18
Pawabʋ Abisalom youlaɖaa yɔ
1 Pɩlaba ḿbʋ lɛ, Daaviidi cɔɔ ɛ-sɔɔjanaa yɔɔ kpɛɛɛ nɛ ɛsɩɩ sɔɔjanaa kotoku kotoku ñʋʋdɩnaa nɛ mɩnʋʋ mɩnʋʋ ñɩma. 2 Pʋwayɩ lɛ, tayɩ sɔɔjanaa mbaa tɔm naadozo nɛ ɛkpaɣ hɔɔlʋʋ ɛɖʋsɩ Seruuyaa pɩyalʋ Yowaabɩ nesi taa, nɛ ɛɖʋsɩ lɛɛkʋ Yowaabɩ ɖalʋ Abisayi nesi taa, nɛ lɛɛkʋʋ Gaatɩ tɛtʋ taa tʋ Itayii. Pʋbʋ wayɩ lɛ, eheyi ɛ-sɔɔjanaa se, ɛ nɛ wɛ pɛ́ɖɛɛ! 3 Peeye paba kitina-ɩ se, pɩɩlakɩ mbʋ, pɩfɛyɩ se ɛtɩŋ ḿba. Mbʋ pʋyɔɔ yɔ, paa koyindu ewisa ḿba nɛ pese yɔ, koyindinaa ɛɛkpakɩɣ payaa pʋyʋ. Se, paa ḿba taa hɔɔlʋʋ maɣmaɣ ɛsɩbɩna yɔ, piiheyiɣ-wɛ natʋyʋ ɖɔɖɔ. Ɛlɛ, ɛnʋʋ Daaviidi lɛ, ɛɖɛ sɔɔjanaa ɛzɩ ḿba yɔ́ɔ kotokiŋ hiu (10000). Se, pʋyɔɔ lɛ, pɩkɩla ɖeu se ɛcaɣ tɛtʋ taa nɛ ɛsɩŋna ḿba nɛ ɖooo peeye. 4 Wiyaʋ Daaviidi heyi-wɛ se, tɔɔ! Ɛnʋ lakɩ mbʋ pɩkɛdɩna-wɛ yɔ. Ɖɩnɛɛ ewoba nɛ ɛsɩŋ tɛtʋ nɔnɔɔ taa nɛ you laɖaa lɩɣ tikasi mɩnʋʋ, mɩnʋʋ nɛ kotoku kotoku pa-taa nɛ pɛɖɛɣ. 5 Wiyaʋ heyi Yowaabɩ nɛ Avisayi nɛ Itaayi se, ɛnʋ tenda-wɛ se pala pɩɣa efeleɣ Abisalom hɛɛɛ! Wiyaʋ heya tɔm ndʋʋ youlaɖaa ñʋndinaa nɛ youlaɖaa tɩnɛ nɩɩ.
6 Peeye paba kʋyaa pakpaɣ nʋmɔʋ nɛ powolo pakʋyɩ Abisalom youlaɖaa yɔɔ nɛ pa nɛ wɛ poyoo Efiraayim lakʋ taa. 7 Poyowaɣ ḿbʋ lɛ, Daaviidi sɔɔjanaa wa Abisalom ñɩma. Ponuuda-wɛ kɩyakʋ ŋ́gʋ kpem, pakʋ ɛyaa mba yɔ, pataba ɛzɩ ɛyaa kutokiŋ nɩɩlɛ (20000) yɔ. 8 You kalɩ egeetye tɩnɛ taa nɛ mba pasɩba lakʋ taa yɔ, pakɩlɩ mba paba sɩba you taa yɔ́ɔ ɖɔʋ.
Yowaabɩ kʋʋ Abisalom yɔ
9 Se, pʋkɔma alɩwaatʋ natʋyʋ lɛ, Abɩsalom lɩɩ caɣ kpaŋnɔ nɛ ɛlɩɩ Daaviidi youlaɖaa ɛsɩndaa yem. kpaŋnɔ ɛnʋ ese nɛ ewolo ɛsʋʋ tɩʋ sɔsɔʋ nakʋyʋ piliŋasɩ taa, nɛ pɩlɛɣtɩ Abisalom ñʋʋ sɩ-taa nɛ esusi tɩʋ ŋgʋ kʋ-yɔɔ nɛ piyele kpaŋnɔ ɖɛɛ ɛ-nʋmɔʋ. 10 Pɩkɛdaa lɛ, Daaviidi sɔɔja nɔɔyʋ na-ɩ nɛ ewolo eheyi Yowaabɩ se ɛnʋ na Abisalom, pɩlɛɣta-ɩ tɩʋ nakʋyʋ pilŋasɩ taa. 11 Yowaabɩ pɔzɩ weyi eheya-ɩ mbʋ yɔ se, ɛna-ɩ lɛ, pɩla ɛsɩna nɛ ɛtakʋ-ɩ peeye kpaagbaa? Tɛtɛɣ ɛnʋ kaha-ɩ liidiye pɔɔyɩsɩ hiu (10) nɛ tambaɖɛ naɖɩyɛ! 12 Ɛlɛ, sɔɔja ɛnʋ eheyi Yowaabɩ se, Paa ɛɛha ɛnʋʋ liidiye pɔɔyɩsɩ kutoku (1000) yɔ, ɛnʋ taatisi nɛ ɛla wiyaʋ pɩyalʋ ɛzaɣtʋ natʋyʋ. Mbʋ pʋyɔɔ yɔ, ḿba nɩ wiyaʋ heyaɣ ɛnʋʋ Yowaabɩ nɛ Aviisayi nɛ Itayi se, pañaɣ pana nɛ nɔɔyʋ ɛtaala Abisalom ɛzaɣtʋ natʋyʋ. 13 Se, ye paa ɛnʋ kaakʋ-ɩ nɛ ɛcɛtɩ ɛnʋ tɩ se ɛnʋ tanɩɩ natʋyʋ yɔ, wiyaʋ kɔŋ ɛtɛmna naʋ ɛnʋ cɛtɩm ḿbʋ. Mbʋ pʋyɔɔ yɔ, ɛ́lɛ naɣ pɩ-tɩnɛ, nɛ ɛnʋʋ Yowaabɩ ɛ-maɣmaɣ, pʋbʋ, ɛtaalʋ ɛnʋ yɔɔ. 14 Se, peeye Yowaabɩ heya-ɩ se, ɛnʋ eelesiɣna-ɩ ɛ-alɩwaatʋ ḿbʋ!
Ɛyɔɔda ḿbʋ lɛ, ɛkpaɣ ɖaŋ weyi ɛ-nɔsɩ taa cʋlʋtaa yɔ́ɔ naadozo (3) nɛ ɛkam-ɩ Abisalom laŋɩyɛ taa ɛ-calɩmfiɣa yɔɔ. Pɩɩlɛɣta-ɩ nɛ tɩʋ piliŋasɩ ɛlɛ, ɛtaasɩ. 15 Ɖɩnɛɛ sɔɔjanaa kɩfama ḿba pasɩlaɣ Yowaabɩ e-youwondu yɔ, patɩcɔʋ Abisalom pata nɛ pɛtɛzɩ-ɩ kʋʋ. 16 Se, pɩlaba ḿbʋ lɛ, Yowaabɩ yele pahʋlɩ ŋgandɩyɛ se you ɛsɩŋ. Nɛ Daaviidi sɔɔjanaa yele ɖɔɔnʋʋ Abisalom ñɩma. 17 Piyele pakpaɣ Abisalom nɛ pɔlɔ pɔʋ sɔsɔʋ nakʋyʋ taa lakʋ taa nɛ pakaa ɛ-yɔɔ kamaɣ sɔsɔɔ nakɛyɛ. se, alɩwaatʋ ndʋ lɛ, Abisalom sɔɔjanaa seɣaɣ nɛ paa anɩ ekpeŋ ɛ-tɛ.
18 Se, Abisalom kɛwɛna ɛ-ɛsɛ lɛ, eeyeba nɛ pesiɣ pɩyɛ sɔsɔɖɛ naɖɩyɛ wiyaʋ kajalaŋaa taa, mbʋ pʋyɔɔ yɔ, ɛɛmaɣzaa se, ɛfɛyɩna abalɩbɩɣa se paayana ɛ-yɩɖɛ. Pʋ-yɔɔ ɛya pɩyɛ ndɩɩ ɛ-yɩɖɛ. Payaɣ-ɖɩ halɩ nɛ sɔnɔ se Abisalom kumoɖeb.
Daaviidi nɩʋ ɛ-pɩyalʋ Abisalom sɩm tɔm yɔ
19 Se, pɩlaba ḿbʋ lɛ, Saadɔɔkɩ pɩyalʋ Ahiimaasɩ heyi Yowaabɩ se, ɛ́ha-ɩ nʋmɔʋ nɛ ése nɛ ewolo eheyi wiyaʋ tɔm kɩbandʋ se, KƖPAƔLƲ hʋ ɛ́lɛ tɔm nɛ ɛlɩzɩ-ɩ e-koyindinaa nesi taa. 20 Se, ɛyɔɔda ḿbʋ lɛ, Yowaabɩ heyi-i se, ye kɩyakʋ ŋgʋʋ ewoba eheyi-tʋ yɔ, tɩɩkɛɣ tɔm kɩbandʋ, se wiɖiye lɛ, eeheyi-i-tʋ. Se ɛtaawolo puwiye nɖɩ, mbʋ pʋyɔɔ yɔ, wiyaʋ pɩyalʋ sɩm tɔm pɩkɛnaa. 21 Se, pʋwayɩ lɛ, Yowaabɩ heyi yom Etiyoopii tʋ nɔɔyʋ se, ɛ́lɛ ewolo nɛ eheyi wiyaɔ ndʋ ɛ́lɛ nawa yɔ. Peeye yom ɛnʋ eluŋa Yowaabɩ tɛɛ nɛ ɛsɛɛ-ɩ nɛ ɛkpaɣ sea nɛ ɛɖɛɛ. 22 Se, paa mbʋʋ yɔ, Ahiimaasɩ cɛyaɣ Yowaabɩ nɛ eheyiɣ-i se, paa pɩlakɩ ɛsɩna yɔ, pɩtana ɛnʋ! Se, éyele nɛ ɛnʋ ɖɔɖɔ se nɛ ɛtɩŋ Etiyoopii tʋ ɛnʋ ɛ-wayɩ. Ɛyɔɔda ḿbʋ lɛ, Yowaabɩ yaa-ɩ se ɛ-pɩyalʋ nɛ ɛpɔzɩ-ɩ se, pɩlaba ɛzɩma nɛ ɛnʋ ɖɔɖɔ ɛcaɣ se ese ? Se, eehikiɣ kɛzɛɣa nakɛyɛ pɩtɛ tɔm ńdʋ tɩ-yɔɔ. 23 Ahiimaasɩ tasɩ-ɩ heyuu se, paa pɩlakɩ ɛsɩna yɔ, pɩtana ɛnʋ! Se, ɛnʋ caɣ se ewolo peeye. Yowaabɩ heyi-i se, tɔɔ! Ewolo! Ɖɩnɛɛ Ahiimaasɩ kpaɣ Yɔɔrɩdaŋ kataŋa taa nʋmɔʋ nɛ seya nɛ ɛkɔɔ ɛkɔɔ ɛɖɛɛ Etiyoopii tʋ ɛnʋ ɛ-yɔɔ. 24 Se, alɩwaatʋ ńdʋ lɛ, Daaviidi kɛwɛ tɛtʋ nɔnɔɔ awayɩ ñɩŋga nɛ pɩ-taa ñɩŋga pɛ-hɛkʋ taa. Feŋiyu nɔɔyʋ ñaakpa tɛtʋ koloŋa yɔɔ, nɔnɔɔ ñʋʋ taa nɛ efeŋiɣ. Pɩkɛdaa lɛ, ɛnaɣ nɔɔyʋ seɣ e-ɖeke. 25 Peeye feŋiyu ɛnʋ ɛmaba kubuka nɛ eheyi wiyaʋ. Wiyaʋ tɔ se, ye e-ɖeke yɔ, tɔm kɩbandʋ natʋyʋ ewokina. 26 Se, feŋiyu ɛnʋ ɛkɔma nɛ ɛtasɩ naʋ lɛlʋ, eseɣaɣ lɛ, ɛyaa nɔnɔɔ ɖɑŋɩyʋ nɛ eheyi-i se, lɛlʋ ɖɔŋ seu ɖɔɖɔ e-ɖeke nɛ ewoki. Wiyaʋ se, ɛ́lɛ ɖɔɖɔ wokina tɔm kɩbandʋ. 27 Feŋiyu se, kajalaɣ tʋ seɣ seu ḿbʋ yɔ, ɛnʋ sɩma-ɩ, Saadɔɔkɩ pɩyalʋ Ahiimaasɩ. Wiyaʋ se, ɛkɛ ɛyʋ kɩbanʋ. Paa pɩɩla ɛzɩma, tɔm kɩbandʋ ewokina. 28 Se, Ahiimaasɩ kɔma ɛtala lɛ, eheyi wiyaʋ ɖoŋ se, pɩ-tɩŋa pʋɖɔŋ ɖeu! Nɛ eluŋ ɛ-tɛɛ nɛ nɛ ɛtɔ se, ɛnʋ sɛɣ ɛ-KƖPAƔLƲ Ɛsɔ se ɛ́lɛ kpa ḿba pakaɖaɣaɣna-ɩ yɔ nɛ ɛɖʋ-wɛ e-nesi taa. 29 Peeye wiyaʋ pɔzaa se, nɛ ɛnʋ pɩyalʋ Abisalom yɔ, ɛwɛ alaafɩya yaa we? Ahiimaasɩ cosi se, alɩwaatʋ ndʋ Yowaabɩ tiya ḿba, ɛ nɛ ɛ́lɛ tʋmlaɖʋ lɛlʋ lɛ, ɛna ɛyaa peendaɣ siŋŋ, ɛlɛ, ɛtana se ɛbɛ yɔɔ. 30 Wiyaʋ heyi-i se, tɔɔ, ɛkɛzɩ ɛ-tɩ, nɛ ɛsɩŋ peeye. Ɛkɛzɩ ɛ-tɩ ɖɔɖɔ nɛ ɛsɩŋ peeye. 31 Pɩkɛdaa lɛ, yom Etiyoopii tʋ talaa. Ɛ́lɛ heyi wiyaʋ se, ɛ́na tɔm kɩbandʋ ndʋ ɛwona ɛnʋ yɔ. Se, KƖPAƔLƲ ɖéza ɛ-tɔm, kɩyakʋ ŋ́gʋ, se, ɛlɩza-ɩ e-koyidinaa tɩŋa nesi taa. 32 Wiyaʋ pɔzɩ-ɩ se, nɛ ɛnʋ pɩyalʋ Abisalom yɔ, ɛwɛ alaafɩya yaa we? yom Etiyoopii tʋ ɛnʋ, ecosi se, ɛnʋʋ Ɖajaa wiyaʋ, e-koyindinaa ɛ́tɛmna ɛzɩ evebu ɛnʋ yɔ! Se mba papaŋ-ɩ nɛ ɛsɛ nɛ pañɩnɩɣ-ɩ nɛ ɛzaɣtʋ yɔ, pa-tɩŋa pɛtɛmna ɛzɩ ɛnʋ yɔ!