Adam upun ananhe kanakarne rakan Nuh
5
1-2 Lere Makromod Lalap umupala ri mormori, An hi'i hi naise na'oi Ai mehe. An hi'i hi ramwali mo'oni la maeke. Lere onne, Ai namre'e namharu hi la napolu hi ‘ri mormori.’ Ri mormori dedesne naran Adam.Eniyeni Adam upun anan kanakarne:
3 Lere Adam nina anna rahu welikelu, na'ori tatana mo'oni ida. Oin makan naise aman, de waki naran Set. 4 Na'ori Set horu, Adam mori anna rahu wo'aa makun. Lere an mormori makun onne, ai na'ori tatana mo'oni maeke wali'ur. 5 An maki nina anna rahu wohii welikelu.
6 Lere Set nina anna rahu ida wolima, na'ori tatana mo'oni ida naran Enos. 7 Na'ori Enos horu, Set mori anna rahu wo'aa wo'ikku makun. Lere an mormori makun onne, ai na'ori tatana mo'oni maeke wali'ur. 8 An maki nina anna rahu wohii ida weli woro'o.
9 Lere Enos nina anna welihii, ai na'ori tatana mo'oni ida naran Kenan. 10 Na'ori Kenan horu, an mori anna rahu wo'aa idaweli wolima makun. Lere an mormori makun onne, ai na'ori tatana mo'oni maeke wali'ur. 11 An maki nina anna rahu wohii wolima.
12 Lere Kenan nina anna weli'ikku, ai na'ori tatana mo'oni ida naran Mahalaleel. 13 Na'ori Mahalaleel horu, an mori anna rahu wo'aa weli'akka makun. Lere an mormori makun onne, na'ori tatana mo'oni maeke namehin. 14 An maki nina anna rahu wohii idaweli.
15 Lere Mahalaleel nina anna welineme wolima, na'ori tatana mo'oni ida naran Yared. 16 Na'ori Yared horu, an mori anna rahu wo'aa welikelu makun. Lere an mormori makun onne, ai na'ori tatana mo'oni maeke wali'ur. 17 An maki nina anna rahu wo'aa welihii wolima.
18 Lere Yared nina anna rahu welineme woro'o, ai na'ori tatana mo'oni ida naran Henok. 19 Na'ori Henok horu, an mori anna rahu wo'aa makun. Lere an mormori makun onne na'ori tatana mo'oni maeke wali'ur. 20 An maki nina anna rahu wohii welineme woro'o.
21 Lere Henok nina anna welineme wolima, ai na'ori tatana mo'oni ida naran Metusalah. 22 Na'ori Metusalah horu, an mori anna rahu wokelu la noro Makromod Lalap aki mahaku. Lere an mormori makun onne, ai na'ori tatana mo'oni maeke wali'ur. 23-24 Ainin morimori lernohi Makromod Lalap mamani. Hi ramwaliyedi aki mahaku me'e, de lerida an molu ono Makromod Lalap kikan ai laedi a'am raram me'e. Lere onne nin anna rahu wokelu welineme wolima.
25 Lere Metusalah nina anna rahu weli'aa wo'ikku, ai na'ori tatana mo'oni ida naran Lamek. 26 Na'ori Lamek horu, an mori anna rahu wo'ikku weli'aa woro'o makun. Lere an mormori makun onne na'ori tatana mo'oni maeke wali'ur. 27 An maki nina anna rahu wohii welineme wohii.
28 Lamek nina anna rahu weli'aa woro'o, ai na'ori tatana mo'oni ida naran Nuh. 29 An waki naran Nuh ono ai na'aheni, “Tatan eni nahuwa'an ik akin ono na'amoli ai na'arana iknik honowok man werek lolo elimo'o man Makromod nakineneriyedi me'eni.” 30 Na'ori Nuh horu, an mori anna rahu wolima welihii wolima makun. Lere an mormori makun onne na'ori tatana mo'oni maeke wali'ur. 31 An maki nina anna rahu wo'ikku weli'ikku wo'ikku.
32 Rakan Nuh nina anna rahu wolima, an lernala tatana mo'oni wokelu naranhe, Sem, Yafet, noro Ham.