Kolose
Nimi Sembe
Paulusti Mome Toro Pibogne
El nenerop yubu palilamap
Paulusti mome toro pibog yubu ene Yesusag wana paliro winiptangtop nimi as Kolose wamek nimi sembe mome toro pibog. As soro kalurop as Kolose aneko Asia so'oag wamogpa, Paulusti yubu ene sin sembe mome toro pibog.
Sin Kolose nimiri Yesusag wana paliro winiptangtop nimi sam yubu ambarelamsiog nimina, Epafras. Epafras ponekori yubu walinge Yesus sembe ambarelamsiogti, Yesusag wana palirop nimi as Kolose wamek nimi poloro wimbahiog. Paulusti yubu ene mome toro palilamog sumeneko, nimiri el haing sae kaupto kop aeag tobongkibek aeag wamogpa, Epafras poneko babe kop ae anekoag nikag wamdekpa, el poneko sembe ik nhon-nhon Paulusti yubu eneag mome toro pibog.
Paulusti yubu eneag, “Orolena yubu nhon sao nhon sao sik senelamikag,” aro Kolose nimi wenelamsiog. Orolenange ambatsirop nimiri sengkwanektop yubu nhon sao nhon sao ambarelamsieknena, polanne ililamekne agha el tangtopne babe, imagnang malaikat pharopne babe, sindam nimi nong “Seklebale,” aro uropne babe, sengkwanektop yubu ambarelamsiek. Sengkwanektop yubu ambarelamsiek aghana, Paulusti yubu ambarelamsiogti, “Allahri walinge tognoroba pibogne ni Yesusag lag nembatsiog. Nu Yesusag ma'aptangkamap tanena, Yesusap nhon nu kamag nembahiog,” aro Paulusti ambatsiog. Ane sembe, “Yesus yubu walinge sunsunum uro sop-sop ulamsebe,” aro Kolose nimi wenero ambatsiog.
Paulusti Kolose nimi sembe mome toro pibogha lomag wamlange
Paulusti Kolose nimi kipsiogpa, Kristusap Allahap wamdangne sembe omektop yubu ambatsiogne (1:1-23)
Kristus wamlange sembe Paulusti sik yubu tibin nenero ambatsiogne (1:24-2:19)
Kristusap ma'aptangto kamag tangtop nimiri ua uropne sembe (2:20-4:6)
Paulusti mome komobanebag wenero kipsiogne (4:7-18)
As Koloseap, as Hierapolisap, as Laodikiaap peram wamek. (Kolose 4:12-16)