13
Amɩnɔɔnɩ nɛ Taamaarɩ pɔ-tɔm
1 Mbʋ pɩlabɩ pʋ-wayɩ yɔ, mbʋʋ yɔ. Daaviidi pɩyalʋ Abisalom kɛwɛnɩ neu halɩñɩnʋ aɖem nɔɔyʋ, nɛ Daaviidi pɩyalʋ lɛlʋ weyi payaɣ se Amɩnɔɔnɩ yɔ, ɛ́lɛ sɔɔlɩ-ɩ. 2 Se, Amɩnɔɔnɩ kɔsɔɔlɩ e-neu halɩñɩnʋ hɔʋ taa tʋ sɔɔlʋʋ mbʋ yɔ, pɩwɛ pʋcɔzʋʋ-ɩ nɛ ɛhɛnɩ kʋdɔŋ. Toovenim lɛ, pɩɩwɛ-ɩ kaɖɛ se ɛñɔtɩnɩ-ɩ mbʋ pʋyɔɔ yɔ, ɛtasɩmda abalʋa 3 Ɛlɛ, Amɩnɔɔnɩ kɛwɛnɩ taabalʋ nɔɔyʋ, payaɣ-ɩ se Yonaadaavɩ ɛkɛ Daaviidi ɖalʋ Siimeyaa pɩyalʋ, ɛwɛ ajiitu pɩtɩɩfɛyɩ. 4 Se, nakʋyʋ wiye lɛ, Yonaadaavɩ pɔzɩ Amɩnɔɔnɩ se ɛnʋʋ wiyaʋ pɩyalʋ, eheyi-i mbʋ piyeba nɛ ɛ-ɛsɛ ñɩŋɩɣ paa tanaŋ ŋgʋ kɩ-tɛɛ yɔ. Amɩnɔɔnɩ cosi-i se, ɛsɔɔlɩ ɛ-ɖalʋ hɔʋ taa tʋ Abisalom, neu Taammaarɩ. 5 Se, Yonaadaabɩ ñeheyi-i se, tɔɔ! Se, ye mbʋ, ɛhɩnɩ ɛ-kaɖʋ yɔɔ nɛ ɛcɛtɩ se pɩwɩɣ-ɩ. Ɛ-caa ewoba se ɛnaɣ-ɩ lɛ, eheyi ɛ́lɛ se ɛ́lɛ ɛha ɛnʋ neu Taamaarɩ nɛ ewolo ɛla ɛnʋʋ tɔɔnaɣ. Se, ɛla tɔɔnaɣ ɛnʋ ɛsɩndaa nɛ ɛ-maɣmaɣ ewona ɛnʋ nɛ ɛnʋ tɔɔ.
6 Peeye Amɩnɔɔnɩ hɩnaa nɛ ɛcɛtɩ se pɩwɩɣ-ɩ. Wiyaʋ woba se ɛnaɣ-ɩ lɛ, Amɩnɔɔnɩ heyi-i se ɛha ɛnʋ neu Taamaarɩ waɖɛ nɛ ewolo ɛla ɛnʋ ɛsɩndaa tindine cikpena naalɛ nɛ ɛɖʋ-ɩ ewona nɛ ɛtɔɔ. 7 Se, Daaviidi tiyi nɔɔyʋ se ewolo Taamaarɩ tɛ nɛ eheyi-i se ewolo ɛ-ɖalʋ Amɩnɔɔnɩ tɛ nɛ ɛlabɩ-ɩ tɔɔnaɣ. 8 Peheyi Taamaarɩ ḿbʋ lɛ, ɛkʋyɩ nɛ ewolo Amɩnɔɔnɩ cɔlɔ nɛ ɛmaɣna ɛhɩnaa. Peeye ɛkpaɣ mʋlʋ nɛ ɛhɔyɔ-pʋ nɛ ehuudi nɛ ɛla tindine nɛ ɛtɩnɩ miŋ yɔɔ. 9 Pɩpɩwa lɛ, ɛkpaɣnɩ celeɣ nɛ ewona-ɩ se ɛtɔɔ, ɛlɛ ekizi, nɛ ɛha nɔɔ se palɩzɩ ɛyaa tɩnɛ nɛ awayɩ, nɛ pa-tɩnɛ pala mbʋ ɖɔɖɔ. 10 Palɩwa lɛ, eheyi Taamaarɩ se, ewolo ɛkpaɣ tindine nɖɩ nɛ ewona ɛnʋ kaɖʋ cɔlɔ nɛ ɛ-maɣ ɛɖʋ ɛnʋʋ peeye nɛ ɛnʋ tɔɔ.
Peeye Taamaarɩ kpaɣ tindine nɖɩ ɛlaba yɔ nɛ ewona ɖooo Amɩnɔɔnɩ kaɖʋ cɔlɔ. 11 Se ɛkɔm se ewokini-i-ɖɩ se ɛtɔɔ lɛ, Amɩnɔɔnɩ ɖabɩ-ɩ nɛ ɛyaa-ɩ se, Taamaarɩ nɛ eheyi-i se ewolo nɛ ɛ nɛ ɛnʋ pahɩnɩ! 12 Ɛ́lɛ ma kkubuka se, aayɩ! Amɩnɔɔnɩ! Se, ɛtaasʋna ɛnʋ nɛ ɖoŋ. Se, paalakɩ mbʋʋ Izirɛɛlɩ ɛjaɖɛ taa. Se, ɛtaala kʋsɔɔtʋ lakasɩ nzɩ! 13 Se, ye ɛlabɩ-ɩ mbʋ, lee ewokina ɛnʋ fɛyɛ? Nɛ ɛnʋ maɣmaɣ yɔ, pʋbʋ pakpakɩɣ-ɩ ɛzɩ kpanzɩyʋ yɔ́ɔ Izirɛɛlɩ ɛjaɖɛ taa. Se, pʋbʋ, ewolo eheyi-tʋ wiyaʋ. Se, ɛ́lɛ haɣ-ɩ-ɩ, ɛ́lɛ eekiziɣ. 14 Ɛlɛ, Amɩnɔɔnɩ kizi, tanɩnɩ-ɩ. ɛɛkɩlɩ-ɩ hoɖe lɛ, ɛkpa-ɩ nɛ ɖoŋ nɛ ɛcaa-ɩ
15 Se, pʋwayɩ lɛ, Aminɔɔnɩ pazɩ Taamaarɩ paɖʋʋ kpem. Ɛɛtɩɩnaɣ-ɩ nɛ ɛsɩyɛ , halɩ pɩɩkɩlɩ ɖoŋ ɛzɩ ɛɛsɔɔlʋʋ-ɩ yɔ. Se, eheyi-i se, Ɛɖɛɛ peeye! 16 Taamaarɩ cosi-i ɛnʋ ɛɛɖɛɣ, se, ye ɛɖɔɔnɩ-ɩ mbʋʋ yɔ, pɩkɛɣ ɛzaɣtʋ ndʋ tɩkɩlɩ ndʋ ɛtɩlabɩ-ɩ lɛɛlɛɛyɔ yɔ. Ɛlɛ, Amɩnɔɔnɩ tasɩ kizuu, ɛtanɩnɩ-ɩ. 17 Se, peeye ɛya evebu weyi ɛlakɩ-ɩ tʋmɩyɛ yɔ, nɛ eheyi-i se, ɛdɔɔnɩ pɛlɛ ɛnʋʋ ɛnʋ tɛ nɛ ɛlɩɩ nɛ piyele ɛkaɖɩ nɔnɔɔ. 18 Se tʋmlaɖʋ ɛnʋ, ɛɖɔɔnɩ-ɩ ɖɔɖɔ nɛ piyele ɛkaɖɩ nɔnɔɔ ɖɔɖɔ.
Taamaarɩ kozu liidiye toko ɛzɩ awiya pɛlaa mba patasɩ abalaa yɔ posuuú yɔ. 19 Se palabɩ-ɩ ḿbʋ lɛ, ɛcɩyɩ e-toko kɩbaŋgʋ ŋgʋ nɛ piyele ɛpɩyɩ ɛ-ñʋʋ taa tɔlɩma nɛ ɛhuuzi ɛ-ɛsɛ yɔɔ e-nesi nɛ ɛmakɩ kubusi nɛ ɛɖɛɣ. 20 Se, peeye ɛ-ɖalʋ Abisalom pɔzɩ-ɩ se Amɩnɔɔnɩ kpa ɛnʋʋ e-neu nɛ ɛcaa-ɩ nɛ ɖoŋ naa we? Se, pʋbʋ, ɛtaayɔɔdɩ nɛ nɔɔyʋ nɩɩ, mbʋ pʋyɔɔ yɔ, ɛ́lɛ kɛ ɛ-ɖalʋ ɖɔɖɔ. Se, ɛtaakpaɣ-tʋ nɛ ɛyaa pʋyʋ. Se, kpaɣ alɩwaatʋ ndʋ lɛ, Taamaarɩ wɛɛ ɛɖalʋ Abisalom tɛ ɛzɩ halʋ weyi pekizi-i yɔ. 21 Se, wiyaʋ Daaviidi nɩ ḿbʋ lɛ, ɛ-pana kpa siŋŋ. Paa mbʋʋ yɔ, ɛtakalɩ Amɩnɔɔnɩ, mbʋ pʋyɔɔ yɔ, ɛlɛɛ lɛ ɛ-pɩyalʋ sɔsɔ. Ɖɔɖɔ lɛ, ɛɛsɔɔlɩ-ɩ siŋŋb. 22 Se, piyele Abisalom lɛ, ɛtatasɩ Amɩnɔɔnɩ yɔɔdɩnaʋ kaʋ, mbʋ pʋyɔ yɔ, ɛ-taa wɩɣaɣnɩ-ɩ se, ɛkpa e-neu nɛ ɖoŋ nɛ ɛcaa-ɩ.
Abisalom tiyuu nɛ pakʋ Amɩnɔɔnɩ nɛ piyele ɛnʋ ñese yɔ
23 Se, pɩlaba ḿbʋ pɩnsɩ naalɛ ɖɛɛ lɛ, nakʋyʋ wiye mba pɛsɛtɩɣ Abisalom e-heŋ hʋndʋ yɔ, powolo Abisalom ɛnʋ ɛ-tɛ, Baalɩhacɔɔrɩ tɛtʋ taa, Efirayim ɛjaɖɛc taa. Se, Abisalom kaya wiyaʋ pɩyalaa tɩnɛ, ɛ-tɛ peeye ɖɔɖɔ. 24 Se, Abisalom ɛnʋ, eewoba wiyaʋ Daaviidi cɔlɔ nɛ eheyi ɛ́lɛ se mba pahʋŋ heŋ hʋndʋ yɔ, pɛwɛ ɛnʋ tɛ nɛ pahʋŋ ɛnʋ heŋ. Se, wiyaʋ ɛɖʋ ɛnʋʋ yɩɖɛ nɛ ɛ nɛ ɛ-tʋmlaɖaa powolo kazandʋ ndʋ ti-ɖeɖe. 25 Wiyaʋ yaa-ɩ se ɛnʋ pɩyalʋ nɛ ecosi-i se, aayɩ. Se, ye powobi pa-tɩnɛ mbʋʋ yɔ, sʋʋtʋ kɩlɩɣ-ɩ. Abisalom cɛyɩ-ɩ se ewolo, ɛlɛ, wiyaʋ wazɩ ɛ-yɔɔ kɩwazʋ yem, nɛ ekizi se eewoki. 26 Peeye Abisalom heyi-i se, te ekizaa se eewoki yɔ, ɛha paa ɛnʋ ɖalʋ Amɩnɔɔnɩ waɖɛ nɛ ɛsɩɩ ḿba. Ɛyɔɔdɩ ḿbʋ lɛ, wiyaʋ pɔzɩ-ɩ se, ɛbɛ yɔɔ pʋwɛɛ se ɛsɩɩ-wɛ? 27 Se Abisalom wɛɛ nɛ ɛcɛyɩɣ-ɩ ḿbʋ lɛ, ɛtɛsɩ yebu Amɩnɔɔnɩ nɛ ɛ-pɩyalaa lɛlaa tɩnɛ nɛ pa nɛ ɩ pɛɖɛɛ.
Patalaa lɛ, Abisalom labɩ-wɛ tɔɔnaɣ nɛ pɔtɔɔ kpɛdɛlɛɛ ɛzɩ wiyaʋ kazandʋ maɣmaɣ siŋŋ yɔd. 28 Se, pʋwayɩ lɛ, Abisalom heyi ɛ-tʋmlaɖaa se, pɔcɔna Amɩnɔɔnɩ yɔɔ camɩyɛ nɛ ye ɛkɔma ɛñɔɔ sʋlʋm nɛ ɛ-taa hʋlʋmɩ ɖeu nɛ ɛnʋ heyi-wɛ pakʋ-ɩ lɛ, pala mbʋ! Se, sɔɔndʋ ɛtaakpa-wɛ! Se, pɩtɛkɛ ɛnʋ heyini-wɛ mbʋ yaa we? Se, pañaɣ pana nɛ pawɩlɩ pa-abalɩtʋ! 29 Mbʋʋ Abisalom tʋmlaɖaa nɩ ɛ-tɔm nɛ pakʋ Amɩnɔɔnɩ ɛzɩ eheyuu-wɛ yɔ. Kpaagbaa ḿbʋ lɛ, wiyaʋ pɩyalaa lɛlaa kʋyɩ pa-ɖɩtɔɔyɛ nɛ paa anɩ ewolo ɛkpa ɛ-kpaŋnɔ yɔɔ nɛ pese.
30 Se, pɛwɛ nʋmɔʋ taa ḿbʋ lɛ, Daaviidi se Abisalom kʋ ɛnʋʋ wiyaʋ ɛ-pɩyalaa tɩnɛ payɩ. Pɩtakazɩ paa pa-taa kʋɖʋm se paalabɩnɩ kɔyɛ. 31 Peeye ɛkʋyaa ɛcɩyɩ e-wondu nɛ halɩ ɛhɩnɩ tɛɛtaa. Se, ɛ-tʋmlaɖaa tɩnɛ kasɩŋa peeye nɛ pɔcɔɔ-ɩ kodaɣ, po-wondu cɩyaa ɖɔɖɔ. 32 Ɛlɛ, Daaviidi ɖalʋ Siimeyaa pɩyalʋ, Yonaadaavɩ heyi Daaviidi se, ɛnʋʋ wiyaʋ ɛtaamaɣzɩ se pakʋ ɛ-pɩyalaa tɩnɛ. Amɩnɔɔnɩ ɖeke pakʋwa. Se, ɖooo kɩyakʋ ŋgʋ Amɩnɔɔnɩ kpa Abisalom neu Taamaarɩ nɛ ɖoŋ nɛ ɛcaa-ɩ yɔ́ɔ Abɩsalom ɖʋwa se ɛlakɩ mbʋ. 33 Se, ye mbʋ, ɛtaaɖʋ ɛ-taa se e-piya tɩnɛ sɩba. Mbʋ pʋyɔɔ yɔ, Amɩnɔɔ ɖeke koŋ sɩbɩna 34 nɛ piyele Abisalom ñese.
Se, kpaagbaa ḿbʋ lɛ, evebu weyi efeŋaɣ yɔ, ɛkpasɩ ɛ-ɛsɛ lɛ, elosuu ɛyaa tikaɣ sɔsɔɔ nakɛyɛ, ketikaɣ Horonayim habɩyɛ yɔɔ piyaɣe. Se, ɛna-wɛ ḿbʋ lɛ, ewolo eheyi wiyaʋ se ɛnʋ na ɛyaa nabɛyɛ Horonayim habɩyɛ yɔɔ, piyaɣ ñʋʋ taa, pɔɖɔŋ wobu. 35 Peeye Yonaadaavɩ heyi wiyaʋ se, e-piya wokina ḿbʋ yɔ! Se, pɩ-tɩnɛ pɩlaba ɛzɩ ɛnʋ heyuu-i yɔ. 36 Se, Yonaadaavɩ tosuluda ɛ-nɔɔ lɛ, wiyaʋ pɩyalaa talaa. Papasɩ wiluu nɛ pamakɩ kubusi kpamm. Wiyaʋ nɛ ɛ-tʋmlaɖaa tɩnɛ pewilaa ɖɔɖɔ nɛ pɛ-ɛsɛ sɛɛ.
37 ABisalom se ḿbʋ lɛ, ewolo Siirii ɛjaɖɛ taa, Gesuuri tɛtʋ wiyaʋ, Talɩmayɩ tɛ. Payaɣ ɛ́lɛ caa se Amihuudi. Daaviidi kacaɣ ɛ-pɩyalʋ Amɩnɔɔnɩ leɣa alɩwaatʋ ndʋ tɩ-tɩnɛ. 38 Abisalom woba Amihuudi pɩyalʋ, Gesuuri tɛtʋ wiyaʋ, Talɩmayɩ tɛ lɛ, ɛcaɣ peeye pɩnzɩ naadozo. 39 Pɩlabɩ ḿbʋ lɛ, pɩtɛmna se wiyaʋ Daaviidi hɛzɩ ɛ-laŋɩyɛ, Amɔɔnɩ sɩm tɔm taa nɛ piyele ɛ-pana hɛnɩ Abisalom.