Yudas
Ponekori Mome Toro Pibogne
El nenerop yubu palilamap
Yudasti mome nene tobogti, “Yakobus ilipsae wamna,” seog aghana, Yudas nene etne, Yakobus etne sembe olog ekon wamap. Nimi si Yudasap Yakobusap nimi maikno wamek ane sembe, nen nimiri, “Yudas poneko Yesusap, Yesus ilipsae Yakobusap, sikinipsae taptopne wamogti, mome toro pibog,” sembanep (Matius 13:55, Markus 6:3). Aghana nimi nenneri, “Yesusti wepto pogsiog nang agha nhon sina Yudas wamogti, mome toro pibog,” sembanep (Lukas 6:16; Pogsiog Nang 1:13). Yudas poneko sembe olog ekon uro wamap aghana, mome nene toro pibogne ponekona, Yesus pan khebaogne Yudas Iskariotne ponekori mome toro pibog kom. Mome nene tobogne ponekori Yesusag sikne aro seneraglamogti, Yudasti elkabo Yesusag seneragtop nimiag, “Orolenange ambatsirop nimiri yubu sik sembamunagti, wana whi uro wapmundi, yae up tangkamlulom,” aro mome nene toro pipsiog.
Yudasti mome toro pibogha lomag wamlange
1-2 - Yudasti kipsiogha
3-16 - Sengkwanektop yubu ambatsirop nimiag uro yabinepne sembe lebogha
17-23 - “Wana khapto sikne aro wana palilamlulom,” aro wembahiogha
24-25 - Allahag moloro omekaogha