Markos 6

Ya pag-uli' ni Jisus adti Nasarit

¹ Pagkatigkas yan, nyanaw si Jisus lekat adti banwa yan aw nyuli' adti lunsud na Nasarit aw nyagad kanan ya manga umagakan nan. ² Pagdateng na Allaw na Paglagdeng, migpalekat si Jisus migpalna-u sa manga utaw dun ni sinagoga. Aw ya kad�g na migpakanyeg sa palna-u nan, to-o silan mig-enneng-enneng, aw migsibalawbalaw silan, law nilan, �Ayin lekat ya katadeng nan maglong sa maynini, aw pig-unu nan ya pag-imo' sa mad�g na madyaw na imo-unun na mabatug olo' magi sa katulus na Tyumanem? ³ Olo' sakanan tin panday asini kanaten, aw ise' sakanan ni Maria. Aw ya manga inulug nan, yan si Santiago, aw si Jos�, aw si Judas, aw si Simon. Aw asini uman pag-eya' ya manga bubay nan!� Yanagaw pig-inga' nilan si Jisus asuntu sa manga imo-unun nan, aw wala' silan kalim pangintu-u kanan.

⁴ Katigkas yan, miglong si Jisus kanilan, law nan, �Ya propita na taga mawat, dawaten na manga utaw ya palna-u nan, manang kun dun ni kanan tengteng banwa aw kanan manga kad�gan, dili' nilan pagdawaten ya palna-u nan.� ⁵ Aw asuntu na wala' ya kalim nilan mangintu-u kanan, wala' si Jisus paka-imo' adti kanilan sa manga imo-unun na mabatug olo' magi sa katulus na Tyumanem. Yanagaw tabay olo' ya utaw na pigkaguli-an, taman olo' na pigbetangan nan sa palad nan. ⁶ Aw to-o nya-enneng-enneng si Jisus kay wala' silan pangintu-u kanan. Yanagaw piglegeblegeb nan baling ya eped na manga kabalayan aw migpalna-u sa manga utaw.

Ya pagsugu' ni Jisus sa sampulu' tag duwa ya apostol�s

⁷ Pagkatigkas yan, pigtipun ni Jisus dun ni sayid nan ya sampulu' tag duwa ya eseg na dadan da nan pigpamalli' na un nan silan sugu-un na tag duwaduwa. Aw pig-atagan nan silan na katulus na Tyumanem na un maka-alilin sa manga malipa' na ispiritu na syumeled dun ni manga utaw. ⁸ Pyamene-an nan silan, law nan, �Dili' kamu magdala sa manga pametang mayu pangkay unu. Dili' kamu magdala sa makan aw kabil aw kuwalta. Olo' tin bangka' mayu ya dala?a. ⁹ Pagsandal kamu manang dili' kamu magdala sa ilisan na sa-ul. ¹⁰ Aw pangkay ayin kamu dateng, yan ya bantuka mayu ya balay na awun utaw na dumawat kamayu, aw dun da kamu pag-eya' taman na indegan mayu ya banwa yan. ¹¹ Manang kun dili' kamu dawaten na manga utaw adti sambuk na banwa, aw dili' nilan kaliman pakanyegan ya ubat-ubat mayu, na, ayawi mayu ya banwa yan aw taptapa ya alikabuk dun ni siki mayu sa pagpanaw mayu, kay yan ya pangilala adti kanilan na ukuman silan na Tyumanem adti kamoliyan na allaw asuntu na wala' kamu nilan dawata.�

¹² Pagkatigkas silan ni Jisus pamene-an, nyanaw ya sampulu' tag duwa aw gayed silan mig-ubat-ubat na magselsel galu ya manga utaw sa manga sala' nilan adti Tyumanem. ¹³ Mig-alilin silan sa mad�g na busaw. Aw pyanawagtawagan nilan adti Tyumanem ya mad�g na manga utaw na kyedelan aw pig-asagan nilan na lana na olibo, aw dayaw silan kyaguli-an.

Ya pagkamatay ni Juan na Magbaba?utismuway

¹⁴ Na, dyumengeg ya hari' na si H�rod�s Antipas sa kad�g na pigpan-imo' ni Jisus, kay nyabekkal da saba adti kadakula' na banwa ya dengeg nan. Awun manga utaw na miglong, �Yan si Juan na Magbaba?utismuway na nyataw lekat adti pagkamatay. Yan ya du-an nan na migpan-imo' sakanan sa madyaw na imo-unun na mabatug olo' magi sa tulus na Tyumanem.� ¹⁵ Awun uman manga eped na miglong, �Yan si �liyas.� Aw miglong uman ya manga eped, �Propita sakanan na Tyumanem siling na manga propita asini muna.� ¹⁶ Aw si H�rod�s uman, pagdengeg nan sa mad�g na pigpan-imo' ni Jisus, iman nan aw si Juan na Magbaba?utismuway, aw law nan, �Yan kadi' si Juan na pigpa-utudan ku sa ulu, manang nyataw da!�

^17-18 Y�iy ya piglong ni H�rod�s asuntu sa nya-imo' idtu muna. Kay idtu muna pig-agaw ni H�rod�s si H�rodiyas na yan ya ka?ubayan na mangud nan na si Pilipi. Aw yan ya du-an na gayed si Juan miglong kan H�rod�s, �Yan saba ya sala' adti Tyumanem, ya pagpangugnan sa ka?ubayan na mangud mu.� Yanagaw nyadaman si H�rodiyas kan Juan. Kaliman ni H�rod�s magpakadyaw sa ginawa ni H�rodiyas, aw ya syampetan nan, pigpadakep nan si Juan, aw pigpagapus nan aw pigpakalabusu. ¹⁹ To-o nyelled ya kadaman ni H�rodiyas kan Juan, aw pigtibagsegan nan ya pagpapatay kanan manang dili' nan mabatug, ²⁰ kay dili' maka-eles si H�rod�s magpapatay kan Juan. Kay kya-ede-an ni H�rod�s na migtuman si Juan sa pagkaliman na Tyumanem aw madyaw to-o ya bet nan, aw yanagaw pigtamengan nan baling. Aw pangkay migduwaduwa ya anenganeng nan, manang gayed magkalim magpakanyeg sa palna-u ni Juan.

²¹ Manang dyumateng da ya allaw ni H�rod�s aw mig-imo' sakanan sa dakula' na pista. Aw pyamilit nan ya manga pagsaligan nan, aw ya manga kapatas na manga sundalu na taga Roma, aw ya manga dakula' na utaw na banwa na Galiliya. Aw dun da si H�rodiyas pakaselat sa awun ni anenganeng nan. ²² Dun ni pista yan, syumeled ya ise' ni H�rodiyas na dalaga aw syumayaw adti asdangan na kad�g nilan. Aw to-o nyaleba si H�rod�s aw manga pyamilit nan, yanagaw piglongan ni H�rod�s ya dalaga, �Pagsekat kaw pangkay unu ya kaliman mu aw atag ku kanmu.� ²³ Tigkas yan, migsapa' si H�rod�s kanan, law nan, �Atag ku kanmu ya kadakula' na sekaten mu kanak, pangkay tenga' pa na kasakupan ku.� ²⁴ Lyumuwa' ya dalaga aw nyusip sa ina nan, �Kay Ina', walan ya un ku sekaten?� Aw tyumubag ya ina nan, �Yan ya sekata ya ulu ni Juan na Magbaba?utismuway.� ²⁵ Nyaksay lyumiku' ya dalaga adti kan H�rod�s, aw law nan, �Yan ya kaliman ku sekaten ya ulu ni Juan na Magbaba?utismuway. Atagan kanak adun ya ulu nan betang di tas na molad!�

²⁶ Pagdengeg ni H�rod�s sa tubag nan, migkalat ya ginawa nan aw migkabegat ya giya nan, aw migselsel sakanan sa piglong nan. Manang asuntu na migsapa' da dun ni asdangan na kad�g na pyamilit nan, makamulamula kun dili' nan tumanen ya sapa' nan. ²⁷ Yanagaw pigsugu' ni H�rod�s ya sambuk na sundalu na angayen ya ulu ni Juan. Aw nyadtu ya sundalu ni kalabusuwanan aw pig-utudan nan si Juan sa ulu. ²⁸ Aw pigbetang nan ya ulu ni Juan adti tas na molad aw dyala nan adti dalaga, aw pig-atag na dalaga adti ina nan.

²⁹ Pagdengeg na manga umagakan ni Juan sa pagkamatay nan, pig-angay nilan ya lawas nan aw pigbetang adti lebenganan.

Pigpakan ni Jisus ya limammalalan

³⁰ Na, lyumiku' ya manga apostol�s adti tampid ni Jisus aw pigdandan nilan kanan ya kadakula' na pigpan-imo' nilan aw pigpalna-u nilan. ³¹ Manang to-o mad�g ya utaw na migliku-liku' adti sayid nilan aw wala' ya selat nilan kyuman, yanagaw miglong si Jisus sa manga umagakan nan, �Kitadun manaw adti kaligbinan na wala' ya utaw pada maglagdeng dagawdagaw.� ³² Yanagaw syumakay silan sa balangay aw syuminan silan ni kaligbinan na olo' silan. ³³ Manang sa pag-indeg nilan, kyumita' kanilan ya mad�g na utaw lekat adti mad�g na lunsud aw kabalayan. Aw dyumalagan ya manga utaw dun ni baklayan pada ka-abayan nilan ya balangay, aw migtagad da silan kan Jisus adti dunggu-anan. ³⁴ Pagpanog ni Jisus lekat adti balangay, lyumagbet kanan ya to-o mad�g na utaw aw nyallat si Jisus kanilan kay kasiling silan na manga karniro na wala' ya magdadiyaga?ay, yanagaw migpalekat sakanan migpalna-u, aw mad�g ya pigpalna-u nan kanilan.

³⁵ Pagka-ambung da, miglong kan Jisus ya manga umagakan nan, law nilan, �Ambung da to-o aw wala' baling ya makan tadun asini banwa ini. ³⁶ Papanawa la ya manga utaw y�iy pada makabayad silan sa makan dun ni manga kabalayan aw lunsud na malapit asini.� ³⁷ Manang tyumubag si Jisus kanilan, �Kamu baling ya matag kanilan sa un nilan makan.� Aw miglong silan kanan, �Ayin ka' kami kamang sa kuwalta na un pagbayad sa makan na kad�g na utaw y�iy? Pangkay pilambulan nami talabahuwan, dili' maka-umba' sa makan na manga utaw ini!� ³⁸ Aw miglong si Jisus kanilan, �Pila ya kad�g na pan mayu awun? Tanawa mayu kunu.� Pagkatigkas nilan tanawun, lyumiku' silan adti sayid ni Jisus aw law nilan, �Dakman lima ya mabakla' na pan aw duwambulus ya isda'.�

³⁹ Tigkas yan, pigpa-ugbung-ugbung ni Jisus ya kad�g na utaw aw pigpa-ingkud nan silan dun ni sagbet na malunaw. ⁴⁰ Aw yanagaw nyingkud silan adti manga ugbungan na tag sanggatus aw ugbungan na tag kaliman. ⁴¹ Pigkamang ni Jisus ya lima ya pan aw duwambulus ya isda'. Aw lyumangad sakanan adti langit aw pigpasalamatan nan ya Tyumanem. Aw tigkas yan, pigtenga' nan ya pan aw pig-atag nan adti manga eped nan na un nilan atped-atpeden adti manga utaw. Maynan uman, pigtenga-tenga' uman ni Jisus ya duwambulus ya isda' na un nilan uman atped-atpeden adti manga utaw. ⁴² Kyuman ya kad�g nilan aw nyabus silan nyangkabiyag. ⁴³ Aw ya nyasama' na pan aw isda' pyan-imun nilan aw sampulu' tag duwa ya be-en na nyatmu'. ⁴⁴ Sa kad�g na kyuman dun, manga limammalalan ya eseg.

Ya pagpanaw ni Jisus adti tas na tubig

⁴⁵ Pagkatigkas nilan kuman, syugu' ni Jisus ya manga umagakan nan na maksay silan lumiku' adti balangay. Aw nyindeg silan kay kaliman nan pa-una?en silan adti dipag na danaw apit adti lunsud na B�tsayda. Aw talana nilan syumakay sa balangay, pigpapanaw ni Jisus ya mad�g na utaw. ⁴⁶ Katigkas yan, tyumukud si Jisus na sayda nan olo' adti buntud na un manawagtawag adti Tyumanem.

⁴⁷ Pagkalalem da na gabi, kenne' pa na manga umagakan ni Jisus syumakay sa balangay adti danaw, aw olo' sayda ni Jisus ya adti buntud. ⁴⁸ Pigtandawan ni Jisus na migkalug silan nyamegsay aw migkalumay da silan migpadeleg kay gayed silan syumungsung sa mabandes na samet. Yanagaw, sa pagkapakallawunun da, nyanaw si Jisus adti tas na tubig aw migpalapit kanilan kay ya tud nan galu labayan silan. ⁴⁹ Manang pagkita' nilan kanan na nyanaw adti tas na tubig, iman nilan aw ma-allekay sakanan. Aw to-o silan mig-ulangag ⁵⁰ kay nyabus silan nyallek. Manang migtawag si Jisus kanilan, �Aku saba ya ini! Tibagsega mayu ya kamayu ginawa. Dili' kamu magkallek!� ⁵¹ Aw syumakay si Jisus adti balangay dun ni tampid nilan. Pagsakay da nan, tigkan tyumangke' ya mabandes na samet. Aw ya manga umagakan nan to-o nya-enneng-enneng sa pigkita' nilan. ⁵² Aw pangkay kyinita' da nilan ya katulus ni Jisus sa idtu na pagpakad�g nan sa pan aw isda', manang wala' pa nilan kalabeti kun singalan sakanan, kay kenne' na kategel nilan.

⁵³ Pagpakatalipag da nilan sa danaw, adtu silan baling pakadateng adti lunsud na G�n�sarit, aw dun da nilan eketan ya balangay. ⁵⁴ Pagpanog nilan sa balangay, kyilala si Jisus na manga utaw. ⁵⁵ Aw migkagallat ya manga utaw nyangay sa manga pyangkedelan lekat adti kadakula' na banwa na nyakapalibed dun, aw pigtingga?an nilan adti kan Jisus ya kyatigda-an. ⁵⁶ Aw pangkay ayin na banwa si Jisus kadtu, pangkay adti manga kabalayan aw lunsud aw syudad, pigpakulang na manga utaw ya pyangkedelan dun ni tabu-an aw adti pal�ngk�, aw nyanginayu' silan kan Jisus na pa-awiden silan sa tin pangaway na tatulung nan. Aw ya kad�g na nyaka-awid san, nyabus silan kyaguli-an.