2 Samuyɛɛlɩ 3

¹ Sawʋlɩ ñɩma nɛ Daaviidi ñɩma paayowa nɛ pileɖi kpem. Ɛlɛ, Daaviidi ñɛtɛzaɣ kpaʋ ɖoŋ, nɛ piyele Sawʋlɩ ñɩma ñɛtɛzɩɣ lesuu po-ɖoŋ kilesuu.

Daaviidi pɩyalaa mba palʋlɩ-wɛ Hɛbɩrɔɔnɩ yɔ, pɔ-tɔm \ r ( 1Awiya tɔm kɛdʋʋ cɔlɩɩ 3. 1-4)

² Daaviidi lʋlɩ abalɩbiya sakɩyɛ hɛbɩrɔɔnɩ tɛtʋ taa. Ɛ-pɩyalʋ sɔsɔ lɛ Amɩnɔɔnɩ. Payaɣ e-ɖoo se, Ahinowam, ɛ́lɛ tɛ lɛ Yizireeyɛɛlɩ tɛtʋ taa. ³ Naalɛ ñɩnʋ lɛ Kileyaavɩ. Payaɣ ɛ́lɛ ɖoo se Avigayiili, ɛnʋ lɛ Karɩmɛɛlɩ tɛtʋ taa tʋ Naavaalɩ lelu. Tozo ñɩnʋ lɛ Abisalom. Ɛ́lɛ ɖoo lɛ Gesuuri wiyaʋ Talɩmayɩ pɛlɛ Maaka. ⁴ Naza ñɩnʋ lɛ, Adoniya, payaɣ ɛ́lɛ ɖoo se, Hagiiti. Nʋwa tʋ lɛ, Sefatiya, e-ɖoo lɛ, Aviitaalɩ. ⁵ Loɖo ñɩnʋ lɛ, Yitreyam, ɛ-halʋ Egɩlaa lʋlɩnɩ-ɩ. Mbaa Daaviidi lʋlɩ hɛbɩrɔɔnɩ tɛtʋ taa.

Piyosuu Avɩnɛɛrɩ nɛ Isiboosɛɛtɩ yɔ

⁶ Sawʋlɩ ñɩma nɛ Daaviidi ñɩma poyowaɣ mbʋ lɛ, Avɩnɛɛrɩ ñɛwɛɛ ɛtɛzɩɣ kpaʋ ɖɔŋ Sawʋlɩ ñɩma taa.⁷ Sawʋlɩ kɛwɛnɩ halʋ lɛlʋ, payaɣ-ɩ se Ricipaa. Aya pɛlɛ lɛ. Nakʋyʋ wiye lɛ, Isiboosɛɛtɩ wolo nɛ ɛpɔzʋʋ Avɩnɛɛrɩ se, pɩlabɩ ɛzɩma nɛ ɛsʋnɩ ɛnʋ caa halʋ lɛlʋ?⁸ Ɛpɔzɩ Avɩnɛɛrɩ ḿbʋ lɛ, pɩwɩzɩ ɛ́lɛ siŋŋ, nɛ ɛ́lɛ pɔzɩ-ɩ se, ɛnʋ kɛ Yuuda ñɩma haɣ naa we? Se, halɩ nɛ sɔnɔ, ɛnʋ labɩ mbʋ pɩpɔzaa se ɛnʋ ɛla ɛ-caa hɔʋ taa ñɩma nɛ ɛ-ɖalaa nɛ e-newaa nɛ ɛ-taabalaa yɔ pɩtɩŋa. Se, ɛnʋ teyele se ɛsʋʋ Daaviidi nesi taa, nɛ piyele lɛɛlɛɛyɔ ɛkalɩɣ ɛnʋ se ɛnʋ yʋsɩnɩ halʋ ɛnʋ!⁹ Se, ye ɛnʋ ɛtala Daaviidi mbʋ Kɩpaɣlʋ ɖʋwa se ɛlakɩ ɛlɛɛ yɔ, Kɩpaɣlʋ ɛɖʋ ɛnʋʋ kʋñɔŋ ŋgʋ kɩfɛyɩ ɖaɣʋ kpem yɔ.¹⁰ Mbʋ pʋyɔɔ yɔ, Kɩpaɣlʋ ɖʋwa se, ɛmʋʋ Sawʋlɩ hɔʋ taa kewiyaɣ nɛ eyele Daaviidi ñɔtɔɔ ɛ-ñɩŋga Izirɛɛlɩ ñɩma nɛ Yuuda ñɩma pɔ-yɔɔ. Kpaɣ Daanɩ tɛtʋ nɛ pʋwolo pɩsɩnɩ Bɛɛrɩseva ñɩndʋ.¹¹ Avɩnɛɛrɩ yɔɔdɩ ḿbʋ lɛ, Iseboosɛɛtɩ tokuli ɛ-mʋtʋ nɔɔ mbʋ pʋyɔɔ yɔ, sɔɔndʋ kpaɣaɣ-ɩ nɛ ɩ.

Avɩnɛɛrɩ nɛ Daaviidi panɩnaʋ ɖama yɔ

¹² Pɩlabɩ ḿbʋ lɛ, Avɩnɛɛrɩ tiyi nabɛyɛ Daaviidi cɔlɔ nɛ pɔpɔzɩ-ɩ se, atɩnɩ ɛjaɖɛ? Se, peheyi-i se, ɛ nɛ ɩ panɩnɩ ɖama nɛ ɛsɩnɩ-ɩ nɛ pɛkpɛndɩ Izirɛɛlɩ ñɩma tɩŋa.¹³ Peeye Daaviidi tɔm se, pɩwɛ ɖeu mbʋ se ɛ nɛ ɛnʋ panɩnɩ ɖama. Ɛlɛ, pʋyʋ kʋɖʋm koŋ ɛnʋ pɔzʋʋ-ɩ. Mbʋʋ lɛ se, ye etetiyini ɛnʋʋ ɛnʋ halʋ, Sawʋlɩ pɛlɛ Miikaalɩ yɔ, ɛtaacazɩ wobu ɛnʋ cɔlɔ.¹⁴ Pʋwayɩ lɛ, Daaviidi tiyi nabɛyɛ Sawʋlɩ pɩyalʋ Iseboosɛɛtɩ cɔlɔ se powolo peheyi-i se, ɛcɛlɩ ɛnʋʋ ɛnʋ halʋ Miikaalɩ weyi ɛnʋ woni filisitii ñɩma hɩncɔndʋ mɩnʋʋ (100) nɛ pʋcɔ ɛnʋ kpaɣ-ɩ yɔ.¹⁵ Peeye Iseboosɛɛtɩ tiyaa nɛ payaa Miikaalɩ ɛ-walʋ Layiisi pɩyalʋ Palɩtiyɛɛlɩ tɛ.¹⁶ Paya-ɩ mbʋ lɛ, Palɩtiyɛɛlɩ wɛɛ wiluu yɔɔ nɛ ɛtŋɩɣ ɛ-wayɩ nɛ ɛkɔɔ ɛtalɩ Bahuurim tɛtʋ taa. Peeye Avɩnɛɛrɩ heyi-i se, ɛpɩsɩ lɔŋ! Nɛ ɛpɩsɩ ɖɔɖɔ.

¹⁷ Alɩwaatʋ ndʋ tɩ-taa Avɩnɛɛrɩ yɔɔdɩnɩ Izirɛɛlɩ ñɩma nɛ eheyi-wɛ se, pileɖaa yɔ, pe-liu wɛʋ se Daaviidi ɛkɛ pe-wiyaʋ yɔ. ¹⁸ Se, tɔɔ! Alɩwaatʋ talaa se pala nabʋyʋ. Se, toovenim lɛ, KƖPAƔLƲ yɔɔdɩ Daaviidi tɔm se, ɛnʋʋ ɛ-tʋmlaɖʋ ɛ-yɔɔ ɛnʋ tɩŋɩɣna nɛ nɛ ɛnʋ lɩzɩ ɛ-samaɣ, Izirɛɛlɩ ñɩma Filisitii ñɩma nɛ po-koyindinaa lɛlaa tɩŋa nesi taa.

¹⁹ Avɩnɛɛrɩ yɔɔdɩnɩ ɖɔɖɔ Bineyaamiini cejewiye taa ñɩma ɖɔɖɔ. Pʋwayɩ lɛ, ewolo Hɛbɩrɔɔnɩ tʋtʋ taa nɛ ɛɖʋzɩ Daaviidi maɣmaɣ nɩŋgbaaŋ taa tɔm ndʋ Bineyaamiini cejewiye taa ñɩma nɛ Izirɛɛlɩ ñɩma lɛlaa petisaa yɔ. ²⁰ Avɩnɛɛrɩ nɛ ɛyaa hiu paawobini Daaviidi cɔlɔ Hɛbɩrɔɔnɩ tɛtʋ taa. Patalaa lɛ, Daaviidi mʋ-wɛ nɛ ɛ nɛ wɛ pɔtɔɔ kazandʋ. ²¹ Peeye Avɩnɛɛrɩ heyi Daaviidi se, ɛnʋ woki nɛ ekpeɣli Izirɛɛlɩ ñɩma ɛnʋʋ ɛnʋ kɩpaɣlʋ wiyaʋ ɛ-cɔlɔ nɛ ɛ nɛ wɛ panɩnɩ ɖama nɛ pɩha-ɩ waɖɛ nɛ ɛtɔɔ ɛjaɖɛ tɩŋa kewiyaɣ ɛzɩ e-liu wɛʋ yɔ. Avɩnɛɛrɩ yɔɔdɩ mbʋ lɛ, Daaviidi yebi-i se ɛɖɛɛ, nɛ ɛɖɛnɩ laŋhɛzɩyɛ. kʋʋ Avɩnɛɛrɩ yɔ.

²² Avɩnɛɛrɩ ɖɛwa nɛ pɩla fele lɛ, Yowaabɩ nɛ Daaviidi sɔɔjanaa palɩnɩ you nakʋyʋ taa nɛ patalɩ. Paakpɛndɩnɩ ñɩm sakɩyɛ mbʋ paahiɣ you taa yɔ. Avɩnɛɛrɩ taatasɩ wɛʋ Daaviiti tɛ Hɛbɩrɔɔnɩ tɛtʋ taa mbʋ pʋyɔɔ yɔ, wiyaʋ keyebi-i nɛ ɛɖɛɛ laŋhɛzɩyɛ taa. ²³ Yowaabɩ nɛ ɛ-sɔɔjanaa tɩŋa patɩtalaa lɛ, nɔɔyʋ heyi-i se, Nɛɛrɩ pɩyalʋ Avɩnɛɛrɩ wobi wiyaʋ cɔlɔ nɛ ɛ́lɛ yebi-i nɛ ɛɖɛɛ laŋhɛzɩyɛ taa lɛ, ²⁴ Yowaabɩ sʋʋ wiyaʋ cɔlɔ nɛ ɛpɔzɩ-ɩ se, ɛbɛ ɛlabɩ mbʋ? Se, Avɛnɛɛrɩ wobi ɛnʋʋ wiyaʋ ɛ-tɛ nɛ ɛyebi-i nɛ ɛɖɛɛ! ²⁵ Se, ŋgʋ, ɛnʋʋ wiyaʋ, ɛsɩm Nɛɛrɩ pɩyalʋ Avɩnɛɛrɩ ɖeu! Se, ye ewobi ɛ-cɔlɔ yɔ, ewoba se ɛcɛtɩ-ɩ nɛ efeŋ-i nɛ ɛna ɛ-sʋʋ nɛ ɛ-lɩʋ pa-taa, nɛ ɛna mbʋ ɛlakɩ yɔ pɩ-tɩŋa. ²⁶ Yowaabɩ lɩ wiyaʋ tɛ lɛ, ɛɖʋ ɛyaa nabɛyɛ se powolo pakpa Avɩnɛɛrɩ. Peeye paba ɖɔɔnɩ-ɩ nɛ pakpa-ɩ ɖooo Siiraa kujomuu cɔlɔ papɩsɩnɩ-ɩ. Daaviidi kɩɩnaʋ. ²⁷ Papɩsɩnɩ Avɩnɛɛrɩ Hɛbɩrɔɔnɩ lɛ, Yowaabɩ yaa-ɩ nɛ ɛkɛzɩ-ɩ nɛ kɩjaʋ tɛtʋ nɔnɔɔ taa ɛzɩ ɛcaɣ se ɛwɛɛtɩ-ɩ natʋyʋ yɔ. Ɖɩnɛɛ ɛsɔbɩ e-lotu taa sɩɣa nɛɛsɩ. Ɛlabɩ mbʋ se, ɛkpanɩ ɛ-ñɩnʋ Asahɛɛlɩ sɩm kɩmɩyɛ. ²⁸ Daaviidi kɔma nɛ ɛnɩɩ ḿbʋ lɛ, ɛtɔ se, KƖPAƔLƲ na ḿbʋ se ɛnʋ nɛ ɛnʋ kewiyaɣ taa ñɩma pɛfɛyɩ Nɛɛrɩ pɩyalʋ Avɩnɛɛrɩ sɩm tɔm taa! ²⁹ Se, pɩ-sʋʋtʋ ɛcaɣ Yowaabɩ nɛ ɛ-hɔʋ taa ñɩma pe-ɖeke koŋ pɔ-yɔɔ! Se, nɔɔyʋ ɛ́wɛɛ ɛ-hɔʋ taa ñɩma taa tam nɛ ɛ-tɛɛ lɩm kpeŋ yaa kʋdɔŋ kɩsɛmʋʋ kpa-ɩ! Nɔɔyʋ ɛ́wɛɛ nɛ ɛ́nɩɣnɩ halaa tʋmɩyɛ yaa pakʋ-ɩ nɛ sɩɣa yaa ñɔɔsɩ kʋ-ɩ! ³⁰ Mbʋʋ Yowaabɩ nɛ e-neu Aviisayɩ pakʋ Avɩnɛɛrɩ, mbʋ pʋyɔɔ yɔ, ɛ́lɛ ñaakʋ pe-neu Asahɛɛlɩ, you taa Gabawɔɔ tɛtʋ taa.

³¹ Peeye Daaviidi heyi Yowaabɩ nɛ samaɣ ŋga kaawɛ ɛ-cɔlɔ yɔ, ka-tɩnɛ se, pácɩyɩ po-wondu nɛ piyele pɔtɔɔlɩ kutokiŋ nɛ powolo pacaɣ Avɩnɛɛrɩ leɣa(yaa pewii-i). Pɔkɔm pakpaɣ Avɩnɛɛrɩ se pɛɖɛɣnɩ pim lɛ, Daaviidi maɣmaɣ ɖɔŋ sɩɖʋ wayɩ nɛ ɛtɩŋɩɣ pa-wayɩ. ³² Hɛbɩrɔɔnɩ powoni Avɩnɛɛrɩ nɛ pepi. Wiyaʋ wi ɛ-pɩlaʋ yɔɔ woo nɛ pɩkpɛndɩnɩ samaɣ tɩnɛ. ³³ Pʋwayɩ lɛ, wiyaʋ tee Avɩnɛɛrɩ yɔɔ kʋñɔŋ hendu se:

Avɩnɛɛrɩ! Pɩlabɩ ɛsɩna nɛ ŋsɩ?

Ŋsɩ kɩmɛlɛndʋ sɩm mbʋ?

³⁴ Ŋgʋ, pataahɔkɩ ñe-nesi,

yaa ña-nɩŋgbanzɩ pa-taa yoŋgbasɩ!

Paa mbʋʋ yɔ, ŋsɩba,

Ɛzɩ ɛyaa kʋyaa tuduu ɛyʋ nɛ pakʋ-ɩ yɔ.

Ḿba patɩnɛ pɛwɛ peeye yɔ, paawɛɛ pewiɣ Avɩnɛɛrɩ ³⁵ Pʋbʋ wayɩ lɛ, powolo Daaviidi cɔlɔ. Powoni-i tɔɔnaɣ, ŋgʋ, wɩsɩ tekpemda. Ɛlɛ, Daaviidi ɖuu se, ye ɛnʋ ɛkpazɩ pʋyʋ nɛ ɛ-nɔɔ nɛ pʋcɔ wɩsɩ ɖʋ yɔ, Ɛsɔ ɛhɔ ɛnʋ ŋgbaŋgʋ siŋŋ!

³⁶ Samaɣ tɩnɛ kɔm kanɩɩ ḿbʋ lɛ, kɔtɔ se wiyaʋ wɛnɩ toovenim. Mbʋʋ samaɣ paŋ yɔɔdʋʋ mbʋ wiyaʋ lakɩ yɔ, pʋ-yɔɔ. ³⁷ Mbʋʋ Yuda ñɩma nɛ Izirɛɛlɩ ñɩma tɩnɛ pana kɩyakʋ ŋgʋ se, pɩtɛkɛ wiyaʋ hanɩ nɔɔ se pakʋ Nɛɛrɩ pɩyalʋ Avɩnɛɛrɩ. ³⁸ Daaviidi pɔzɩ ɛ-tʋmlaɖaa se, panawa se kɩyakʋ ŋgʋ, Izirɛɛlɩ wiyaʋ nɔɔyʋ, wiyaʋ sɔsɔ nɔɔyʋ sɩbɩna naawe? ³⁹ Se, ɛnʋ lɛ, paa se ɛnʋ kɛ wiyaʋ yɔ, halʋ weyi payaɣ se Ceeruuyaa yɔ, ɛ-pɩyalaa kañatʋ cɛzɩ ɛnʋ ɖoŋ yɔɔ. Ye ḿbʋ, Kɩpaɣlʋ maɣmaɣ ɛhɔmnɩ pa-nɩŋgbaaŋ ɛzaɣtʋ ndʋ palaba ḿbʋ yɔ, tʋ-yɔɔ.