11
1 Se pʋkɔm pɩnaɣ kɩfalaɣ lɩɩ nɛ pɩtalɩ alɩwaatʋ ndʋ awiya woki you yɔ lɛ, Daaviidi tiyi sɔɔjanaa ñʋʋdʋ Yowaabɩ nɛ ɛ-sɔɔjanaa sɔsaa nɛ Isirɛɛlɩ ñɩma sɔɔjanaa tɩnɛ se powolo pakʋyɩ Amoonii ñɩma yɔɔ. Se, powoba lɛ, pakʋ ɛjaɖɛ taa ñɩma nɛ piyele pakʋyɩ Raabaa tɛtʋ ndʋ tɩkɛ tɛtʋ sɔsɔtʋ yɔ, tɩ-taa ñɩma yɔɔ nɛ pamʋ-tʋ. Ŋgʋ, Daaviidi ñaawɛ Yeruusalɛma.
2 Se, ɖanaɣ nakɛyɛ ɛhɛnaa nɛ ɛkʋyɩnɩ ɛ-kaɖʋ yɔɔ lɛ, ewolo kewiyaɣ ɖɩɣa kuduyuu ñʋʋdaa nɛ ɛcɔʋ. Ɛwɛ peeye ḿbʋ lɛ, ɛna halʋ nɔɔyʋ, ɛsɔwaɣ lɩm. Eeɖewa kamaɣ fɛyɩ. 3 Ɛna-ɩ ḿbʋ lɛ, ɛpɔzɩ ɛ́lɛ yɔɔ nɛ peheyi-i se, payaɣ-ɩ se Batɩseeva, ɛnʋʋ lɛ, weyi payaɣ se Eliyaam yɔ, ɛ-pɛlɛ, ɛkɛ Hɛɛtɩ liɖe taa tʋ Uurii halʋ. 4 Peeye Daaviidi tiya nabɛyɛ se powolo payaa-ɩ. Ɛ́lɛ woba Daaviidi tɛ lɛ, ɛ nɛ ɩ pasʋʋ nɛ piyele ɛpɩsɩ ɛ-tɛ. Ŋgʋ, alɩwaatʋ ndʋ tɩ-taa ɛna fenaɣ nɛ ɛla cɩɖɩ cɩɖɩ wɛtʋ sɔnzɩb.
5 Pɩlabɩ ḿbʋ lɛ, Batɩseeva haɣ hoa nɛ etiyi se peheyi Daaviidi mbʋ. 6 Patɩheyi Daaviidi ḿbʋ lɛ, eheyi sɔɔjanaa ñʋʋdʋ Yowaabɩ se etiyini-i Hɛɛtɩ liɖe taa tʋ Uurii. Yowaabɩ ñala mbʋ ɖɔɖɔ. 7 Se, Uurii kɔm ɛtalɩ wiyaʋ Daaviidi cɔlɔ lɛ, ɛ́lɛ pɔzɩ-ɩ Yowaabɩ nɛ sɔɔjanaa lɛlaa pɔ-yɔɔ, nɛ ɛsɩna mbʋ you ɖɔŋ yɔ. 8 Pʋ-wayɩ lɛ, eheyi-i se, ewolo ɛ-tɛ nɛ ɛhɛzɩ. Peeye Uurii kʋyɩ wiyaʋ ɖɩɣa taa ɛɖɛɛ nɛ wiyaʋ labɩ-ɩ kʋjɔʋ nɛ etiyini-i.
9 Ɛlɛ, Uurii towolo ɛ-tɛ, ewoba nɛ ɛnɛ sɔɔjanaa mba paɖaŋɩɣ wiyaʋ yɔɔ yɔ, pahɩnɩ wiyaʋ ɖɩɣa nɔnɔɔ cɔlɔ. 10 Pɩlabɩ ḿbʋ lɛ, Daaviidi nɩɩ nɛ ɛpɔzɩ Uurii se, pɩlaba ɛsɩna nɛ ɛlɩna nʋmɔʋ poliŋ nɛ eewoki ɛ-tɛ? 11 Se, Uurii cosi-i se, Kɩpaɣlʋ Nɔɔ Haʋ Aɖakaɣ nɛ Izirɛɛlɩ nɛ Yuuda pɔ-sɔɔjanaa pɛwɛ kɩɖanɖɩŋ tɛɛ nɛ sɔɔjanaa ñʋʋdʋ Yowaabɩ nɛ ɛ-sɔɔjanaa sɔsaa tɛyɛ yɔɔ, nɛ piyele ɛnʋ ñowoki ɛnʋ tɛ se ɛtɔɔ nɛ ɛñɔɔ nɛ ɛ nɛ ɛ-halʋ pahɩnɩ yaa we? Se, ɛnʋ ɖuwaa se ɛnʋ ɛɛlakɩ mbʋ kaʋ! 12 Peeye Daaviidi tɔm se, tɔɔ! Se ye ḿbʋ, ɛtasɩ caɣʋ peeye, kɩyakʋ ŋgʋ, kifema lɛ, ɛnʋ yebi-i nɛ ekpe. 13 Se, Daaviidi ya-ɩ nɛ ɛ nɛ ɩ pɛkpɛndɩ pɔtɔɔ nɛ pɔñɔɔ. Daaviidi yele nɛ sʋlʋm kʋ Uurii. Ɛlɛ, paa mbʋʋ yɔ, ɖooo yuwa lɛ, ɛzɩ eekpe ɛ-tɛ lɛ, ewoba nɛ ɛ nɛ sɔɔjanaa mba paɖaŋɩɣ wiyaʋ yɔɔ yɔ, pahɩnɩ.
14 Se kifem tanaŋ tɛɛ lɛ, Daaviidi ma Yowaabɩ takayaɣ nɛ ɛcɛlɩ Uurii se ewona. 15 ɛma ka-taa se, ɛpɩlɩ Uurii kajalaɣ caŋa yɔɔ ɖenɖe you kɩlɩɣ saʋ miŋ yɔ, nɛ pekitina pa-tɩ nɛ wayɩ nɛ piyele e-ɖeke nɛ koyindinaa hiɣ-i nɛ pakʋ-ɩ .
Batɩseeva walʋ Uurii sɩm tɔm
16 Se, Yowaabɩ cɔŋaɣnɩnɩ tɛtʋ ndʋ pamʋwa nɛ pɛwɛɛ tɩ-taa yɔ tɩ-yɔɔ. Ɛkalɩ takayaɣ ŋga Daaviidi ma ḿbʋ yɔ lɛ, ewona Uurii ɛ ɛpɩlɩ-ɩ ɖenɖe koyindinaa sɔdɩŋ ɖaŋɩɣ yɔ. 17 Se, pɩkɛdaa lɛ, tɛtʋ yɔɔ kandɩyaa lɩɩ nɛ powolo se pakʋyɩ mba pamʋ-tʋ nɛ pɛwɛɛ tɩ-taa yɔ, pɔ-yɔɔ. Powoba lɛ, pakʋ Daaviidi sɔɔjanaa sɔsaa taa nabɛyɛ, nɛ pɩkpɛndɩnɩ Uurii maɣmaɣ. 18 Peeye Yowaabɩ tiyaa nɛ peheyi Daaviidi ɛsɩna mbʋ pʋɖɔm you taa yɔ. 19 Se, eheyi weyi etiyaa yɔ se, ɛkɔŋ ɛtɛ wiyaʋ kɛdʋʋ you tɔm yɔ, 20 pɩtatɩlɩ, ɛ-pana kpaɣ nɛ ɛpɔzɩ se, pɩlaba ɛsɩna nɛ ḿba kɩlɩ ñɩtɩnaʋ tɛtʋ you alɩwaatʋ taa? Se, ḿba tatɩlɩ se pɔtɔʋ hɔzɩŋ nɛ tɛtʋ koloŋa yɔɔ yaa we? 21 Se, akʋ Yeruubɛsɛɛtɩ pɩyalʋ, Abiimelɛɛkɩ Tebɛɛcɩ tɛtʋ taac? Halʋ nɔɔyʋ! Ɛkpaɣ pɩyɛ sɔsɔɖɛ naɖɩyɛ nɛ ɛlɔ-ɖɩ nɛ tɛtʋ koloŋa ñʋʋ taa nɛ ɖɩyaɣ-ɩ nɛ ɛsɩ! Se, nɛ pɩla ɛsɩna kpem nɛ pɩla ɛsɩna kpem nɛ ḿba ñowolo pɔñɔtɩnɩ tɛtʋ koloŋa kpam ḿbʋ? Se, ye wiyaʋ ɛpɔzɩ-ɩ ḿbʋ lɛ, ecosi-i se, sɔɔja sɔsɔ Uurii sɩba ɖɔɖɔ.
22 Peeye weyi petiyi-i yɔ, ɛɖɛwa nɛ ewolo ewolo eheyi Daaviidi ndʋ Yowaabɩ heyi-i yɔ. 23 Se, ɛtalaa lɛ, eheyi-i se, tɛtʋ yɔɔ kandɩyaa kɩlɩ mbaa ɖoŋ. Se, paba woba pakʋyɩ mba yɔɔ tɛyɛ yɔɔ, nɛ mba ɖɔɔnɩ-wɛ nɛ nɛ patanɩ-wɛ tɛtʋ nɔnɔɔ taa. 24 Ɛlɛ, tɔŋ tɔyaa tɔ mbaa ñɩma nɛ tɛtʋ koloŋa yɔɔ, nɛ mba taa sɔɔjanaa sɔsaa nabɛyɛ sɩ. Pa-taa lɛlʋ lɛ, Hɛɛtɩ liɖe taa tʋ Uurii. 25 Se, peeye wiyaʋ cosi weyi petiyi-i yɔ se, ewolo nɛ eseɣdi Yowaabɩ nɛ eheyi-i se ɛtaakpaɣ tɔm ndʋ se tɩkɛ sɔsɔtʋ. Se, mbʋʋ ɛyaa sɩkɩ you taa hɔɔlɩŋ tɩnɛ taa. Se, ɛkʋyɩ ɖɩ-taa ñɩma yɔɔ nɛ abalɩtʋ nɛ ɛtɔyɩtɩ-wɛ.