Yohanes
Ponekori Mome Toro Pibogha Wilindipne
El nenerop yubu palilamap
Yohanesti mome toro pibogha wilindip yubu neneag, “Na Allah elmabo wenehiropne wamnangeri an Gayus sembe mome toro palilamna,” seog. Yohanes wamog ko'o eneko nimi si Gayus engerop nimi maikno wamek aghana, mome eneag Gayus seogne ponekona, Yohanes elkae wanaagne wamogti, Yesusag sikne aro wana paliro ul palamog. Gayus ponekori Yesus yubu ambatsirop nimi maikno yeplamsiogti, eldi aeag kipto tolongolamsiog. Tam nene sembe elkae Yohanesti ka'ebaogti, elkae Gayus ponekoag, “Walia ulamlam,” aro mome toro pibog. Nen tam nhon mome toro pibog nena, Yohanesti yubu toraptopne nubunge si Diotrefes sembe, “Yubu toraplamnelba, yae up tangkamlulam,” aro Gayus poneko wenero ambatto pibog.
Yohanesti mome toro pibogha wilindipne lomag wamlange
1-4 - Kibogha
5-8 - Yohanesti elkae Gayus kipto maibogha
9-10 - Diotrefes ponekori Yohanesti yubu toraptopne sembe ambarogha
11-12 - Demetrius ponekori wali ulamogne sembe ambarogha
13-15 - Mome komobanebag kibogha