22
Daaviidi wabʋ nɛ ɛsaŋ Ɛsɔ yɔ
(Ɩ́cɔna Keɣsi 18.0)
2 KƖPAƔLƲ lɛ ɛnʋ ɛwaɣ nɛ ɛ-ɖɩcɔzɩyɛ nɛ ɛ-lɩzɩyʋ,
3 se, ɛnʋ Ɛsɔ lɛ ɛwaɣ ŋga ɛcɔzʋʋna nɛ nabʋyʋ ɛɛlakɩ-ɩ yɔ,
ɛnʋʋ lɛ kpayʋʋ ŋgʋ kɩɖaŋɩɣ ɛ-yɔɔ yɔ, ɛ-yɔɔ kandɩyʋ ɖoŋ ñɩnʋ nɛ ɛ-ñʋʋ yaɖʋ.
Ɛ-cɔlɔ ɛnʋ ñɩnɩɣ se ɛcɔzɩ nɛ puholi-i helu helu tɩnaa nesi taa.
4 Pása KƖPAƔLƲ!
Ye ɛtɩya-ɩ se ɛsɩna-ɩ yɔ, ɛlɩzɩɣ-ɩ e-koyindinaa nesi taa.
5 Sɩm falaɣ ɛnʋ yɔɔ lɩm hola,
pɩkpaɣaɣ ɛnʋʋ sɔɔndʋ ɛzɩ pɔɔ ŋga kakpakɩɣ ɛyaa yɔ.
6 Ɛnʋ kɛkɛ ɖenɖe sɩm wɛɛ yɔ, pu-yom,
pi-piyuu kpaɣaɣ ɛnʋ.
7 Ɛnʋ kʋñɔŋ taa ɛya KƖPAƔLƲ,
ɛnʋ ya ɛ-Ɛsɔ.
Ɛ́lɛ nɩɩ ɛnʋ nɔɔ nɛ ɛ-ɖɩɣa taa,
ɛnɩ ɛnʋ kubusi.
8 Peeye tɛtʋ ciɣdaa nɛ tiseli
nɛ ɛsɔdaa tigila ñamsɩ,
ticiɣdaa, mbʋ pʋyɔɔ yɔ, ɛ--pana kpawa.
9 Ñɔsɩ nasɩyɩ lɩɣaɣna ɛ-mɔɔŋ tɛɛ,
Mikekeŋ ñalɩɣna ɛ-nɔɔ taa
pɩkpɛndɩna miŋ nɛ mamala.
10 Ekpiya ɛsɔtɔnʋʋ nɛ etii,
ɛsɔmɩnʋʋ nakʋyʋ kpemm ɛ-nɩŋgbanzɩ tɛɛ.
11 Ɛkpa e-tiyiyu weyi payaɣ se Ceruubɛɛ yɔ ɛ-yɔɔ nɛ ɛkʋyɩ ɛsɔdaa,
pʋwɛ ɛzɩ ɛwɛ heelim keŋ yɔɔ yɔ.
12 Ehuuza ɛ-yɔɔ cɩkpɛndʋʋ,
ɛmɛla ɛsɔmɩndʋ sɔsɔtʋ natʋyʋ taa,
mamacʋsɩ kʋyaɣna ɖɩ-taa.
14 KƖPAƔLƲ yeba nɛ tɛʋ tilina ɛsɔdaa,
Ɛsɔ Caabiyuu yeba nɛ panɩɩ ɛ-nɔɔ.
15 Ɛtɔ ñɩma nɛ e-koyindinaa mɩzɩ ɖama hɔɔlɩŋ tɩŋa taa.
Eyeba tɛʋ ñɩlɩzɩ nɛ pese pa-tɩŋa.
16 KƖPAƔLƲ lakasɩ nzɩ sɩ-taa, ɛ-pana kpawa siŋŋ,
nɛ piseɣ teŋgunaa tɛɛ nɛ pɩnaɣ kedeŋa tigila.
17 Peeye epoza e-nesi nɛ ɛsɔdaa nɛ ɛɖɔkɩ ɛnʋ,
nɛ ɛlɩzɩ-ɩ lɩm mbʋ pilikaɣ-i yɔ, pɩ-taa.
18 Ɛlɩza-ɩ e-koyindinaa ɖoŋ tɩnaa nesi taa,
Ɛlɩza-ɩ e-koyindinaa mba pakɩla ɛnʋʋ ɖoŋ yɔ, pe-nesi taa.
19 Powoba ɛnʋ wayɩ asɛyʋʋ kɩyakʋ wiye,
Ɛlɩza-ɩ pɩ-taa, mbʋ pʋyɔɔ yɔ, ɛsɔɔla-ɩ.
21 KƖPAƔLƲ lakɩ-ɩ ḿbʋ, mbʋ pʋyɔɔ yɔ, ɛnʋ lakɩ mbʋ ɛɖʋwa yɔ,
ɛlaba-ɩ kʋjɔʋ se ɛnʋ lakɩ mbʋ pʋtʋʋzaa yɔ́ɔ tam.
22 Ɛnʋ ɖɔŋ KƖPAƔLƲ paɣtʋ yɔɔ,
ɛnʋ ɛɛyʋsʋʋna ɛ-Ɛsɔ.
23 Toovenim lɛ, ɛnʋ ɖɔŋ mbʋ mbʋ ɛɖʋwa yɔ, pʋ-yɔɔ,
ɛnʋ ɛɛlɔʋ mbʋ e-liu wɛɛ yɔ.
24 Ɛnʋ ɛɛcaɣ se ɛna kawanaɣ nakɛyɛ ɛnʋ-yɔɔ,
ɛnʋ ɖɔkʋʋ ɛ-tɩ se ɛtaala ɛzaɣtʋ natʋyʋ.
25 Peeye KƖPAƔLƲ laba-ɩ kʋjɔʋ se ɛnʋ lakɩ mbʋ ɛɖʋwa yɔ,
se ɛnʋ laba mbʋ ɛnaɣ se pʋtʋʋzaa yɔ.
26 KƖPAƔLƲ! weyi ɛlakɩ mbʋ ɛ́lɛ ɖʋwa yɔ, ɛlakɩ-ɩ mbʋ ɛ́lɛ dʋwa yɔ,
weyi patana kawanaɣ nakɛyɛ ɛ-yɔɔ yɔ, ɛɛwaɣna-ɩ natʋyʋ.
27 Weyi ɛwɛ cɩɖɩcɩɖɩ yɔ, ɛwɩlɩɣ-ɩ se ɛwɛ cɩɖɩcɩɖɩ,
ɛlɛ, weyi ɛtatʋʋzɩ yɔ, ɛwɩlɩ ɛlɛɛ ɛ-ajiitu. 28 Ɛsɩŋna samaɣ ŋga patakpaɣ-kɛ nɛ payaa pʋyʋ yɔ, ka-taa ñɩma,
ɛlɛ, ɛ-paa fɛyɩna mba pakpasɩɣ pa-tɩ yɔ.
29 Ɛnʋʋ KƖPAƔLƲ lɛ ɛ-kanɖʋ,
Ɛnʋʋ KƖPAƔLƲ ɛñanda ɖoo wena ɛnʋ wɛ a-taa yɔ, a-taa.
30 Ɛ-yɔɔ lɛ, ɛnʋ pɩzɩɣ ɛkʋyɩ ɛnʋ koyindinaa yɔɔ,
Ɛnʋʋ ɛ-Ɛsɔ ɛ-yɔɔ lɛ, ɛnʋ pɩzɩɣ ɛnʋ mana tɛtʋ koloŋa.
31 Ɛsɔ lɛ nʋmɔʋ wɩlɩyʋ weyi ɛmʋnaa yɔa, tɔm ndʋ ɛsɔ heyiɣ-i yɔ, tɩlakɩ.
Ɛwɛ ɛzɩ mba pa-tɩŋa payɩ powoki nɛ pɔcɔsʋʋna-ɩ yɔ, pa-kɩkpɛzɛŋ.
32 Ɛsɔ kʋɖʋm ɖeke koŋ wɛna, ɛnʋʋ lɛ KƖPAƔLƲ!
Ɛwaɣ kʋɖʋmaɣ ɖeke koŋ ɖɩwɛna, ŋgaa lɛ ḿba Ɛsɔ!
33 Ɛnʋʋ lɛ e-ɖoŋ tʋ weyi ehuuzuu ɛ-yɔɔ yɔ,
ɛnʋ hazɩɣna ɛnʋ nʋmɔʋ taa.
34 Ɛnʋ yekina nɛ eseɣ lɛɛlɛɛ ɛzɩ nenzɛm yɔ,
eyeki se ɛsɩŋ ɛnʋ nɩŋgbanzɩ yɔɔ piyasɩ yɔɔ.
35 Ɛnʋ kpɛlɛkɩɣna ɛnʋʋ ɛzɩma mbʋ poyou yɔ,
ɛnʋ sɩŋnina ɛnʋ nɛ ɛnɛ hɔ tɔʋ ŋgʋ kɩkɩla ɖoŋ yɔ.
36 Ɛnʋʋ KƖPAƔLƲ! Ɛwɛ ɛzɩ kɩkpɛzɛŋ yɔ, ehuuzuu ɛnʋ yɔɔ nɛ ɛyakɩ ɛnʋ ñʋʋ,
ɛnʋ yaɣ-ɩ nɛ ɛnɩɣna-ɩ nɛ eyeki nɛ ɛnʋ kpaɣ ɖoŋ.
37 Ɛ-yɔɔ ɛnʋ kɩlɩɣ seu lɛɛlɛɛ,
pɩɩmɛɣyɩɣ ɛnʋ.
38 Ɛnʋ ɖɔɔnʋʋ ɛnʋ koyindinaa nɛ ɛnʋ tɛzɩɣ-wɛ,
ye ɛnʋ ɛtɛtɛ kʋʋ pa-tɩŋa yɔ, ɛnʋ eekitiɣna ɛnʋ wayɩ.
39 Ɛnʋ cɛdɛlɩɣ-wɛ nɛ ɛnʋ tɛzɩɣ-wɛ,
paatasɩɣ kʋyʋʋ kaʋ,
pɛwɛ tɛɛtaa, ɛnʋ fɛya nɩŋgbaŋaɣ pɔ-yɔɔ.
40 Ɛnʋ haɣna ɛnʋʋ ɖoŋ se ɛnʋ eyona,
eluzuu mba pakʋyʋʋ ɛnʋ yɔɔ yɔ́ɔ, ɛnʋ tɛɛ.
41 Eyeki nɛ ɛnʋ koyindinaa seɣ ɛnʋ ɛsɩndaa,
ɛnʋ pɩzɩɣ enuuti ɛnʋ koyindinaa.
42 Pamakɩ kubusi, ɛlɛ, nɔɔyʋ fɛyɩ se ɛyakɩ pa-ñʋʋ,
pamakɩ kubusi nɛ payaɣ KƖPAƔLƲ, ɛlɛ, ɛɛnɩna-wɛ!
43 Ɛnʋ naŋɩɣ-wɛ nɛ papɩsɩ mʋzʋʋ,
nɛ ɛnʋ ƒɛyɩ pɔ-yɔɔ ɛzɩ ahɔya habɛ yɔɔ yɔ.
ɛnʋ tɩyɔɔdʋʋ lɛ, panɩna-ɩ.
46 Agɔmaa lɔ liu,
palɩɣna seluu pa-ɖɩmɛlɩyɛ taa.
47 KƖPAƔLƲ wɛ wezuu!
Pása weyi ɛkɛ ɛnʋ ɛwaɣ yɔ!
Ɛsɔ lɛ sɔsɔ, ɛnʋ lɛ ɛ-ɛwaɣ nɛ ɛ-ñʋʋ yaɖʋ!
48 Ɛsɔ kpaɣna ɛnʋ koyindinaa ɛnʋ kɩmɩyɛ
nɛ eluzuu samaɣ ndɩ ndɩ ɛnʋ tɛɛ.
49 KƖPAƔLƲ lɩzɩɣna ɛnʋʋ ɛnʋ koyindinaa nesi taa
nɛ eyeki se ɛnʋ ɛwa mba pakʋyʋʋ ɛnʋ yɔɔ yɔ,
nɛ ɛlɩzɩɣ-ɩ kañadɩnaa nesi taa.
50 KƖPAƔLƲ! Ḿbʋ yebina nɛ ɛnʋ saŋ-ŋ samaɣ ndɩ ndɩ taa,
ɛsaŋ-ŋ nɛ yondub.
51 KƖPAƔLƲ lakɩ mbʋ se ɛsɩna wiyaʋ weyi ɛlɩzaa yɔ, pɩpaɣlaa,
ɛlakɩ weyi ɛlaba-ɩ num pɩyʋʋ sɔnzɩ yɔ́ɔ ɖeu
ɛlakɩ Daaviidi nɛ ɛ-sɛyɩnaa ɖeu, tam yɔɔ.