Sem, Yafet, noro Ham upun ananhe
10
Oir rulu lape horu, Nuh ananhe Sem, Yafet, noro Ham, wokeluhe ra'ori tatana mo'oni.Yafet upun ananhe
2 Yafet upun ananhe: Gomer, Magog, Madai, Yawan, Tubal, Mesek noro Tiras.
3 Gomer upun ananhe: Askanes, Ripat, noro Togarma.
4 Yawan upun ananhe: Elisa, Tarsis, manin Kitim, noro manin Dodanim. 5 Yawan upun anan enihe holi minle herraram mamani. Hi eniyenihe rodi kapal lalaa mamai lolo noho-noho, la ramwali luhu-luhu, la meririi rira wanakunu lernohi rira noho honolla.
Ham upun ananhe
6 Ham upun ananhe: Kus, Mizraim, Put, noro Kana'an.
7 Kus upun ananhe: Seba, Hawila, Sabta, Raema, noro Sabteka.
Raema upun ananhe: Syeba noro Dedan.
8 Kus onne upun anan mo'oni ida naran Nimrod. Ai namwali uluwakun ara man lewlewen dedesne lolo noho wawan. 9 Makromod nala lewlewen onne ai, penia namwali man tonoin ha mormori merwui man lewlewen wake'e. Onne penia ri ma na'uli ri namehin nadedem ra'aheni, “Om lewlewen naise Nimrod, man lewlewen tonoin ha mormori. Nin lewlewen onne, Makromod nale.”
10 Dedesne ai nodi molollo kota Babel nanumene nodi molollo kota Erek noro Akad. Kota wokelu onnenihe aile hair Babilonia raram, 11 la nina molollo rakan noho Asyur. Lolo onne, ai na'ariri kota Niniwe, Rehobot-Ir, Kala, 12 noro Resen. Kota Resen onne aile kota Niniwe noro kota Kala leken, la kota onne kota lalap.
13 Mizraim onne upun ananhe: ri Ludim, Anamim, Lehabim, Naptuhim, 14 Patrusim, Kasluhim, noro Kaftorim. Ri Kasluhim onnenihe, ri Pilistin enihe upun a'an.
15-18 Kana'an na'ori anan anulu naran Sidon, noro anan namehin naran Het. Kana'an onne upun ananhe melle ri Het, Yebusi, Amori, Girgasi, Hewi, Arki, Sini, Arwadi, Semari, noro Hamati.
Hi na'akeme eniyenihe rahina'ar ko'u. 19 Rira noho kanawe nano Sidon laa karanna lolo Gerar rakan Gasa. Nano lolo onne laa kimur lolo Sodom, Gomora, Adma, Zeboim, rakanle Lasa.
20 Hi onnenihe na'akeme Ham upun ananhe. Hi meririi rira wanakunu, luhu, nohorai, la hair.
Sem upun ananhe
21-22 Enla Sem upun ananhe: Elam, Asyur, Arpaksad, Lud noro Aram. Sem enie, Yafet mo'onwalla anulu, namwali ri manin Eber upun a'an.
23 Aram upun ananhe: Us, Hul, Geter, noro Mas.
24 Arpaksad anan naran Sela. Sela anan Eber. 25 Eber na'ori tatana mo'oni woro'o: Anulu naran Peleg napa'ahne, ‘rahina'ar’ ono ku onne penia ri mormori rahina'ar laa noho wawan na'akeme. Mo'onwalla karuri naran Yoktan.
26 Yoktan upun ananhe: Almodad, Selef, Hasar-Mawet, Yera, 27 Hadoram, Usal, Dikla, 28 Obal, Abimael, Syeba, 29 Ofir, Hawila, noro Yobab. Hi na'akeme onne ramwali Yoktan upun ananhe. 30 Nohorai hir hoholi onne naphari nano Mesa rakan Sefar. Noho onne aile wali kimur la wo'or mamani.
31 Hi onnenihe na'akeme, Sem upun ananhe. Hi meririi rira wanakunu, luhu, nohorai, la hair.
32 Onnenihe na'akeme Nuh upun ananhe dohodoho ramwali luhu aimehi. Lere oir rulu lapa namkisi, hi eniyenihe penia ma nahina'ar laa noho wawan na'akeme.