Yeésu Krísto-dɛ́ɛ Laabáárʊ Kífeńgi
Maárɩkɩ
waaŋmáa kɩ nɛ́
Naanɩ́ na ɖɩbáázɩ nɛ́
Tákaraɖá kɩna kɩnáábɩ́lɛ́ sɩɩlɛ ńgɩ Njííla-dɛ́ɛ tákaraɖáwá-daá.
Maárɩkɩ waaŋmaa ná kɩ.
Ɖádʊ́ʊ Yeésu Krísto-dɛ́ɛ Laabáárʊ Kífeńgi-dɛ́ɛ tɔ́m gɛ kɩ́nŋmatɩ́.
Maárɩkɩ ɩmʊ́ nɛ́,
ɩdafʊ́ńdɩlɩ́ Ɖádʊ́ʊ Yeésu Krísto.
Amá,
ɩdɛ́ɛ woovu Pétro ná Pɔ́ɔlɩ ɩ́na wɛ balá tɩmɛ́rɛ nɛ́ weeyéle ɩbá ɩtɩlɩ́ yɩ kazɔ́ɔ hálɩ ɩŋmáa ɩdɛ́ɛ tɔ́m.
Kɩdaá nɛ́,
Maárɩkɩ wɔɔzɔ́ɔ́lɩ sɩ ɩwɩ́lɩ ɩráa sɩsɩ Yeésu kɛ́ɛ na Ɩsɔ́ɔ Biyaalʊ́.
Amá,
Yeésu sɩ ɩbáázɩ ɩdɩmɛ́rɛ nɛ́,
ɩdɩtɩŋa ɩdɔsɔ́ɔ́lɩ sɩsɩ ɩráa ɩcáŋ batɩlɩ́ sɩsɩ bɩlɛ́ gɛ ɩgɛ́ɛ.
Wɔɔgbɔ́ɔ alɩwáátɩ ɩlá maamááciwá kʊ́bɔńdɩ na mááɖéwá,
ɩwáázɩ kʊdɔmɩ́nɩ ndɩ‑ndɩ,
ɩɖɔ́ɔ zííniwá,
ɩwɩ́lɩ yíko ɩwɛná kɩ nɛ́,
hálɩ bɩfa ɩráa wɔ́nbɔɔzɩ́ badɩ sɩsɩ weení gɛ ɩrʊ́ ɩmʊ́ ɩbá ɩgɛ́ɛ bɩlɛ́.
Bɩlɛ́ bɩrɩ́ŋa bɩlɛ́ sɩ biyele ná,
na batɩlɩ́ sɩsɩ ɩnáábɩ́lɛ́ Ɩsɔ́ɔ Biyaalʊ́.
Bʊwɔ́rɔ́ nɛ́ bángbáa yɩ,
ɩmʊ́ weení ɩgɛ́ɛ Ɩsɔ́ɔ Biyaalʊ́ nɛ́,
bakʊ yɩ ɖɛ́nɩ abɛlɩ́ akɔ́ɔ-rɔ.
Amá,
wɛ́ náádoozo wɩ́rɛ,
wénvém ɩlɩ́ɩ ɩsɩɖáa-daá.