Esau upun ananhe
36
Eniyenihe Esau upun ananhe: (Esau onne naran Edom haenihi.) 2 Esau ho noro maeke woro'o manin Kana'an. Hono ida naran Ada, la aman naran Elon manin Het. Hono ida naran Oholibama, la aman naran Ana, upun naran Zibeon manin Hewi. 3 Esau ho wali'ur noro Ismael anane naran Basmat. Basmat narna anulu naran Nebayot.4 Esau hono Ada mori mo'oni ida naran Elipas, hono Basmat mori mo'oni ida naran Rehuel, 5 hono Oholibama mori mo'oni wokelu naran Yeus, Yaelam noro Korah.
Esau na'ori tatana onne na'akeme lolo noho Kana'an.
6 Esau namhara leke onne noro hono ananhe mo'oni maeke, nin man howok na'akeme, nin hunuri wana'an, noro idewe nin kanaru man an lernala lolo noho Kana'an, la rala'a leke namehin man ko'u tarana nano Yakup. 7 Hi rahina'ar ono rira hunuri wana'an nammori rehi, de noho kan nokor hir minwuku lolo leke ida. 8 Ende Esau (man rapolu Edom haenihi) namkene wo'or-wo'or lolo noho Seir.
9 Eniyeni Esau upun ananhe man rapolu ri Edom. Hir minle wo'or-wo'or lolo noho Seir.
10-13 Eniyeni Esau upun ananhe: Esau hono Ada moriyana mo'oni ida naran Elipas. Elipas onne ananhe: Teman, Omar, Zefo, Gaetam noro Kenas. Elipas hono ma namwali hophopon wahwahan naran Timna moriyana mo'oni wali'ur naran Amalek.
Esau hono Basmat moriyana mo'oni ida naran Rehuel. Rehuel ananhe: Nahat, Zera, Syama noro Misa.
14 Enla Esau hono Oholibama moriyana mo'oni wokelu, Yeus, Yaelam, noro Korah. Oholibama aman naran Ana, la upun naran Zibeon.
Esau upun ananhe ramwali uluwakun luhu-luhu
15 Esau upun ananhe ramwali uluwakun rir luhu-luhu na'akeme.
Elipas ananhe ramwali uluwakun luhu eniyenihe: Teman, Omar, Sepo, Kenas, 16 Korah, Gaetam noro Amalek. Luhu-luhu na'akeme eni aile lolo noho Edom, la ramwali Esau noro Ada upun ananhe. Elipas eni Esau anan anulu.
17 Rehuel ananhe ramwali uluwakun luhu eniyenihe: Nahat, Zera, Syama, noro Misa. Luhu enihe aile lolo noho Edom haenihi, la ramwali Esau noro Basmat upun ananhe.
18 Esau noro hono Oholibama ananhe ramwali uluwakun luhu eniyenihe: Yeus, Yaelam, noro Korah. Luhu na'akeme eni ramwali Esau noro Oholibama upun ananhe. Oholibama aman naran Ana.
19 Luhu onne na'akeme ramwali Esau (Edom) upun ananhe.
Seir upun ananhe, noho Edom nin ri dedesne
20-21 Lolo noho Edom manin Hori ida aile naran Seir. Seir upun ananhe ramwali uluwakun luhu eniyenihe: Lotan, Syobal, Zibeon, Ana, Disyon, Eser, noro Disyan. Seir onne nano nonolu namkene lolo noho Edom eniyeni.
22 Lotan ananne: Hori noro Heman, la Lotan eni narna naran Timna.
23 Syobal ananhe: Alwan, Manahat, Ebal, Sepo noro Onam.
24 Zibeon ananhe mo'oni woro'o: Aya noro Ana. (Ler ida Ana eniyeni mahan huri aman Zibeon nin keledei, la an holikuku oir makan man manha ida lolo noho poro'uk onne raramne.)
25 Ana ananhe: mo'oni Disyon noro maeke Oholibama.
26 Disyon ananhe: Hemdan, Esban, Yitran noro Keran.
27 Eser ananhe: Bilhan, Saawan, noro Akan.
28 Disyan ananhe: Us noro Aran.
29 Ende ma namwali uluwakun luhu-luhu ri Hori onnenihe naranhe: Lotan, Syobal, Zibeon, Ana, 30 Disyon, Eser noro Disyan. Hi na'akeme minle noho Seir.
Noho Edom nina rai-rai
31 Lere Israel nin rai kaale makun, noho Edom nin rai aile. Rai ma nodi molollo noho Edom lere onne kanakar heheni:
32 Bela nodi molollo Edom, la nin kota naran Dinhaba. Bela eni, aman Beor.
33 Bela makiyedi, Yobab namwali rai herre ai. Yobab eni, aman Zera ma nano leke Bosra.
34 Yobab makiyedi, Husam namwali rai herre ai. Ai onne nano ri Teman rir leke.
35 Husam makiyedi, Hadad namwali rai herre ai, la nin kota naran Awit. Ai onne aman naran Bedad. (Hadad onne man rehi ara noro manin luhu Midian lolo noho Moab.)
36 Hadad makiyedi, Samla namwali rai herre ai. Samla onne namhara nano leke Masreka.
37 Samla makiyedi, Saul namwali rai herre ai. Saul onne nano Rehobot man minle oir wauwau arkanne.
38 Saul makiyedi, Ba'al-Hanan namwali rai herre ai. Ba'al-Hanan onne aman naran Akbor.
39 Ba'al-Hanan makiyedi, Hadar namwali rai herre ai, nin kote naran Pahu. Hadar hono naran Mehetabel. Mehetabel inna naran Matret, la upun naran Mesahab.
40-43 Eniyenihe Esau upun ananhe ma namwali uluwakun luhu-luhu lolo Edom: Timna, Alwa, Yetet, Oholibama, Ela, Pinon, Kenas, Teman, Mibsar, Magdiel, noro Iram. Luhu-luhu na'akeme onne dohodoho waki noho hir miminle namnenehe noro rira luhu narane.