Yohanes
Ponekori Mome Toro Pibogha Phendepne
El nenerop yubu palilamap
Yohanesti mome toro pibogha phendep yubu neneag, “Na Allah elmabo wenehiropne wamnangeri an Allahri wepkerop kelap andi kelmabo meap sembe mome toro palilamna,” seog. “Allahri wepkerop kel,” seog kel enekona, Yesusag wana palirop nimi winip tangtoba sembe likipto pibog. Yohanesti, “Andi kelmabo meap,” seog nimi enekona, Yesusag wana paliro winip tangtop nimi a'ero-a'ero wamek nimi sembe lebog. Yohanesti mome toro pibogne orangeag Yesusag wana paliro winip tangtop nimi sembe, “Kristusti torop kel,” aro mome toro likipto pibog (Lag Taogha 19:7; 21:2,9). Ane sembe, Yohanesti yubu nene Yesusag wana paliro winip tangtop nimi sembe mome toro pibog.
Mome neneag Yohanesti tam phende sembe wenelamsiogti, mome toro pibog. Nhonna, “A'un mamun o'ona senel dalamlulom,” aro mome toro pibog. Phendep nena, “Orolenange haing kunuro ambatsirop nimi sembe yae paip tangkapmundi, sindi yubu ka'ebaheng kom,” aro mome toro pibog.
Yohanesti mome toro pibogha phendepne lomag wamlange
1-3 - Kipsiogha
4-6 - Nimi mamun o'ona seneptangtopne sembe ambatsiogha
7-11 - “Orolenange ka'ebaheng kom,” aro yae up tangtopne sembe ambatsiogha
12-13 - Mome komobanebag kipsiogha