दरागा री बीमारी ठीक की
(मती 9 :1 -8 ; लुका 5 :17 -26)
2
1 कई धिहाडी बाद सह भी कफरनहूम वै आउअ , होर यह शुणू की सह घरे साहा द । 2 तेउकी ऐतारे लोका कठे होई की दुयारा सेटा भी जागाह नांई रही , होर सह त्याह ह वै बचन शूनउद लगदअ , । 3 होर लोके एक बीमार मन्श चौऊ मणशे चुआकी करे आणु तेउ मांणशा दरग होई दी , । 4 तखे खासे मणश , होर त्याह तेउ नेणे नांई पूजी सका े , तेवा त्याह सह छापरे पेचु जासु थाई सह , जेडाये त्याह सह छापर पेचु तेडअ त्याह सह बीमार मन्श माज़े संघे चुड़ऊ । 5 यीशु त्याह रा विशवास हेरी करे तेउ दरंगा रे बीमारा मन्शा वै बोलू , “हे पुत्र तारे पाप माफ़ होई ।” 6 तेवा कई शाश्त्री ज़ोह तखे बेठेदे , आपणे - आपणे मना में विचारा करदे लागे , 7 यह मणश एडा किबे बोला ? एऊ तो दईबा री निन्दा लाई करणी ! दईबा छाडी करे होर कूण पाप माफ़ करे री सका ? 8 त्याह हे आपणे -आपणे मना ऐडे विचारा करदे लागे , होर तेउए बोलु , "तमा आपणे -आपणे मने यह विचार किबे लाऊ करना ?” 9 साहा न कैहे साहा ? ऐउ दरगा रे मरीजा वै यह बोल़णा कि तारे पाप क्षमा होई , या यह बोलणाा कि , उठ आपणे सोथरे चुआक होर नशअ अखे ाक ? 10 पर तेता क तमे यह जाणी सका कि मणश रे शोहरु वै धरती प्ररेनदे पाप क्षमा करने रा अधिकार साहा । ”तेऊए तेउ दरगा रे मारीजा वै बोलू , 11 “हाँउ ता का बोलदा , उठ , आपणे सोथरे चुआक होर घरा वै नशअ?।” 12 सह उठू होर तेभरी आपणा साथरा चुआकु होर सभी जागा क नाठअ , ऐता हेरी करे सभे हेरान होई , होर त्याह ये दईबा री तारीप की करे बोल़दे लागे , ”हामें ऐडा कधी नांई भालू ।”लेबी शादाउणअ
(मती 9: 9 -13; लुका 5; 27 -32)
13 सह भी नीखलिक्रुसा रा रे किनारे नाठअ , होर सारीे लोका तेउरे पीछे आउय , होर सह त्याह वै उपदेशा दीनदअ लागअ । 14 नांदे बक्त तेउये हेलफई रअ शोहरु लेबी चुंगरी री चौकी वैठदअ भालू , होर तेउ वै बोलू , “मांह पीछे ईच्छ ।” होर सह उठिकरे तेउ पीछे होऊ । 15 जेबा सह तेउरे घरे रोटी खांदअ वैठअ , तेवा बऊ चुंगी मागन आल़े होर पापी , यीशु होर तेउरे चेले संघे रोटी खांदे बेठे , किबेकी त्याह खासे , होर त्याह पीछे होई , । 16 शाशत्री होर फरीसीये यह हेरीकरे की यह पापी होर चुंगी आल़े संघे रोटी खनदअ लगदअ , तेवा त्याह तेउरे चेले वै यह बोलू की यह चुंगी मांगन आल़े होर पापी संघे खांदा पिन्दा । 17 यीशु यह शुणी करे त्याह वै बोलू , “भले चंगे वै बईदा री जरुरत नांई हुन्दी , पर बीमारा वै हुंदा : हांऊं धर्मी लोका री तणी नांई आऊअ , पर पापी रे री तणी आऊदअ ।”
ब्रता डाहणे रे बारे में खोजणा
(मती 9:14-17; लुका 5:33-39)
18 यूहन्ना रे चेले होर फरीसी ब्रता डाहनदा , तेवा त्याह इच्छी करे तयूक यह बोलू , “यूहन्ना रे चेले होर फरीसी रे चेले ब्रत किबे डाहनदा , पर तारे चेले ब्रता नांई डाहनदे ?” 19 यीशु ये त्याह के बोलू , “ज़व्रे तणी लाड़अ बराती संघे साहा दअ , त्याह किबे ब्रत डाहण ? तेवा ज़व्रे तक त्याह नेणे लाड़अ साहा दअ , तेवा जेबरे तणी त्याह ब्रत नांई डाई सका दे । 20 पर त्याह धिहाडी इणी जेब्रे लाड़अ त्याह क अलग करण , तेवा त्याह ब्रत डाहण । 21 “नऊए झिकडे री शाटी पुरा णे झिकड़े में कोहे नांई लउंदअ , नांई त सह पुराणे झिकड़े बी खिंचा होर सह झिकड़अ होर भी थोछण 22 नंऊई दाखरसा पुराणी माश्का में कोहे नांई डाहदे , नांई त दाखरसा संघे पुराणी माशक फुटणरी , तेवा दाखरस होर दूहेए माश्क खत्म हुणी , पर नउंआँ दाखरस नई माश्का में भरे ।”
स्ब्ता रा (तुआरा )रा दईबा
(मती 12:1 -8; लुका 6:1-5)
23 ऐडा होऊ की सह स्ब्ता(तुआरे ) री धिहाडी खेचा में होई करे नांदअ लागअ , री , होर तेयूरे चेले नाजा री डाली चोड़दे लागे । 24 तेवा फरीसीये तेऊबे बोलू , “भला यह स्ब्ता( तुआरे ) री धिहाडी काम किबे करा यह ठीक नांई आंदा ?” 25 तेउये त्याह वै बोलू , “तमा यह नांई पढ़ू की जेबा दऊदा जरुरत पड़ी जेबा सह होर तेऊरे संघी भोछ लगी , तेवा त्याह कैहे करु ? 26 तेऊए कई सावै अबियातार महायाजका रे टाईमें दईबा रे देहुरे नशी करे भोजना री रोटी खाई तेता माहायाजका रे सिबाए होर कोहे नांई खाई सका तअ , होर आपणे संघी भी दीनी नांई ?” 27 तेवा तेयुए त्याह वै बोलू , “सब्ता री धिहाडी मणशा री तणी बणाई , ना की मणश सब्ता (तुआरे ) री धिहाडी वै ?। 28 तेवा मणश रअ पुत्र / शोहरु सब्ता (तुआरे ) री धिहाडी रअ भी मालिक साहा दअ ।”