तिबिरियासा झीला रे कनारे चेले ़े पैंदे प्रकट हूँणा
21
1 या गला बाद यीशु आपणे आपा बे तिबिरियासा झीला रे कनारे चेले ़े बे प्रकट होऊ , होर ऐसा रीती का प्रकट करू , 2 शमौन पतरस , होर थोमा ज़ोह दिदुमुस कहलाउंडा , होर गलीला रे काना नगरा र नतनएल , होर ज़ेबादी रे शोहरू , होर तेऊ रे चेले ़े मेज़ा का दुई होरा मणश कठे , । 3 शमौन पतरसे तया बे बोलू , “हाँऊं माछी ढाकतअ नाहीं च़ालू ।”तयाहे तेऊ बे बोलू , “ हामे भी तांईं संघा चालीइ ।तया निखिली करे किस्ती में चढ़ी , पर तेसा राची किछे नाईं ढाकु । 4 दोत हुँदे ही यीशु इछी करे कनारे में खड़अ होऊ ;तेबा भी चेले ़े सह नाईं पछेंणु कि यह यीशु साहा । 5 तेबा यीशु तया बे बोलू , “हे बालको कैह तमा सेटा कुछ माछी सा ?”तयाहे उतर दिंना , “नाईं ।” 6 तेऊ तया बे बोलू , “किस्ती री धुरी फेरा बे ज़ाल़े बाहा तेबा लागणी ।”तेबा तयाहे ज़ाल़ पाऊ , होर एबा बहू माछी लागणे रे कारण तेऊ खिंची नाईं सकी । 7 तेबा तेऊ चेले ़े जासू ु संघा यीशु प्रेम डाहंदा , पतरसे बोलू , “हे दईब !”शमौन पतरसे यह शूणी करे कि यह दईब साहा , काम रा में अंगरखा कसू , किबेकि सह नेगअ , होर झीला में छलांग दींनी । 8 पर होरा चेले ़े डोंगी … पेंदा बे माछी का भरी दे ज़ाल़ा खींचते-2 आउए , किबेकि सह कनारे का बहू दूर नाईं , पर कोई दुई श हाथ दूर , । 9 तेबा तया कनारे में उतरी तेबा तयाहे कोयले री आग होर तेता पैंदे माछी डाही दी , होर रोत हेरी । 10 यीशु तया बे बोलू , “ज़ोह माछी तमे एब्रे तमे ढाकी , तया मेंज़ा का कुछ आंणा ।” 11 तेबा शमौन पतरसे डोंगी पैंदे चढ़ी करे एक श तरुज़ा (153)बड़ेी माछी का भरू द ज़ाल़अ कनारे बे खींचू , होर माछी हूँणे में भी ज़ाल़ ना फुटअ । 12 यीशु तया बे बोलू , “इच्छा , रोत खा ।”चेले ़े मेंज़ा का कासी रा होंउंसला नाईं होऊ कि तेऊ का पूछे , “तूह कुणं साहा ?”किबे कि तया ज़ाणा , कि यह दईब ही साहा । 13 यीशु आउअ होर रोत नी करे तया बे दींनी , होर तेढ़े माछी भी । 14 यह चिउंणी बारी होऊ कि यीशु मरी दे मेज़ा का जिउंणे बाद चेले ़े बे हेरू ।यीशु होर पतरस
15 रोत खाणे बाद यीशु शमौन पतरसा बे बोलू , “हे शमौन , यहुना रे शोहरू , कैह तूह याह का बड़ेी करे माँईं संघा प्रेम डाहंदा ?”तेऊये तेऊ बे बोलू , “उअह , दईब !तूह त ज़ाणा कि हाँऊं तांईं संघा प्रीति डाहंदा ।” तेऊ (यीशु ) तेऊ बे बोलू , “ मेरे गाबहू चारअ ।” 16 तेऊ भी तेऊ बे बोलू , “हे शमौन , यहुना रे शोहरू , कैह तूह माँईं संघा प्रेम डाहंदा ?”तेऊये तेऊ बे बोलू , उअह , दईब ;तूह ज़ाणा कि हाँऊं तांईं संघा प्रीति डाहंदा ।”तेऊये तेऊ बे बोलू , “मेरी भेडा री रखबली कर ।” 17 तेऊ चिउंणी बारी तेऊ बे बोलू , “ हे शमौन , यहुना रे शोहरू , कैह तूह माँईं संघा प्रीति डाहंदा ?”पतरस नराज़ होऊ कि तेऊ चिउंणी बारी मांह बे एढ़ा बोलू , “कैह तूह माँईं संघा प्रेम डाहंदा ?” होर तेऊ बोलू , “हे दईब , तूह त सब कुछ ज़ाणा ;तूह यह ज़ाणा कि हाँऊं तांईं संघा प्रीति डाहंदा ।”यीशु तेऊ बे बोलू , “ मेरी भेडा चराह । 18 हाँऊं ताह बे सच - सच बोला , ज़धु तूह जुआन , तेबा आपणी कमर कसी करे ज़खे चाँहंदा , तखे फिरा , पर जेबे तूह बुढल़ होलअ तेबा ताह आपणे हाथ फलाउणे , होर दूजे तेरी कमर बानीं करे ज़खे तूह नाईं चाँहंदअ तखे तूह निणअं ।” 19 तेऊ याह गला का संकेत दिंना कि पतरस केडी मऊती संघा दईबा री महिमा करणी ।होर तेबा तेऊये तेऊ बे बोलू , “ मेरे पीछे हो ।”
यीशु होर तेऊ र प्यारअ च़ेलअ
20 पतरसे मुड़ी क्रुसा ह च़ेलअ पीछे ईंधअ हेरू , जासू ु संघा यीशु प्रेम डाहंदा , होर जूणी खाणे रे टाईमे तेऊ री हिका फेरा बे झुकी करे पुछू , “ हे दईब , ताह ढाकणे बझ़याल़ण आल़अ कुणं साहा ?” 21 तेऊ हेरी करे पतरसे यीशु बेबोलू , “ हे दईब , एउ रे कैह हाल हूँणे ?” 22 यीशु तेऊ बे बोलू , “ अगर हाँऊं चाहू कि सह मेरे ईंहणे तणी ठहरी रहे , तेबा एता का मांह कैह ? तूह मांह पीछे हो ।” 23 एतकि तणी भाई में यह गल फेली कि सह च़ेलअ नाईं मरणं ;तेबा भी तेऊ बे यह नाईं बोलू कि सह नाईं मरणं , पर यह कि “ अगर हाँऊं चाहू कि सह मेरे ईंहणे तणी ठहरी रहे , तेबा मांह एता का कैह ?”
उपसंहार