यीशु री परठीक ्षा
( मती 4 :1 -11 मरकुस :12 , 1 3 )
4
1 तेउकी यीशु पवित्र आत्मा संघे भरुदअ , यरदना का आउअ ;होर चाहल़ी धियाडी तणी आत्मा रे सिखऊणे री तणी जंगले घुमदअ रहू ; होर शैतान टू री परठीक ्षा कर्दअ रहू । 2 ।तया धियाडी तेउये किछे नांईं खाऊ , जेवा त्याह धिहाडे पुरे होई , तेवा तेउ भोछ लागी । 3 होर शैताने तेउ का बोलू , “अगर तुहे दईबा रअ शोहरु साहा , तेवा एउ पात्थरा वै बोल रोटी वण ।” 4 यीशु तेउ वै उतारे दिना , “लिखुद साहा : 'मणश रोटी संघे सिधी ज़िउद्अ नांई रहंदा ।” 5 तेवा शैताने सह निंऊ होर एकी घड़ी तेउ वै पूरे देश रिहाऊ , 6 होर तेउ वै बोलू , “हांऊं याह सभी अधिकारा , होर याह सभी बैभब ताह वै दींणे , किवेकी यह सब्हे माह वै दिना दा साहा : होर जासू वै हांऊं चाहंदा त्याह वै हांऊं दिंदा । 7 तेवा अगर तुह माह वै नमस्ते करल़ , तेवा यह सारीा तेरा हुणा ।” 8 यीशु तेउ वै उतारे दिना , “ लिखूदा साहा : “ तुह आपणे दईबा वै नमस्ते करे ; तेउ री ही उपासना करे ।” 9 तेवा तेउये सह येरुश्लेमा वै निं करे देहुरे री चोटी पेंदे निं करे खडअ करू , होर तेउ वै बोलू , "अगर तुहे दईबा रअ शोहरु साहा , तुह आपु अखा का ऊन्धे शोट । 10 किवेकी लिखूदा साहा : "तेउ तेरे बारे में आपणे स्वर्गदूत वै आज्ञा दिणी , कि त्या तेरी रक्षा करे ।” 11 होर "तेवा तूह हाथ पेंधे उज़े चुआकण ऐडा नांई होए कि तेरी ज़ाघा पात्थरे संघे ठोकर लागे " 12 यीशु तेउ वै उतर दिना , “यह भी बोलू सह : तुह आपणे दईबा री परठीक षा नांई लए ।” 13 जेवा शैताने सारीी परठीक षा लई , तेवा थोड़ देरी बाद तेउ सेटा का नाठअ ।यीशु रे (सेवा )काम री शुरे आत
( मती 4 :12 -17 मरकुस 1 :14 , 15 )
14 तेउकी यीशु आत्मा संघे भरुदअ , गलीला वै आउअ , होर तेतकी चर्चा ओरी पोरी रे सारीे देशे फैली । 15 सह त्याह रे चर्चे उपदेशा दीदंअ रहू , होर सभे तेउ री तरफदारी करदा , ।
नसरे त में यीशु री वैइजती
( मती 13 :53 -58 ;मरकुस 6 :1 -6 )
16 तेउकी सह नासरता वै आउअ , ज़खे सह होच्छे का बडअ होऊ , ; होर आपांणी रीति रे सावे तुआरा री धियाडी चर्चे नाशी करे पढणे री तणी खडअ होऊ । 17 यशायाह होर भविष्यवक्त री कितब तेउ वै दिनी , होर तेउये कितब खोली क्रुसा ह ज़गहे कडी तखे लिखुद , । 18 “दईबा री आत्मा माह में साहा ,तेउकी तेउये कंगला वे सुसमाचार शुणाउणे री तणी मेरा अभिषेक करूदा साहा , होर हाँऊं तेवा भेजू दअ साहा हाँऊं तेवा भेजू दअ साहा कि केदी छुडाउणे री तणी होर काणे वे हेरणे री तणी हाँऊं सुसमाचार प्रचार करू होर दबी दे लोका उज़ेहे चुआकू । 19 होर दईबा रे खुश रहणे री तणी साला रा प्रचार करू ।” 20 तेवा तेउये किताब वन्द करी क्रुसा वका रे हाथे दिनी होर आपु बैठअ , होर चर्चा रे सव्हे लोका तेऊ भाल़दे लागेदे तीही , 21 तेउकी तेउये त्याह का बोलू , “ आज़ ही यह लिखुदा थारे सामने पूरा होउदा साहा । 22 सबही ये सह सराहू होर ज़ोह राम्बडी गला तेउरे मुहा का निख्ल़दा तीही , तेऊ का हेरान होई , “क़ेह यह युसफा रअ शोहरू नांइ ?” 23 तेऊ त्याबे बोलू , “तमा माह पेंदे तमा यह गल माह पेंदे जरुर बोलणाी कि हे बईद आपणे आपाबे ठीक कर! ज़ोह हामे शुणू की कफरनहु में करू तेता आपणे देशा में भी करठीक रे रिहा 24 होर तेउए बोलू , “हाँऊं तमा बे सच बोला की कोई भी भविष्यवाणी करने आलअ आपणे देशा में इजत नांई पाउन्द 25 हाँऊं तमा बे सच बोला की एलीयाह री धयाणी में जेबा सरग साढ़े ची साला बन्द रहू, होर सारीे देशा में अकाल पडू, त्तेबा इस्राएल में बहू बिधाबा थी। 26 तेबा एलीयाह त्या में कासी सेता नांई भेजू पर सेदा रे सारीफत में एकी बिधबा सेटा नाठअ। 27 होर एलीशा री भबिशयबाणी रे समय तखे बहु कोढ़ी थी, पर सीरियाबासी छाडी करे त्यामें कोहे ठीक नाई करू। 28 याह गला शुणदे ही जेतरअ राधना रे घरे थी सभी रोश आउआ 29 होर खडे ऊठी क्रुसा ह ग्राआ क बागे काणू, होर ज़ासु पहाडा में तेउरा ग्राआ थी, तेतका उचट नीऊ होर तखाक उनदे फेकण लाउ। 30 पर सह त्या मझा मेंक निखली करे ठुरु
मणश क शतद कडण
( मरकुस 1 :21 -28 )
31 तेउकी सह गलीला ना रे कफरनूहम ग्रां में नाठअ , होर तुआरा री धियाड़ी प्रचारा करदअ लागदअ , । 32 त्याह तेउरे उपदेश शुणी करे हेरान होई , किबेकि तेउरे बचन बडे प्रभाबा आल़े , । 33 अराधना घरा में एक मणश तिही , तेउ में अशुद्ध आत्मा तीही , । तेउ जोरे संघे बोलू , 34 यीशु नासरी हामा ताह संघे कैह काम? कैह तूह हामा नाश करदअ आउअद ? हाँऊं ताह ज़ाणा की तूह कुण साहा ? तूह दईबा रअ पवित्र मणश साहा । 35 यीशु ये तउवै क्रेरी करे बोलू , “ चुप रह होर तेउ मेंज़ा काा निखल़ तेवा शतादा(दुष्टात्मा) तेउ मेंज़ा काा तेऊ पटकी करे बिना नुकसाने संघे निखती । 36 एता पेंदे सभे हेरान होई होर त्याह आपु में बोल़द लागे यह कैड़अ बचन साहा किबेकि यह अधिकार होर सामर्थे संघे ओपरे वै आज्ञा दिंदा । 37 एउ सावै तेउरी चर्चा सारीी जागहा हुंदी लागी।
प्तरसा री शाशु होर होरा लोका ठीक करणे
(मती 8 :14 -17 मरकुस 1 :29 -34 )
38 सह (यीशु) आराधनालया मेंज़ा काा उठी करे शमाैन रे घरा वै नाठअ । शमोैन री शाशु ज़र आउदअ , तेवा त्याहे तेसा वै प्रार्थना करी । 39 तेवा यीशु ये तेसा सेटा नाही करे ज़र डांटू तेवा सह ठीक होई , होर सह तेवरी उठी करे यीशु री सेवा टहिली करदी लागी। 40 धियाड़े उड़दे तणी जखे - जखे लोका कई बीमारी में पड़ीदे , त्या सभे त्याये तेऊ सेटा वै आणी होर तेऊ एकी- एकी पेंदे हाथ डाही करे त्याह ठीक करी 41 होर दुष्टात्मा (दुष्टात्मा ) भी ज़ोरे जोरे बोल्दी लागी कि तूह दईबा रअ शोहरु साहा तेवा बहू मे का दुष्टात्मा निक्दी तेवा यीशु त्याह दुष्टात्मा डांटी , होर बोलणाे नांई दीना किबेकि त्याह आत्मा ज़ाणा , कि यीशु मसीह साहा ।
चर्चे प्रचार करणा
(मरकुस 1 :35 -39 )
42 जेबा धीयाड़ होई तेबा सह एकी सुनसान जागह नाठ होर तेबा त्या सबे लोक तेऊ लोडे तेऊ सेटा पूजे होर तेऊ रोकड़े लागे की हामा सेटाक नाही नाहे 43 पर तेऊ बोलू, “माँह होरी ग्राआ में भी नाहणे बे होर तखे भी दईबा रा सुसमाचार शुणाउणेवे जरूरी साहा किबेकी हाँऊं एथीरी तणी भेजूद साहा 44 होर सह गलील रअ राधना घरे में प्रचारा करद लागअ