Ya Sulat ni Pablo adti Manga Mangintu-uway dun ni
Syudad na Pilipos
Ya Muna Pagpa-ede'
Yan ya du-an na migsulat si Pablo adti manga mangintu-uway kan Kristu adti syudad na Pilipos kay kaliman nan pasalamatan silan sa tabang na kuwalta na pigpadala nilan kanan. Na, nyakalabusu pa si Pablo adti syudad na Roma aw migtagad pa sakanan sa pag-usay na Impirador na si N�ro. Ya kyalabusuwan kanan yan ya balay na pigtandanan nan, aw pigtumbay kanan ya pagpanawpanaw dun ni seled na syudad na pagpa-agadan na sambuk na sundalu. Sa pagsulat ni Pablo adti manga mangintu-uway dun ni Pilipos, malapit da ya pagbaya' ni N�ro kanan aw pig-iman ni Pablo na paluwa-en sakanan aw makaliku' adti kanilan. Yan gya ya umay na pagsulat nan, ya umay na 61.
Na, ya idtu na kuwalta aw sulat na lekat adti manga mangintu-uway dun ni Pilipos, pigpadala nilan kan �paprodito adti kan Pablo. Aw si �paprodito uman aw si Timotiyo ya dyumala sa sulat na pigtubag ni Pablo adti kanilan, aw yan saba ya sulat ni Pablo adti manga mangintu-uway dun ni Pilipos.
Na, dun ni manga mangintu-uway adti Pilipos, mad�g ya manga H�ntil manang tabay ya manga Judiyu. Aw dun ni manga Judiyu, mad�g kanilan ya manga ka?ubayan.* Aw asini sulat, migpa-ede' si Pablo na awun eped na manga Judiyu na nyangintu-u la manang lyeges nilan galu ya manga katanem na manga Judiyu adti manga H�ntil na nyangintu-u la. Aw miglong si Pablo na dili' galu mag-ayil-ayil ya mangintu-uway manang magsiling silan kan Jisus. Dun uman ni seled na sulat, to-o migleya si Pablo asuntu na pig-imo' nilan ya kad�g na pigpalna-u nan idtu muna.