खाली कब्र
20
1 हप्ते री पहिली धियाडी मरियम मगदलीनी भोरा रे निहारे हुंदे ही कबरा सेटा बे आई , होर पाथर कब्रा का सकेऊद हेरू । 2 तेबा तया ठुरी होर शमौन पतरस होर तेउरे दूजे चेले ़े सेटा बे जासू ु संघा यीशु प्रेम डाहंदा , इछी करे बोलू , “तयाहे दईब कब्र मेज़ा का काडी नीऊं , होर हमें नाईं ज़ाणदे कि सह कंई डाहू , ।” 3 तेबा पतरस होर सह दूजअ च़ेलअ निखल़ी करे कब्रा फेरा बे चली । 4 तया दुहे संघा -संघा ठुरदे लागेदे तिही , पर दूजअ च़ेलअ पतरसा का ज़ेह बढ़ीकरे कब्रा सेटा पहिले पुजू ; 5 होर झुकी करे झिकड़े पड़ी दे हेरी , तेबा भी सह मितर नाईं नाठअ । 6 तेबा शमौन पतरस तेऊ पीछे - पीछे पूजी , होर कब्रा मितर नाठअ होर झिकड़े पड़ी दे हेरी ; 7 होर सह अंगोछा ज़ोह तेऊ रे मुंडेे बानू द , झिकड़े संघा पढू द नाईं , पर अलग जागहा में लपेत करे डाहु द हेरू । 8 तेबा दूजअ च़ेलअ भी ज़ोह कब्रा में पहिले पुजू , मितर नाठअ , होर हेरी करे बुशाह करू 9 तया त ऐबरे तणी पवित्र शास्त्रा री तेसा गला नाईं समझी , कि तेऊ मुएंदे मेज़ा का जिउंणा हूँणा । 10 तेबा तया चेले ़े घरा बे बापस नाठे ।मरियम मगदलीनी पैंदे प्रकट हूँणा
(मत्ती 28'9'10;मरकुस 16:9-11)
11 पर मरियम लेरा लाउंदी कब्रा सेटा बाग़े ही खड़ी रही , होर लेरदे - लेरदे कब्रा फेरा बे झुकी करे , 12 दुई स्वर्गदूत उज्ज़ेबाल (प्रयाशे या चमकदार) झिकड़े बान्हीं दे एक शरेहणे होर दूजअ शैताने (पांईंदा या ज़ांघा फेरे)में हेरी , जखे यीशु र शफ़ डाहू द , । 13 तयाहे तेसा बे बोलू , “हे नारी , तूह लेरदी किबे लागी ?”तेसे तया बे बोलू , “तयाहामेेरअ दईब चुआकी नीऊं होर हाँऊं नाईं ज़ाणदी कि सह कंईं डाहू ।” 14 यह बोली क्रुसा ह पीछे मुड़ी होर यीशु खढूदअ हेरू पर नाईं पछेणु कि यीशु साहा । 15 यीशु तेसा बे बोलू , “हे नारी , तूह किबे लेरा ?कासु लोढ़ी लागी दी ?”तेसे माली समझी करे तेऊ बे बोलू , “ हामेहाराज , अगर तांईं सह चुआकू तेबा मांह बे खोज़ कि सह कंईं डाहू , होर मांह सह निणअं ।” 16 यीशु तेसा बे बोलू , “मरियम !”तेसे पीछे मुड़ी करे तेसे इब्रानी में बोलू , “ र्ब्बुनी!”अर्थात 'हे गुरु ' । 17 यीशु तेसा बे बोलू , “मांह नाईं छुंऐं किबेकि हाँऊं ऐबरे तणी बापू सेटा बे उझे नाईं नाठअ , पर मेरे भाई सेटा बे नाहीं करे तया बे बोले , कि हाँऊं आपणे बापू होर थारे बापू , होर आपणे दईबा होर थारे दईबा सेटा बे उझे नाहंदा । 18 मरियम मगदलीनी का नाहीं करे चेले ़े बे खोजू , “माँईं दईब हेरू , होर तेऊ माँईं संघा या गला करी ।”
चेले ़े पैंदे प्रकट हूँणा
19 तेसी धियाड़े ज़ोह हप्ते री पहिली दिहाड़ , बयाल्के टाईमे जेबा तखले दुआर ज़खे चेले ़े , यहूदी री डरे बन्द , तेबा यीशु आउअ होर त्याह मंझे खडअ होई करे तया वै बोलू , “तमा शांति भेटे 20 होर यह बोली करे तेऊ आपणे हाथ होर पंचर तया बे रिहाई ।तेबा हेरी करे चेले ़े खुश होई । 21 यीशु तया बे भी बोलू , “तमा शान्ति भेटे;हेरी े बापू हाँऊं भेजुदअ तेढ़े ही हाँऊं भी तमा भेज़ा।” 22 यह बोली करे तेऊ में फुकरू होर तया बे बोलू , “पवित्र आत्मा निआं । 23 ज़ासके पाप तमे क्षमा ा करा , तया तयारी तणी क्षमा करी दे साहा ;ज़ासके तमे डाहा , तया डाही दे ।”
थोमा पैंदे प्रकट हूँणा
24 पर बारा मेंज़ा का एक , अर्थात थोमा ज़ोह दिदुमुस कहलाउंदा , जेबा यीशु आउअ तेबरे सह तयाहे संघा नाईं , । 25 जेबा होरा चेले तेऊ बे बोलदे लागे , “जेबरे तणी हाँऊं तेऊ रे हाथा में किले रे छेद नाईं हेरे , होर किले रे छेदे आपांणी गुठी नाईं पाए , होर तेऊ र पंजरा में आपणअं हाथ नाईं पाए , तेबरे तणी मांह बुशाह नाईं करणा ।” 26 आठा धियाड़े बाद तेऊ रे चेले ़े घरा मितर , होर थोमा तयाहे संघा , ;होर दुआर बन्द , तेबा यीशु आउअ होर तया मंझे खड़े होई करे बोलू , “तमा शान्ति भेटे ।” 27 तेबा तेऊ थोमा बे बोलू , “ आपांणी गुठी अखे आणीकरे हेर होर आपणअं हाथ आणी करे मेरे पंजरा में पा , होर अबिश्बासी नाईं पर बिश्बासी हो ।” 28 यह शूणी करे थोमा उतर दिंना , “हामेेरे दईब हामेेरे दईबा !” 29 यीशु तेऊ बे बोलू तांईं हाँऊं हेरुदअ साहा , कैह ऐतकी तणी बुशाह करूदा ?धन्य तया साहा जूणी बिना हेरे बुशाह करू ।”
एसा कताबा रा उदेश्य