लूका 5

पहिलअ चलो शदणों

( मती 4 :18 -22 ;1 :16 -20 )

1 जब खासे लोका दईब रे बचन शूणण री तणी तेउ पीछ हे णडद लागे द , होर सह गत्रे सारीे त री झिल रे किनरे खडअ , तेवा एडा हे होऊ । 2 कि झील रे किनरे दुई किस्ती लगी दी हे री , होर माछी मरे न आल़े जल धहोऊ द लागे द , 3 त्याह हे किस्ती में ज क एकी पंध , ज़ोह शमोन री , तेवा यीशु य त्याह क बिनती करी की एउ किनरक थोड जहे तक चेले तेवा यीशु किस्ती पेंदे वैशी करे उपदेशा दींनदअ लागअ । 4 जब्रे तेउ गल्ला करी छेकी तेवा शैमोन बोलू , “विचहे जहे नश , होर माछी ढकण वै आपण ज़ल़अ प ।” 5 शमौन तेउ वै बोलू , “हे स्वमी , हामे सारीी रे चअ मेहनत करी होर किछहे नांई ढकु , तेवा तारे बोलणा क हांऊं जल पऊ।” 6 ज़ेबा त्याह य ऐड करू , तेवा त्याह य वख बहु माछी ढाकी , होर त्याह हे रे ज़ल़ चुटद लागे । 7 तेवा त्याह य आपण सात तिही ज़ोहे दूजी किस्ती में , त्याह वै इशरे करू कि म्हे री सहायता करे , होर त्याह य इचछी करे दुहे किश्ती अखे तणी भरी कि त्याह डुबदी लगी । 8 ऐत भल़ी करे शमौन पतरस स यीशु रे पइरे पडू होर बोलू , "हे दईबा महे सेटा क नशअ , किवकी हांऊं पपी मणश साहा ।” 9 किवकी ऐतरी माछी ढकण क हाँऊं होर मरे सात तिही हेरान होई , 10 होर तेहडे ही जबदी रअ शोहरु याकुब होर युहन्ना भी , ज़ोह शमौन रे सा , हेरान होई । तेवा यीशु शामोना वै बोलू , “नांईं डरे ; ऐवरा पोरी ताह मणशे ज़िउदे ढाकणे ।” 11 होर त्याह किश्ती किनरे वै आणी होर सभे कुछ-छाडी करे तेउ पीछे नाठे ।

कोढी मणश रे मबड करणअ

( मती 8 :1 -4 ;मरकुस 1 :40 -45 )

12 ज़ेबा सह कसु नगरे , त्ख एक कोढ़ी मणश आऊअ ; होर सह यीशु हे री करे नहे ट पडू होर प्रार्थना करी की , हे दईबा , अगर तुहे चहे तो हांऊं रे मब्डअ होई सका ।” 13 तेउये हे थअ बड़ाई क्रुसा ह छुउ होर बोलू , “हांऊं चहे द कि तुहे रे म्बडअ हो ।”होर सह कोढ़ी तेवा री ठीक हे होऊ । 14 तेवा तेउ वै बोलू , “कासी का नांईं बोला पर नशी करे आपणे याजका वै रीहाये , होर आपण रांबड हुणे रे बारे में ज़ोह मूसा चड़ाबा डाहूदा साहा तेता चड़ा कि तेत पेंदे गुआही हो ।” 15 पर तत्की गल्ला होर भी फल्दी रही , होर भीड़ पेंदे भीड़ तत शुणदी होर आपांणी दहे वै ठीक हुणे री तणी कठे हूँदी लगी । 16 पर सह अंगी नशी करे जगला प्रार्थना करे , ।

द्रागा र मरीज ठीक करे ण

(मती 9 :1 -8 , मरकुस 2 :1 -12 )

17 ऐकसा दिहाड़ी ऐडा होऊ की सह उपदेशा दिंदअ लागअ तीही , फरीसी होर त्ख्ले होरा लोका भी त्खे बेठे दे तीही , ज़ोह गलीला होर यहूदिया रे हर एकी ग्रा का होर यरुश्लेमा का आऊदे तीही , होर राम्ब्ड़े करणे वे दईबा री सामर्थ तेऊ संघे तीही । 18 तेऊ टाइमे कईये लोका एकी मन्शा ज़ासु लकवे री बीमारी तीही , मांजे पेंदे आणू , होर तया तेऊ मित्ररे निणे री वाता भाल़ेए होर तेऊ यीशु ज़ेह निणे वे स्कीमा बणाउदे लागे तीही । 19 पर जेवा बड़ेी भिड़ा री वज़ह का तेऊ मित्ररे नांइ नि सके तेवा त्याय छापरे नाशी करे छापर पेचु , होर माज़अ तेसी उन्दे पाऊ होर मांजे संघे सह यीशु रे मु़ंहा ज़ेह पजेरू । 20 तेऊ त्या रा बुशाह हेरी करे त्या वे बोलू , “हे मंशा तेरे पाप माफ़ होई ।” 21 तेवा ज्योत्षी होर फरीसी आपु में गल्ला लागे , “यह कुण साहा ज़ोह दईबा री निन्दा करदा ?दईबा छाड़ी करे होर कुण पाप माफ़ करी सका ?” 22 यीशु त्या रे मना री गलअ जाणी करे , तया का बोलू , “ तमे आपणे मने क़ेह सोचना लाउदा ? 23 सची क़ेह साहा ? क़ेह यह बोलणा की “ तेरे पाप माफ़ होई या यह की उठ अखा का नाश "? 24 पर ऐतकी तणी कि तमे जाणे कि मंशा रे शोहरू धरती पेंदे पाप माफ़ करणे रा अधिकार साहा ।” -तयूये तेऊ लकवे रे मरीजा वे बोलू , “हाँऊं ताह वे बोला , उठ आपण मांजअ चुआकी करे आपणे घरा वे नाश।” 25 सह तेवरी तेऊ ज़ेह उठू , होर जासू पेंदे सह लेटूदअ तीही तेता चुआकी करे , दईबा री बड़ेाई कर्द अ आपणे घरा वे नाठअ । 26 तेवा सब्हे हेरान होई होर दईबा री बड़ेाई करदे लागे होर बखे डरी करे बोल़दे लागे , “आज हामे बखे नोखी बात भाल़ी ।”

लेवा शादण

( मती :9 9 -13 मरकुस 2 : 13 -7 )

27 ऐता बाद सह वागे नाठअ होर लेवी ना रअ एक चुंगी लउणे आल़अ चुंगी रे दुआर ज़ेह बैठदअ हेरू , होर तेऊ वे बोलू , “माह पीछे इच्छ ।” 28 तेवा सह सब्हे साह छाड़ी करे उठू , होर तेऊ पीछे नाठअ । 29 तेबा लेबिये सह आपणे घरा बे नीऊ, होर एकी बड़ेे भोजा रा इतजाम करू,तखे चूगी लउण आल़े सगे होरा लोका रोटी खांदे बेठेदे थी 30 एता हेरी करे फरीसी होर तयारे शाशत्री यीशु रे चेले बे बोलदे लागे, तमे चुगी लउण आल़े होर पापी सहे किबे खांदा पिदा? 31 यीशुये त्याबे उतर दीना, बईद रामड़े मंशा ठीक करद नांई ईनद पर बीमरा बे जरूरी हुंदा । 32 हाँऊं धर्मी बे नाई पर पापी मंशा रे मना फिराऊणे री तणी त्या बोलद आअद ।

ब्रे त र प्रे श्ण

( मती 9 :14 -7 ;मरकुस 2 :23 -28 )

33 त्याये त्या का बोलू , “य्हुना रे चेले बराबर ब्रत डाहदा होर प्रार्थना करदा , होर फरीसी रे चेले भी , पर तेरे चेले त खांदा पिन्दा ।” 34 यीशु ये त्या का बोलू , “क़ेह तमे बराती का जेव्रे तणी लाडअ त्या संघे रहे , व्रतू रही सका ? 35 पर त्या दिहाडे ईनहे , त्या में लाडअ अंगी कर्णअ , तेवा त्या दिहाड़े त्या व्रत करणे।” 36 तेऊये एक होर गल भी तया वे खोजी : “कोहे मन्श नउये झिकड़े री शाटी करे पुराणी शाती नांइ लाउअदे , नांइ त नंउये थोछ़ा होर 37 होर कई लोका नया दाखरस पुराणे भानड़े में नाई भरदे, नांई नया दाखरस नये भांडे फाल्ली करे बागे नाहणा होर भांडअ भी खराब हूँणअ। 38 पर नया दाखरस नयअ भांडे में भरू लोड़ी 39 कोई मन्श पुराणा दाखरस झूटी करे नया झुटना नाई चहानदे,किबेकी त्या बोला पुराणा ही ठीक साहा ।