लूका 3

यहुना बपतिस्मा दीण आल़े रा सन्देश ( फियाड़ा )

( मती 3 :1 -12 ,मरकुस 1 :1 -8 , यूहन्ना 1 :19 -28 )

1 तिबिरीयूस कैसर रे राज्य रे पंद्रे साला में जेबा पुन्तियुस पिलातुस यहूदी रे हाकिम , होर गलीला में हेरोदेस होर इतुरैया होर त्रोखोनितिस में तेउर भाई फिलिप्पुस होर अबिलेने में लिसानियास में चोथाई रे राजा थी ।, 2 होर जेब्ररे हना होर कैफा महायाजक तिही , ,तेउ टाइमे दईब रे वचन बूणे जकर्याह र शोहरु यूहन्ना सेटा पूजअ । 3 होर सह यरदना रे ओरी पोरी सारीी जागाह नांही, पापा री क्षमा करे मन फेरा (मन बदलण) री तणी बपतिस्मा रे बारे खोजदअ लागअ । 4 जेड़ा यशायाह भविष्यवाणी करण आल़े बोली दे वचनों री कितावा मज़े लिखू दा साहा : “बूणे एकी पुकारणे आल़े र शब्द शुणन्दअ लागअ दअ साहा कि , दईबा री वात त्यार करा , तेउ री वात ज्याछी बणआ । 5 हर एक माडी ज़ागह ठीक करणी होर हर एक पहाड़ ज़ोहे उछट साहा सह नेटअ करणअ होर ज़ोह टेढअ साहा सह सिदअ करण ज़ोह उछ़टअ नीहटअ साहा सह च़ोऊडअ वणाउणअ । 6 होर हर प्राणी दईबा रा चमत्कार हेरणा ।” 7 ज़ोह भीड़ा री भीड़ तेउ ज़ेह बपतिस्मा लऊदी इहंदा तिही , , त्याह का सह बोला , , " “ हे सर्पा रे शोहरुओ , तमा वै कुणीऐ बोलू कि इहणे आल़े रोषा का ठुरा । 8 तेवा मना फरेउणे री तणी फल़ आणा , होर आपण‍े मना में यह नांई सोचे कि म्हारअ बापू इब्राहीम साहा , किबेकि हांऊ तमा वै बोला की दईब याह पाथरा का इब्राहीम तमा वै शोहरु पैदा करी सका 9 होर एबरे खुराडअ बूटे री जड़ा सेटा पूजअ, तेवा ज़ोह बूटअ रामडअ फल़ नांई दीनदअ, सह काटणअ होर आगि में पाऊण । 10 तेवा लोका तेउ क पूछू, “ तेवा हामे कैहे करे " 11 तेउ त्याह वै उतर दीना, “जासू सेटा दुई कुरते साहा सह तेउ वै दे जासू सेटा नांई साहा ,होर जासू सेटा रोटी साहा सह भी ऐड़ा करे ।” 12 होर मह सुला निण आल़े भी बपतिस्मा लउंदे आए ,होर तेउ क पुछु , “हे गुरु हामा कह करणा ?” 13 तेउ त्याह वै बोलू , “ज़ोह तमा वै दीना दा सा तेता क ज्यादा नांई मागे ।” 14 होर सिपाई भी तेउक यह पुछु , “हामा कैह करणा तेउये त्याह वै बोलू ,”कासी संघे गलत नाईं करे होर ना झूठा दोष लाउणा ,होर आपणी कामई पेंदे खुश रहूणा ।” 15 जेबा लोका में यह आशा , कि होर सब्हे आपणें आपणे मना में यूहना रे बारे में सोचदे लागे , कि यह मसीहा त नांई साहा । 16 तेवा यूहना त्याह सभी वै बोलू महा तमा वै पांणी मेजा क बपतिस्मा दीणा पर ज़ोह होर इछणे आल़अ साहा सह महाक शक्तिशली साहा ; हांऊं ऐता बराबर भी नांई साहा कि हांऊं तेउ रे बूटा रे तसमे भी नांई खोली सका दअ। तेउ तमा वै पवित्र आत्मा होर आगि संघे बपतिस्मा दीणा । 17 तेउरअ शुप तेउरे हाथे हुणअं ,होर तेउ आपणअं भंडार रामबडअ साफ करणअ होर गिंहू आपणे भंडारा में कठे करणा होर भुख्ला तेसा आगि में पाऊणा ज़ोह कधी हिष्णे री नांई साहा । 18 तेवा सह बहू शिक्षा देई करे लोका वै सुसमाचार शुणाउदअ लागअ 19 ‌पर तेउये चोथाई देशा रअ राजा हेरोदेस वै तेऊ रे भाई पिलिप्पुस री वेटढी हेरोदियास रे बारे में होर सभी बुरे कामा रे बारे में बोलू । 20 तेवा हेरोदेस त्याह सभी का बुरे काम करी करे यहूना जेेले पाउ ।

यीशु रा बपतिस्मा

( मती 3 :13 -17 ,मरकुस 1 :9 -11 )

21 जेवा सभी लोके बपतिस्मा लऊ तेवा यीशु भी बपतिस्मा लई करे प्रार्थना करदअ लागअ , तेवा सरग खुलू । 22 होर पवित्र आत्मा कबुतरा रे रूपा में आई , होर यह आकाशवाणी होई तूह मेरअ शोहरु साहा हांऊं ताह का खुश साहा ।

यीशु री वंशावली

( मती 1 :1 -17 )

23 जेव्ररे यीशु समझाऊदअ लागअ तेवा सह लगभग , {30} साला र , सह युसफ र शोहरु , होर यूसफ़ एली र शोहरु , 24 एली मतन र शोहरु , होर मतन लभी र शोहरु होर लभी मलाकी र शोहरु होर मलकी यन्न र शोहरु , होर यन्न युसफ र शोहरु , 25 होर युसफ मतितया हे र शोहरु , होर सह आमोस र ,होर सह नुहम रअ ,होर सह असल्याह र ,होर सह नोगहे र , 26 होर सह मत र , होर सह मतितया र , होर सह शिमि र , होर सह योसेखा र , होर सह योदाह र , 27 होर सह यहूना र , होर सह रेसा र होर सह जरे जरूबाबिल र , होर सह शलतियेल र होर सह नेरी र , 28 होर सह मलकी रे , होर सह अद्दी र , होर सह कोसम र होर सह इलमोदामा र , होर सह एरे र , 29 होर सह यीशु र , होर सह इलजरे र होर सह मतन र , होर सह लबी र 30 होर सह शमोन र होर सह यहूदा र होर सह यूसफा र ,होर सह योंनान र , होर सह इलियहाकिम र , 31 होर सह मलआहे र , होर सह मिन्नहे र , होर सह मत्तत र , होर सह नातना र , होर सह दउदा र , 32 होर सह यिशो र , होर सह ओवैद र , होर सह बोअज़ र , होर सह सलमोंन र , होर सह नहशोना र , 33 होर सह अम्मीनादाब र , होर सह अरनी , होर सह हिसोन्ना , होर सह फिरिसा रअ , होर सह यहूदा रअ , 34 होर सह याकुवा र , होर सह इसहाका र , होर सह अब्राहमा , होर सह तिरह रअ , होर सह नहोरा रअ , 35 होर सहरुगा र , होर सह रऊ र , होर सह फिलिग़ र होर सह एविरे र होर सह शिल्हे र 36 होर सह कनेना र , होर सह अरअ रफज्ञद र होर सह शम र , होर सह नुहे र , होर सह लिमिक र , 37 होर सह मथुशिलहे र , होर सह हेनोक र , होर सह यिरिद रअ , होर सह महललेल रअ , होर सह कनाना रअ, 38 होर सह एनोश र , होर सह शत र , होर सह आदम र , होर सह दईबा र शोहरु , ।