Markos 9

¹ Aw miglong pa si Jisus kanilan, �Matinaw saba ya piglong ku y�iy: Awun eped kamayu asini na dili' dumateng adti pagkamatay nilan menda' na kita-en da nilan ya pagkahari' na Tyumanem dala ya kadakula' na katulus nan.�

Ya pagpaka-ilaw kan Jisus sa dakula' na kalalamdag na Tyumanem

² Pagkatigkas na enemengallaw, pigpa-agad ni Jisus si P�dro aw si Santiago aw si Juan aw tyumukud silan adti matas na buntud na olo' silan. Aw talana nilan dun, kya-ilawan si Jisus na dakula' na kalalamdag na Tyumanem dun ni asdangan nilan. ³ Ya kaputi' na kad�gkad�g nan wala' ya un maka-unawa asini tas na lupa', aw to-o migkilangkilang ya kad�gkad�g nan. ⁴ Aw dun da pagpakita' si �liyas aw si Moysis aw migbalawbalaw silan si Jisus. ⁵ Aw miglong si P�dro kan Jisus, �Kay Magpalna-uway, madyaw kay nyakasamba kami ini. Magtulluk kami sa tulu ya layag, sambuk ya kanmu, sambuk ya kan Moysis aw sambuk ya kan �liyas.� ⁶ Yan ya piglong ni P�dro kay wala' nan ka-ede-i kun unu la ya madyaw nan paglongun, kay to-o silan nyallek. ⁷ Aw tigkas yan, awun dyumadat kanilan na labun. Aw lekat adti labun awun tingeg na miglong, �Y�iy ya kanak Ise' na to-o ku pigginawa?an. Pakanyegi mayu sakanan!� ⁸ Aw pyaninaw nilan na mata kun ayin lekat ya tingeg yan, manang wala' ya eped na kyinita' nilan. Dakman olo' si Jisus ya dun.

⁹ Pagtubang nilan lekat adti buntud, pyamene-an silan ni Jisus na dili' nilan pag-ubat-ubat ya kyinita' nilan taman sa mataw ya Ise' na Utaw lekat adti nyangkamatay. ¹⁰ Yanagaw pigtuman nilan ya pyamene' nan manang gayed silan mig-usip-usipay kun unu ya kakawasan na piglong nan sa pagkataw na utaw lekat adti nyangkamatay.

¹¹ Katigkas yan, pig-usip nilan si Jisus, �Ananga' gayed miglong ya manga talaglawung na manga Judiyu na maka-una si �liyas dumateng aw makamoli ya Kristu?� ^12-13 Aw tyubag silan ni Jisus, law nan, �Matinaw saba ya piglong nilan na si �liyas kunu ya maka-una aw magtagilan sa kadakula'. Manang long ku kamayu na dyumateng da si �liyas, aw pigpamulayaman sakanan na manga utaw, siling na pigpasulat dadan na Tyumanem ya un nan kagamakan. Aw maynan uman, mad�g ya pigpasulat dadan na Tyumanem kanak, kay law nan, �Ya Ise' na Utaw un pati-isen aw odoy-odoyun na manga utaw.� �

Ya pag-alilin ni Jisus sa malipa' na ispiritu na syumeled adti ise'

¹⁴ Pagliku' ni Jisus aw manga eped nan lekat adti buntud, kyinita' nilan ya eped na manga umagakan nan na kyalimpungan da silan na to-o mad�g na utaw aw talobo mig-ayil kanilan ya manga talaglawung sa Uldin na manga Judiyu. ¹⁵ Aw pagkita' na mad�g na manga utaw kan Jisus na nyamapa la adti kanilan, nya-enneng-enneng silan aw to-o migleya. Yanagaw dyumalagan silan aw lyumagbet kanan. ¹⁶ Aw nyusip si Jisus sa manga umagakan nan, �Walan ya pig-ayilan mayu ya manga talaglawung?�

¹⁷ Aw miglong ya sambuk na eseg lekat dun ni katipun, law nan, �Kay Magpalna-uway, pigpa-agad ku adi kanmu ya ise' ku na eseg kay syeledan sakanan na malipa' na ispiritu na migpa-umu kanan. ¹⁸ Ila' aw pag-agawun na malipa' na ispiritu ya lawas nan, pagtuwaden sakanan adti lupa', aw magsula' ya baka' nan aw magpanguliteb ya untu nan aw magkeseg ya lawas nan. Yanagaw migsekat da aku adti manga umagakan mu na alilinan nilan adti kanan ya malipa' na ispiritu, manang wala' nilan kabatug.� ¹⁹ Aw miglong si Jisus, �Tay kalaw sa manga utaw na wala' ya pagpangintu-u! Sangunu pa ya kadugay ku meya' asini tampid mayu menda' na sumalig da kamu kanak? Ayin kalaw taman ya pagpagud mayu kanak? Na, adi mu kanak ya ise' yan.� ²⁰ Yanagaw pigpa-agad adti kan Jisus ya ise'. Manang pagkita' na malipa' na ispiritu kan Jisus, to-o ya ise' pigkawasan na usa aw nyalukad adti lupa', aw gayed da migtambulilid aw migsula' ya baka' nan. ²¹ Aw nyusip si Jisus sa ama na ise', �Sangunu la ya kadugay na maynini ya pigbati' na ise' mu?� Aw tyumubag ya ama nan, �Lekat pa na pagkatagbi' nan. ²² Malikit da na malipa' na ispiritu paglukaden ya ise' ku adti atulun aw pagtuwaden adti tubig na un nan galu patayen. Yanagaw kallati beg kami! Tabangi beg kami kun mabatug mu!� ²³ Aw miglong si Jisus, �Ananga' kaw maglong, �Kun mabatug mu�? Wala' ya dili' mabatug kun mangintu-u ya utaw kanak.� ²⁴ Aw nyaksay tyumubag ya ama na ise' yan, �Nyangintu-u la aku kanmu, manang wala' pa paka-umba'! Tabangi aku beg pada maka-umba' ya pagpangintu-u ku kanmu!�

²⁵ Sa pagkita' ni Jisus na to-o la mad�g ya manga utaw na maksay migsidateng, pigsugu' nan ya malipa' na ispiritu kay yan ya migpabengel aw migpa-umu sa ise', law ni Jisus, �Luwa' kaw di ise' ini, aw dili' da mu pagliku-an ya pagseled kanan!� ²⁶ Aw tigkan mig-ulangag ya malipa' na ispiritu, aw to-o pigkawasan na usa ya ise', aw tigkas yan, lyumuwa' da ya malipa' na ispiritu. Iman mu na wala' da ya ginawa na ise', aw mad�g silan ya miggumudgumud, law nilan, �Nyatay da gya iyan.� ²⁷ Manang pig-awidan ni Jisus ya tullu' na ise' aw pigbangun nan aw dayaw da nyaka-indeg ya ise' dun ni asdangan nilan.

²⁸ Pagseled da ni Jisus adti balay, nyusip kanan ya manga umagakan nan, �Ananga' wala' kami paka-alilin sa malipa' na ispiritu?� ²⁹ Aw tyubag nan silan, �Ya punganan na ispiritu y�iy, mabatug alilinan olo' magi sa pagpanawagtawag adti Tyumanem.�

Ya kadwa ni Jisus magkasampet sa pagkamatay nan

³⁰ Pag-indeg nilan dun, nyagi silan adti Galiliya. Manang dili' malim si Jisus na ka-ede-an na eped na utaw ya pag-agi nan dun, ³¹ kay kaliman nan magpalna-u sa manga umagakan nan. Miglong si Jisus kanilan, �Aku na Ise' na Utaw un atag adti manga utaw pada patayen nilan, manang pagdateng na katlu na allaw, mataw da aku uman lekat adti pagkamatay.� ³² Manang wala' nilan kalabeti ya kakawasan na piglong nan, aw migduwaduwa silan musip kanan.

Singalan ya to-o matas?

³³ Pagliku' nilan adti Kapirna-um, nyantuk si Jisus aw ya manga umagakan nan adti balay, aw nyusip si Jisus kanilan, �Wan ya pigpan-ayilan mayu dun ni dalan kakayna?� ³⁴ Manang nyatinep silan kay nyamulamula asuntu sa pag-ayil nilan kun singalan kanilan ya to-o matas. ³⁵ Aw nyingkud si Jisus aw pigtawag nan ya sampulu' tag duwa adti sayid nan aw miglong kanilan, �Kun awun sambuk kamayu na kaliman nan ma-imo' pangulu, yan ya una nan imo-un ya magpadana' sa pagka-utawun nan aw masiling na sugu-anen adti kad�g na manga eped nan.� ³⁶ Aw katigkas yan, kyumamang si Jisus sa tagbi' na ise' aw pigkepkep nan aw pigpa-atubang nan adti kanilan, aw miglong si Jisus, ³⁷ �Ya ise' ini imo-un tadun alimbawa'. Siling sakanan na madalem to-o na utaw. Pangkay singalan ya dumawat sa utaw na madalem asuntu kanak, dun da aku nan dawata. Aw pangkay singalan ya dumawat kanak, dun da nan uman dawata ya Ama ku na migsugu' kanak.�

³⁸ Aw miglong si Juan kan Jisus, �Kay Magpalna-uway, kyinita' nami ya sambuk na utaw na mig-alilin sa manga busaw dun ni ngalan mu, aw miglong kami kanan na botonan nan ya pigpan-imo' nan kay beke' saba sakanan na eped tadun.� ³⁹ Manang miglong si Jisus kanilan, �Ya-i mayu pagpigili! Kay ya utaw na maka-imo' sa madyaw na imo-unun magi sa katulus na ngalan ku, dili' uman sakanan maksay makapaglong sa makapagkalat sa dengeg ku. ⁴⁰ Pangkay singalan ya wala' atu kanaten, yan ya nyapit kanaten. ⁴¹ Matinaw saba ya piglong ku kamayu: Kun awun utaw na nyallat kamayu pangkay sangka tabu' ya tubig, aw kun yan ya du-an nan kay kya-ede-an nan na aku si Kristu ya pigdalug mayu, na, dumawat agaw ya utaw yan sa tandan.

⁴² �Manang kun awun utaw na magpasuway sa eped nan siling na mangayse' ini lekat adti pagdalug nan kanak, madyaw pa baling kanan kun eketan ya liyeg nan na dakula' na gilingan na batu aw agbel sakanan adti dagat. ⁴³ Aw kun ya pig-imo' na kanmu tullu' yan ya migpasuway kanmu lekat adti pagdalug mu kanak, utuda ya taklayan mu! Madyaw pa baling kanmu na pupul kaw aw meya' kaw adti tas na langit na wala' ya katigkasan kay sa duwa ya kamaw mu aw yan baling ya un mu datengan ya atulun na dili' kapatayan. ⁴⁴ [Ya utaw na agbel adti banwa na atulun to-o magti-is kay wala' ya katantanan na pagkan kanan na ulud na langaw aw dili' kapatayan ya laga na atulun.] ⁴⁵ Aw maynan uman, kun ya pig-imo' na kanmu siki yan ya migpasuway kanmu lekat adti pagdalug mu kanak, utuda ya siki mu! Madyaw pa baling kanmu na pupul ya siki mu aw meya' kaw adti tas na langit na wala' ya katigkasan kay sa duwa ya siki mu aw agbel kaw adti banwa na atulun na dili' kapatayan. ⁴⁶ [Ya utaw na agbel adti banwa na atulun to-o magti-is kay wala' ya katantanan na pagkan kanan na ulud na langaw aw dili' kapatayan ya laga na atulun.] ⁴⁷ Aw kun ya pag-inunu mu yan ya makapabuyu kanmu adti pag-imo' sa sala', lugita ya mata mu! Madyaw pa baling kanmu ya mabuta ya sambuk na mata mu aw sumeled kaw adti kasakupan na Tyumanem kay sa duwa ya mata mu aw agbel kaw adti banwa na atulun na dili' kapatayan. ⁴⁸ Ya utaw na agbel adti banwa na atulun to-o magti-is kay wala' ya katantanan na pagkan kanan na ulud na langaw aw dili' kapatayan ya laga na atulun.

⁴⁹ �Kay kya-ede-an da mayu na ya kad�g na utaw budbudan na asin aw tanda-en na atulun. Yanagaw, unun mayu y�iy? Kun dili' mayu dalugun ya piglong ku kamayu, yan ya magkalat kamayu baling ya kanak asin aw atulun. Manang kun dalugun mayu ya piglong ku kamayu, linisan kamu na kanak asin, aw yan ya magmatinaw kamayu ya kanak atulun. ⁵⁰ Madyaw ya asin, manang kun kalagakan na ka?asin nan, unun ya pagpaliku' sa ka?asin nan? Maynan uman, magpakasiling kamu na asin adti kamayu eped aw dili' kamu magpa-ayil manang pagsambukun mayu baling ya ginawa mayu.�