pa kun maksay ku sakanan pa-uli-en adti kamayu. Kay wala' katingen ya anenganeng nan idi kay dyengeg nan na to-o kamu nyaypeng kanan labi la na dyengeg mayu na pigkedelan sakanan. 27 Aw matinaw saba ya dyengeg mayu na kyedelan sakanan idtu muna aw agpet da galu matay, manang pigkallatan sakanan na Tyumanem, aw aku uman, pagaw kadugangan pa ya kakalatan na ginawa ku. 28 Yanagaw kaliman ku to-o na pa-uli-en ku sakanan dun ni kamayu pada magleya kamu uman sa pagkita' kanan aw dili' da aku maypeng kanan. 29 Yanagaw sa pagdateng nan dun, to-o kamu magleya aw kabetan mayu sakanan asuntu na inulug mayu dun ni kan Jisus. Basa?an mayu si �paprodito aw manga eped na utaw siling kanan na nyatibulluk ya anenganeng nilan adti imo-unun na Tyumanem. 30 Kay agpet da galu sakanan matay asuntu sa imo-unun nan kan Kristu. Pigpan nan saba ya kanan pagka-utawun dun ni pagtabang nan kanak kay wala' mayu kabatug asuntu na mawat kamu.