9
Daaviidi mʋʋ Yonaataanɩ pɩyalʋ Mefiibaalɩ ɛ-tɛ yɔ
1 Se, nakʋyʋ wiye, Daaviidi pɔzaa se, pɩkazɩ Sawʋlɩ hɔʋ taa tʋ nɔɔyʋ yaa we? Se, ɛnʋ caɣ se ɛla pʋdʋ ɖeu Yonaataanɩ yɔɔa. 2 Ŋgʋ, Sawʋlɩ hɔʋ taa tʋmlaɖʋ nɔɔyʋ kɛwɛɛ, payaaɣ-ɩ se Ciiva. Daaviidi pɔzɩ ḿbʋ lɛ, pakpaɣ-ɩ nɛ powona ɛ-cɔlɔ. Ɛ́lɛ pɔzɩ-ɩ se ɛnʋʋ payaɣ se Ciiva yaa we? Ɛyaa-ɩ se KƖPAƔLƲ nɛ etisi se ɛɛɛ! 3 Se, wiyaʋ Daaviidi pɔzɩ-ɩ se, pɩtakazɩ nɔɔyʋ Sawʋlɩ hɔʋ taa se ɛnʋ ɛlabɩ-ɩ ɖeu ɛzɩ Ɛsɔ maɣmaɣ lakʋʋ yɔ yaa we? Ciiva cosi-i se pɩkazɩ Yoonaataanɩ pɩyalʋ. Ɛ-nɩŋgbanzɩ cam sɩ-naalɛb. 4 Se, wiyaʋ pɔzɩ se, ɛwɛ le? Ciiva cosi-i se ɛwɛ Amiyɛɛlɩ pɩyalʋ Maakiiri tɛ, Lodevaarɩ tɛtʋ taa. 5 Se, eheyi wiyaʋ ḿbʋ lɛ, ɛ́lɛ ñetiyi-i se ewolo peeye nɛ ɛkpaɣ-ɩ nɛ ewona. 6 Se, pɔkɔm powoni Sawʋlɩ pɩyalʋ Yoonaataanɩ pɩyalʋ, Mefiboosɛɛtɩ Daaviidi cɔlɔ lɛ, eluŋ nɛ ɛpa ɛ-ɛsɛ nɛ tɛtʋ Daaviidi ɛnʋ ɛ-ɛsɩndaa. Peeye ɛ́lɛ pɔzɩ-ɩ se, toovenim lɛ, ɛnʋʋ lɛ Mefiboosɛɛtɩ ; yaa we? Ecosi se ɛɛɛ! Ɛnʋʋ lɛ. 7 Se, ɛlɛ Daaviidi heyi-i se Sɔɔndʋ ɛtaakpa-ɩ! Se, ɛ-caa Yoonaataanɩ yɔɔ lɛ, ɛnʋ caɣ se ɛlabɩ-ɩ ɖeu. Se, ɛnʋ pɩsɩɣnɩ ɛ́lɛ cɔzɔ Sawʋlɩ tɛtʋ tɩnɛ nɛ ɛcɛlɩ-ɩ. Ɖɔɖɔ lɛ, ɛnʋ nɛ ɩ pacakɩ ɛ-ɖɩtɔɔyɛ taa kɩyakɩŋ tɩnɛ nɛ pɔtɔkɩ tɔɔnaɣ . 8 Se, peeye Mefiboosɛɛtɩ luŋ tataa nɛ ɛpɔzɩ-ɩ se pɩlabɩ ɛzɩma nɛ ɛcɔŋnɩ ɛnʋ weyi ɛwɛ ɛzɩ haɣ kɩsɩbaɣ yɔ ɛ-yɔɔ ḿbʋ?
9 Paa mbʋʋ yɔ, Wiyaʋ ya Sawʋlɩ tʋmlaɖʋ Civa nɛ eheyi-i se, ɛnʋ cɛlɩɣ ɛ-caa sɛyɩ Mefiboosɛɛtɩ, ḿbʋ pɩ-tɩnɛ payɩ pɩkɛ Sawʋlɩ nɛ ɛ-hɔʋ taa ñɩma pa-ñɩm yɔ. 10 Se, ɛnʋʋ Civa lɛ, ɛ nɛ ɛ-pɩyalaa nɛ ɛ-tʋmlaɖaa paɖʋ Mefiboosɛɛtɩ hayɩm nɛ ɛ-hɔʋ taa ñɩma hiɣ tɔɔnaɣ nɛ pɔtɔɔ nɛ piyele nɛ ɛ nɛ ɛnʋ pacakɩ ɛ-ɖɩtɔɔyɛ taa kɩyakɩŋ tɩnɛ nɛ pɔtɔkɩ tɔɔnaɣ . Ŋgʋ, Civa kɛwɛnɩ pɩyalaa hiu nɛ kagbaanzɩ (15) nɛ tʋmlaɖaa nɩɩlɛ (20). 11 Wiyaʋ heyi Civa ḿbʋ lɛ, ɛ́lɛ ñeheyi-i se, ɛlakɩ ndʋ eheyi-i yɔ, tɩ-tɩnɛ. Se, kpaɣnɩ alɩwaatʋ ńdʋ lɛ, Mefiboosɛɛtɩ nɛ Daaviidi pacakɩ ɛ-ɖɩtɔɔyɛ taa kɩyakɩŋ tɩnɛ nɛ pɔtɔkɩ tɔɔnaɣ mbʋ pʋyɔɔ yɔ, ɛkɛ Sawʋlɩ sɛyɩc.