युहन्ना बपतिस्मा दिण आल़े रे प्रे चारा
(मती 3 :1 -18; युहन्ना 1 :19 -28)
1
1 दईबा रे शोहरु यीशु मसीहा रे सुसमाचारा री शुरुआत होई । 2 जेड़ा यशायाह भविष्यदुयक्ता (भविष्य ज़ाणण आल़अ ) री किताबा में लीखु दा साहा “ हेर , हाँऊं आपणे ऐकु दूता तांईं जेह भेजा , जासू थारी बात सुधारणी । 3 बूणे एकी बोल़णे आल़े रा शब्द शुणदा लागा की दईबा री बात (मार्ग) तेयार करा , होर तेऊ री सड़क सीधी करा ।” 4 यूहन्ना आउअ , ज़ोह बूणे बपतिस्मा दीन्दा , होर पापा री क्षमा री तणी मन फेरा होर बपतिस्मा रा प्रचार करदा , । 5 सारीे यहूदिया प्रदेशा रै होर यरूशलेमा रे सभी रहणे आल़े निख्लिकरे तेऊ सेटा नाठे , होर आपणे पाप मानिकरे यरदना नई (नदी) में तेउका आपण बपतिस्मा लाउ । 6 यूहन्ना ऊंटा रे रोमा रै ज़िकड़े होर चामड़े री गाची बांन्दा तीही होर टिडिया होर जंगला मखीर खानदा , , 7 होर एड़ा प्रचारा करदा , री की , “माह बाद सह इहणे आलअ साहा द , हांऊ एताा लाईक नांइ आंदअ कि ऊटे होई करे तेऊ रे बूटा रे तेसा मे खोलू । 8 मांये तो तमा वै पांणी का बपतिस्मा दीना , पर तेऊ तमा वै पवित्र आत्मा का बपतिस्मा दीणा ।”यीशु री बपतिस्मा होर तेऊ री परीक्षा
(मती 3:13-4:11; लुका 4:14-15)
9 त्याह ह धिहाडी यीशु ग्लीला रे नासरत का इच्छी की यरदन में यूहन्ना का बपतिस्मा लाऊ । 10 होर ज़ेव्रे सह पाणी का ऊज़े निकतअ , तेवा तेवरी तेऊये सरग खुल्दअ हेरू , होर आत्मा कबूतारे साही आपू प्रेन्धे ईंदअ हेरू । 11 होर यह आकाशवाणी होई , “तूह मेरअ प्याअ शोहरु साहा दअ , ता का हाँऊ खुश साहा दअ ।” 12 तेवा आत्मा सह तेवरी बूणा वै भेजू । 13 बूणे सह चाहल़ी धियाडी तक शैताने तेऊ री परीक्षा लई; होर सह बूणा राजा नवरे संघे रहू , होर स्वर्ग दूत तेऊ री साबे करदे रही ।
यीशु रे साबे रे काम री शुरुआत
(मती 4 :12 -17 ; लुका 4 :14 , 15 )
14 यूहन्ना ढाकणे बाद यीशु ग़लीला मे ईछि करे दईबा रे राज्य रे सुसमाचारा प्रचारा करु , 15 होर बोलू , “समा/टईमा पूरा होऊ , दईबा रा राज्य नेड़़ आऊआ ; मन फेरा होर दईबा रे सुसमाचार प्रेनधे बुशहे विश्वाश करा ।”
माछूय शदउंण
(मती 4 :18 -22 ; लुका 5 :1-11 )
16 गालिला सौरे (झीला ) रे किनारे - किनारे नांदे बक्त , तेउये शमाौन होर तेउ रे भाई अनिद्रयास सोरे जा ल़ा फेकते हेरी ; किवेकि तया मछुए , । 17 यीशु ये त्याह वै बोलू मांह पीछे इच्छा , माह तमे मंशा रे मछुए बणाउणे । 18 त्याह ह तेवरी ज़ाल़ा छाडी करे , तेउ पीछे नाठे । 19 त्याह ह धख ज़हे निख्लिकरे , तयूये जबदी र शोहरु याकूब , होर तेउ रे भाई युहन्ना वै , किशती परेंधे ज़ाल़े ठीक करदे हेरी । 20 तेऊ तेभरी त्याह ह शदाई , होर त्याह ह आपणे बापू जबदी मजदूरा संघे किशती परेंधे छाडी करे , तेउ पीछे नाठे ।
दुष्टात्मा में फसूदअ मणश ठीक करणअं
(लुका 4 :31 -37 )
21 तेवा त्याह कफरनुहम वै आये , होर सह तेवरी तुआरा री धियाड़ी देऊरे में (आराधानलया ) में नाशिकरे प्रचारा करदअ लागअ । 22 होर लोका तेउरे उपदेशा शुणी करे हेरान होई ; किबेकी सह तेया शाश्त्री जेड़ा नांई , पर अधिकारी जेड़ा उपदेश दिंदा , । 23 तेवरी , त्याह रे आराधना घरा में एक मणश , जासू में ओपरा शतादा , । 24 तेउये क्ररीगा पाई करे बोलू , “हे यीशु नासरी , हामा ताह कै कामा ? कैह तूह हामा नाश करदअ आऊअद साहा ? हाँऊं ताहा जाणा , तूह कुण साहा ? दईबा रअ पवित्र मणश ।” 25 यीशु ये तेउवै क्रेरी करे बोलू , “ चुप रह; होर एउ में का निखल़ । 26 तेवा अशुद्ध आत्मा तेउ मारोड़ी करे , बखे ज़ोरे -ज़ोरे क्रिग्गा लाई करे निख्दी । 27 ऐता हेरी क्रुसा ब्हे हेरान होई तेया आपू मेंजे गला करदे लागे , ”यह केह गल साहा ? यह नइ गला साहा । सह हके {अधिकार } संघे ओपरे वै आज्ञा दिन्दा , होर सह तेउरी आज्ञा मना ।" 28 गहोर तेउरा ना तेवरी गलील रे ओरी पोरी सारीे देशा में सारीी जागहा फेलु ।
बहु दाऊ आल़े (लोका ) ठीक / चंग की
(मती 8 :14 -17 ; लुका 4 :38 -41)
29 सह तेवरी देऊरे का निख्लिकरे , याकूब होर युहन्ना संघे शमाैन होर अनिद्रयास रे घरा वै आऊअ । 30 शमाैन री शाशु ज़री दी , होर त्याहे तेवरी एतके बारे में तेऊ वै खोज़ू । 31 तेवा तेउये नेड़ नाशी करे तेस्क हाथ ढाकी क्रुसा ह खड़ी चुआकी , होर तेस्कअ ज़र मुकअ , होर सह तेउरी सेवा टहिली करदी लागी । 32 ब्याल्के ज़ेव्रे धिहाडअ डूबी मूकअ , लोके सारीे दाऊ आल़े होर जासू ओपरा , तेउ सेटा आणी । 33 होर सारीा ग्रा तेउरे दुआरा सेटा कठे होउ । 34 तेउये खासे लोका ज़ोह कईये बीमारी का दुखी , त्याह ठीक होर खासे री दुष्टात्मा काडी , होर ओपरे बोलणाे नांई दिना , किबेकी त्याह तेउ जाणा , ।
यीशु रा कराणे (एकांत) में प्रार्थना करना
(लुका 4 :42 -44 )
35 दोती धिहाडी निख्लणे का खासे पहिले सह उठिकरे हांडदअ लागअ , होर एकी जंगला ै एकी ज़ागा प्रार्थना करदाअ लागअ । 36 तेवा शमाौन होर तेउ रे संघे तेउ लोड़े नाठे । 37 जेबा सह भैटअ , त्याह ह बोलू , “सवै लोका तमा लोड़े लागदे ।” 38 तेउये त्याह ह वै बोलू , “इच्छा हामा ओरी पोरी कासु होरी ग्राये नाहणा , कि हाँऊं तखे भी प्रचार करु , किवैकि हाऊ एताकी तणी निकत्दअ ।” 39 तेवा सह सरग लीला में त्याह ह रे देहुरे नाशिकरे प्रचारा करदअ रहू होर दुष्टात्मा काड़दअ रहू ।
कोढ़ी मणश ठीक करु
(मती 8 :1 -4 ; लुका 5 :12 -16)
40 एक कोढ़ी तेउ नेणे आउअ , तेउये तेऊ का अर्ज की , होर तेउरे सामाने झूकी की बोलू , “जेवा तूह चाहे तेवा हाऊ रामड़अ होई सका ।” 41 तयूये तेउ परेंधे दया की करे हाथ बड़ेाऊ , होर तेउ छूइ करे बोलू , “हांऊं चाहन्दा कि तूह रामड़अ हो ।” 42 होर तेवरी तयूरे , कोढ़ा री बीमारी नाह्दी लागी होर सह तेवरी रामाड़अ होऊ । 43 तेवा तेउये सह समाझाई करे तेवरी भेजू , 44 होर तेउये बोलू , “हेर , कासी कै किछे नांई बोले , आपे नाशी करे याजका सेटा रिहाये होर आपणे ठीक हूणे रे बारे में ज़ोह मूसा रे नमा रअ नुसारी आपु ठीक हुणे रा दान दे , तेवा सभी तेरे ठीक हुणे री गुआही त्याह ह पंधे होए ।” 45 पर सह बागे नाशी क्रुसा भी लोका जांद्रे एता खोजदअ लागअ , तेउ एतारा ज्यादा खोजू कि यीशु एयु ग्राये भी नांई नाही सका , पर बागे बूणे रहू , होर च़ौऊ तरफा का लोका तेउ सेटा वे इंहदे रही ।