Pahʋʋnɩ Yesu tɔm *Pilaatɩ tɛ yɔ
(Mat 27.1-2; 11-26; Luk 23.1-5, 13-25; Yoh 18.28-19.16)
15
1 Pakpa Yesu nɛ kife tanaŋ cu lɛ, tɔm hʋyaa tɩŋa payɩ kpeɣli ɖama se pala lɩmaɣza. Mba yɔ: *Yuda ñɩma *cɔjɔnaa *sɔsaa nɛ pɛ-ɛgbɛyɛ taa *sɔsaa nɛ pa-paɣtʋ wɩlɩyaa. Pɛtɛma lɛ, pɔhɔkɩ Yesu nɛ powoni pɛcɛlɩ Room wiyaʋ *Pilaatɩ. 2 Peeye ɛlɛ ñɔpɔzɩ-ɩ se: “Ña lɛ Yuda ñɩma wiyaʋ sɔsɔ naa we?” Yesu cosi-i se: “Ñɔyɔɔdʋʋnɩ mbʋ.” 3 Peeye Yuda ñɩma cɔjɔnaa sɔsaa kʋyɩ ɛ-yɔɔ se ɛyʋsɩ tɔm sakɩyɛ. 4 Ɛlɛ Pilaatɩ tasɩ-ɩ pɔzʋʋ se: “Ña-tɩ tɩŋa ŋnɩ ɛzɩma mbʋ pakʋyʋʋ ñɔ-yɔɔ yɔ. Ŋfɛyɩnɩ natʋyʋ se ŋcosuu yaa we?” 5 Ɛlɛ Yesu suma, ɛtatasɩ cosuu natʋyʋ. Peeye pɩɖɩɣzɩ Pilaatɩ yem ɖiɣ ɖiɣ.
6 Meheyiɣ-mɩ se paa Yomiye Taa Lɩʋ *Kazandʋ ndʋ lɛ, Pilaatɩ lɩzɩɣ salaka tɩnaa taa kʋɖʋm weyi ɛyaa samaɣ sɔɔlaa se palɩzɩ-ɩ yɔ. 7 Ŋgʋ, abalʋ weyi payaɣ se Baraabaasɩ yɔ nɛ ɛyaa nabɛyɛ paawɛ salaka taa. Mbʋ pʋyɔɔ yɔ, paakʋ ɛyʋ nɔɔyʋ alɩwaatʋ ndʋ tɩ-taa ɛyaa kalɩ Room wiyaʋ wayɩ yɔ. 8 Peeye ɛyaa samaɣ kʋyaa nɛ powolo pana Pilaatɩ se ɛlabɩ-wɛ ɛzɩ ɛtɩɩlakʋʋ yɔ. 9 Ɛlɛ ñɔpɔzɩ-wɛ se: “Ɩcaɣ se meyele *Yuda ñɩma wiyaʋ sɔsɔ ɛnɛ yaa we?” 10 Ɛpɔzɩ-wɛ mbʋ, mbʋ pʋyɔɔ yɔ, ɛnawa se ɛzɩsɛmɩyɛ *cɔjɔnaa *sɔsaa laba nɛ pakpa Yesu nɛ powoni-i ɛ-cɔlɔ. 11 Cɔjɔnaa sɔsaa mba pasazaɣnɩ ɛyaa se pɔtɔ se ɛzɩ Pilaatɩ keyele Yesu lɛ, ɛlɩzɩ-wɛ Baraabaasɩ salaka taa. 12 Peeye Pilaatɩ tasɩ ɛyaa samaɣ pɔzʋʋ se: “Ɛbɛ ɩcaɣ se mala ɛyʋ weyi ɩyaɣ se *Yuda ñɩma wiyaʋ sɔsɔ yɔ?” 13 Ɛlɛ pama kubusi se: “Kam-ɩ *kaamaŋkaɣ yɔɔ!” 14 Ɛtasɩ-wɛ pɔzʋʋ se: “Ɛlɛ kɩwɛɛkɩm mbʋ kpem ɛlaba?” Ɛlɛ pɛtɛzɩ kubusi mabʋ ɖoŋ se: “Kam-ɩ kaamaŋkaɣ yɔɔ!” 15 Pilaatɩ sɔɔlaa se ɛyaa samaɣ taa ɛla leleŋ. Pʋ-yɔɔ ɛlɩzɩ Baraabaasɩ nɛ eyele polu Yesu agbazɛɛ nɛ ɛkpaɣ-ɩ ɛcɛlɩ-wɛ se powoni-i pakam-ɩ kaamaŋkaɣ yɔɔ.
Sɔɔjanaa pɛɛŋʋʋ Yesu tɛtɛ yɔ
(Mat 27.27-31; Yoh 19.2-3)
16 Pʋwayɩ lɛ, sɔɔjanaa woni Yesu *Pilaatɩ tɛ kadaɣ taa. Peeye paya ɖama patɩŋa 17 nɛ posuu-i awiitoko kɩsɛmʋʋ nakʋyʋ waaa nɛ palʋʋ awiya hulaɣ nɛ sɔɔɔ nɛ papam-ɩ. 18 Ɛlɛ, papazɩ-ɩ sɛʋ nɛ woŋa se: “*Yuda ñɩma wiyaʋ sɔsɔ! Sɛɛ ɖeu!” 19 Ɛlɛ pamakɩ ɛ-ñʋʋ taa ɖaʋ nɛ pɔtɔʋ ɛ-yɔɔ ndaatʋ nɛ poluŋuu ɛ-ɛsɩndaa. 20 Pɛtɛm-ɩ tɛtɛ pɛɛŋʋʋ mbʋ lɛ, pɔhɔzɩ toko kɩsɛmʋʋ ŋgʋ nɛ papɩsɩnɩ e-wondu posuu-i. Pʋwayɩ lɛ, pakpaɣ-ɩ se powokini tɛtʋ wayɩ nɛ pakam-ɩ *kaamaŋkaɣ yɔɔ.
Pakam Yesu *kaamaŋkaɣ yɔɔ yɔ
(Mat 27.32-44; Luk 23.26-43; Yoh 19.17-27)
21-22 Pɛɖɛɣaɣnɩ Yesu ɖenɖe payaɣ se Goligota yɔ, pʋ-tɔbʋʋ se ñʋmbɔɔyaɣ lone, se pakam-ɩ lɛ, pakatɩ Alɛksandrɩ nɛ Ruufuusi pa-caa, ɛ-tɛ Siirɛɛnɩ egeetiye taa, payaɣ-ɩ se Siimɔɔ. Ɛlɩnɩ tɛyɛ yɔɔ nɛ sɔɔjanaa kpa-ɩ nɛ ɖoŋ se ɛhɔɔlɩ Yesu *kaamaŋkaɣ.ILLUSTRATION 11
23 Patanɩ Yesu lɛ, pɛcɛlɩ-ɩ sʋlʋm mbʋ pesidi pɩ-taa kɔyɛ nɖɩ payaɣ se miiri*fh* yɔ se ɛñɔɔ. Ɛlɛ, ekizi. \fm h \fr 15.23 \fk Miiri: \f kɔyɛ nɖɩ ɖɩhɛzɩɣ wɩzasɩ yɔ. 24 Peeye pakam-ɩ kaamaŋkaɣ yɔɔ.
Pɛtɛma lɛ, patayɩɣ ɖama e-wondu. Peeye paɖʋ miika se pana ŋgʋ paa weyi ɛkpakɩɣ yɔ. 25 Pakaŋaɣ-ɩ lɛ, pɩmaɣ ɛzɩ ninɖiɣyaa wɩsɩ yɔ. 26 Paama kpata nakʋyʋ yɔɔ mbʋ pʋ-yɔɔ pakam-ɩ yɔ nɛ paka kaamaŋkaɣ yɔɔ ɛ-ñʋʋ taa. Pamawa se: “Ɛnɛ lɛ *Yuda ñɩma wiyaʋ sɔsɔ.” 27 Paakam ɖɔɖɔ mɩlaa naalɛ nabɛyɛ ɛ-cɔlɔ: lɛlʋ ɛ-nɩwaŋ yɔɔ nɛ lɛlʋ ɛ-nɩmɩyɛ yɔɔ. [\v 28 Mbʋ tɔm ndʋ paama Ɛsɔtɔm Takayaɣ taa yɔ, tɩlaba. Ndʋ lɛ se: “Azaɣa hɛkʋ taa paɖʋʋ-ɩ.”]
29 Nʋmɔɖɔnaa mba pɛɖɛɣaɣnɩ peeye yɔ, pekpiɣyiɣ-i ñʋŋ nɛ patʋʋ-ɩ se: “Hei! Weyi ña ŋtɔŋaɣ se ŋyɔkʋʋ Ɛsɔ ɖɩɣa nɛ ŋɖaɣnɩ-kɛ maʋ nɛ kɩyakɩŋ naadozo yɔ, 30 ya ña-maɣmaɣ ña-ñʋʋ! Tibini kaamaŋkaɣ yɔɔ nɛ ɖɩna.” 31 *Yuda ñɩma *cɔjɔnaa *sɔsaa nɛ pa-paɣtʋ wɩlɩyaa pɛpɛɛŋaɣ Yesu tɛtɛ mbʋ ɖɔɖɔ nɛ pɔpɔzʋʋ ɖama se: “Ɛyabɩ lɛlaa ñʋʋ ɛzɩma tɛ ɛɛpɩzɩɣ se ɛya ɛ-maɣmaɣ ɛ-ñɩŋgʋ! 32 Weyi ña ŋheyiɣ se ña lɛ Izrɛɛlɩ wiyaʋ sɔsɔ nɛ *Weyi Ɛsɔ Lɩzaa Yɔ, ye ŋtibini kaamaŋkaɣ yɔɔ nɛ ɖɩna yɔ, pʋbʋ ɖɩwɛɣnɩ lidaʋ ñɔ-yɔɔ.” Halɩ pɩkpɛndɩnɩ mba paakam-wɛ ɛ-cɔlɔ yɔ nɛ patʋʋ-ɩ ɖɔɖɔ.
Yesu sɩm tɔm
(Mat 27.45-56; Luk 23.44-49; Yoh 19.28-30)
33 Puwiye nɖɩ wɩsɩ siɣa lɛ, cɩkpɛndʋʋ yu ɛjaɖɛ tɩŋa kpemm nɛ pʋkɔɔ pɩsɩnɩ ɖanaɣ ñɩɣtʋ naadozo. 34 Peeye Yesu mabɩ kubusi se: “Eloyi, Eloyi! Lamaa sapaktanɩɩ?” Pʋ-tɔbʋʋ se: “Mɛ-Ɛsɔ, mɛ-Ɛsɔ! Pɩlabɩ ɛzɩma nɛ ŋlɔ-m?” 35 Mba paawɛ peeye yɔ, pa-taa lɛlaa nɩ mbʋ lɛ, pɔtɔŋ se: “Ɩnɩɩ ɛyaɣʋ *Elii!” 36 Peeye pa-taa lɛlʋ sewa nɛ ewolo ɛkpaɣ kʋca nɛ ewoni elii sʋlʋm kɩñɩŋɩm nabʋyʋ taa nɛ ɛtʋʋ ɖaʋ nakʋyʋ nɔɔ taa nɛ ɛwɩlɩɣ Yesu se ɛmʋzɩ nɛ ɛtɔŋ se: “Iyele ɖɩna se *Elii kɔŋ etisi-i yaa we?” 37 Pʋwayɩ lɛ, Yesu ma kubuka ɖoŋ nɛ ɛhɛɛ.
38 Alɩwaatʋ ndʋ tɩ-yɔɔ pɩsaʋ sɔsɔʋ ŋgʋ paakaɣ Ɛsɔ ɖɩɣa taa yɔ, kɩkpaɣnɩ ñʋʋ taa faɣʋ nɛ kitii kɩkaɖɩnɩ pɩ-tɛɛ hɔɔlɩŋ naalɛ. 39 Room sɔɔja sɔsɔ weyi ɛɛsɩŋ Yesu ɛsɩndaa yɔ, ɛna ɛzɩma mbʋ Yesu mabɩ kubuka nɛ ɛhɛɛ yɔ lɛ, ɛtɔ se: “Toovenim, ɛnɛ ɛɛkɛ Ɛsɔ Pɩyalʋ!”
40 Halaa nabɛyɛ kɛwɛ poliŋ nɛ pɔcɔŋna ɖɔɖɔ. Pa-taa lɛlaa yɔ: Yoosi nɛ Yakubu cikpelu po-ɖoo *Maarɩɩ nɛ Magdala tɛtʋ taa Maarɩɩ nɛ Saloomee. 41 Halaa mba patɩŋaɣnɩ Yesu alɩwaatʋ ndʋ ɛɛwɛ Galilee egeetiye taa yɔ nɛ pasɩŋnɩ-ɩ. Halaa lɛlaa sakɩyɛ mba ɛ nɛ wɛ paawobi Yeruusalɛm yɔ, paawɛ peeye ɖɔɖɔ.
Yesu pim tɔm
(Mat 27.57-61; Luk 23.50-56; Yoh 19.38-42)
42 Kɩyakʋ ŋgʋ pʋwɛɛ se pɔñɔɔzɩ pɩtɩŋa payɩ nɛ pʋcɔ kife *kɩyakʋ kɩhɛzʋʋ yɔ ki-wiye wɩsɩ tibi ɖʋʋ lɛ, 43 Ariimatee tʋ weyi payaɣ se *Yozɛɛfʋ, ɛkɛ Yuda ñɩma tɔm hʋyaa taa lɛlʋ nɛ ɛɛɖaŋ Ɛsɔ Kewiyaɣ nɛ ɛyaa tɩŋa ñaŋ-ɩ yɔ, ɛkaɖɩ nɛ ewolo *Pilaatɩ cɔlɔ. Ewoba lɛ, etendi-i se ye etisiɣ yɔ, ɛcɛlɩ-ɩ Yesu nɛ ewona epi. 44 Peeye pɩɖɩɣzɩ Pilaatɩ se Yesu tɛm sɩbʋ, ɛlɛ ɛyaa sɔɔja sɔsɔ nɛ ɛpɔzɩ-ɩ se: “Yesu sɩbʋ yɔ, pɩtɛm leɖuu naa we?” 45 Sɔɔja ɛnʋ ecosi-i lɛ, ɛha Yozɛɛfʋ nʋmɔʋ se ewolo etisi-i. 46 Pʋwayɩ lɛ, ɛlɛ ya pɩsaʋ kɩfalʋʋ kʋhʋlʋmʋʋ nakʋyʋ nɛ etisi Yesu nɛ kaamaŋkaɣ yɔɔ nɛ ɛhɔkɩ-ɩ kɩ-taa nɛ ewoni-i epi pɩlaʋ ŋgʋ pɛcɛsɩ ɛwaɣ taa yɔ kɩ-taa nɛ epilisi pɩyɛ sɔsɔɖɛ naɖɩyɛ nɛ ɛɖɩɣ kʋ-nɔɔ. 47 Yoosi nɛ Yakubu po-ɖoo *Maarɩɩ nɛ Magdala Maarɩɩ paawɛɛ nɛ pɔcɔŋnɩ ɖenɖe pepiŋaɣ-ɩ yɔ.