Ruuti cazʋʋ tɔɔnaɣ hayɩm taa nɛ Bowaazɩ talɩ yɔ
2
1 Abalʋ nɔɔyʋ kɛwɛ Nawomii walʋ Eliimelɛɛkɩ liɖe taa, payaɣ-ɩ se Bowaazɩ. Ɛkɛ ɖoŋ tʋ pɩtɩɩfɛyɩ. 2 Nakʋyʋ wiye Mowaabɩ tʋ Ruuti lɩwa lɛ, ɛpɔzɩ Nawomii se ɛha-ɩ nʋmɔʋ nɛ ewolo hayɩm taa nɛ pʋtɔma yɔ, nɔɔyʋ kalabɩ-ɩ ɖeu nɛ ɛha-ɩ waɖɛ nɛ ɛcazɩ tɔɔnaɣ ɛ-wayɩ. ɛ́lɛ cosi-i se: "Mɛm-pɛlɛ, wolo!" 3 Peeye Ruuti ɖɛwa nɛ ewolo ɛcazɩɣ tɔɔnaɣ kʋnɖaa a wayɩ. Ñaze Bowaazɩ hayɩm taa ewoba. ɛ́lɛ kɛ Eliimelɛɛkɩ liɖe taa tʋ.
4 Pɩkɛdaa lɛ, Bowaazɩ lɩnɩ Bɛtɩlɛhɛm nɛ ɛtala. Ɛtalaa lɛ, ɛsɛɛ kʋnɖaa se: "Kɩpaɣlʋ ɛwɛɛ mɩ-cɔlɔ!" Papa tisi se: "Kɩpaɣlʋ ɛwazɩ ñɔ-yɔɔ!" 5 Ɛlɛ Bowaazɩ pɔzɩ kʋnɖaa yɔɔ cɔnɩyʋ se: "Anɩ lɛ asɛyʋ ɛnɛ yɔ?" 6 ɛ́lɛ cosi-i se: "Ɛkɛ Mowaabɩ ɛjaɖɛ taa asɛyʋ. Ɛ nɛ Nawomii palɩnɩnɩ ɖɩ-taa nɛ pɔkɔɔ. 7 Ɛkɔm ɛpɔzɩ-m se meyebi-i nɛ ɛcazɩ tɔɔnaɣ kʋnɖaa wayɩ. Ɖooo ɛzɩ ɛkɔm tanaŋ nɛ kiwiye yɔ, ɛtatɩɩhɛzʋ."b
8 Peeye Bowaazɩ heyi Ruuti se: "Mɛm-pɛlɛ! Welisi nɛ ŋnɩɩ, taawolo lɛlaa hayɩm taa se ŋcazɩɣ tɔɔnaɣ. Caɣ cɩnɛ nɛ ña nɛ man-tʋmlaɖaa halaa ñɩma ɛla tʋmɩyɛ. 9 Cɔnɩ camɩyɛ ɖenɖe pakʋŋ yɔ nɛ ŋtɩŋ halaa wayɩ. Mankam man-tʋmlaɖaa ñʋʋ taa se pataatukuni-ŋ. Ye lɔkɔtʋ ɛkpa-ŋ lɛ, ŋwolo ŋñɔɔ lɩm ḿbʋ polu koona taa yɔ." 10 Bowaazɩ yɔɔdɩ ḿbʋ lɛ, Ruuti luŋ ɛ-tɛɛ nɛ ɛpa ɛ-ɛza nɛ tɛtʋ nɛ ɛpɔzɩ-ɩ se: "Pɩlabɩ ɛzɩma nɛ weyi ma mɛnkɛ ɛgɔm yɔ, mɔn-tɔm kɛtɩnɩ-ŋ nɛ ŋlabɩ-m ɖeu ḿbʋ?"
11 Bowaazɩ cosi-i se: "Pɛkɛdɩ-m mbʋ pɩtɩŋa payɩ ŋlabɩ ña-waŋ ɖooo ɛzɩ ña-walʋ sɩbʋ yɔ: Ŋkʋyɩ ɛjaɖɛ nɖɩ palʋlɩ-ŋ yɔ ɖɩ-taa, ña-caa nɛ ño-ɖoo pɛ-tɛ nɛ ŋkɔɔ cɩnɛ ŋcaɣ ɛyaa mba ŋtasɩm-wɛ yɔ pɔ-cɔlɔ." 12 Kɩpaɣlʋ ɛhɛyɩ-ŋ pɩtɩŋa payɩ pʋ-yɔɔ. Izirɛɛlɩ Ɛsɔ Kɩpaɣlʋ ɛhɛyɩ-ŋ sakɩyɛ. Mbʋ pʋyɔɔ yɔ ɛ-nɔkɔyʋʋ taa ŋkɔma ŋcɔzɩ. 13 Ɛlɛ Ruuti yɔɔdɩ se: "Man-caa! Ŋwɛ ɖeu siŋŋ. Ŋyɔɔdɩnɩ-m nɔɔ leleŋ weyi yɔ, eyeba nɛ pɩlabɩ-m hʋnʋm, ŋgʋ, mantatɩɩñɔtɩnɩ ña-tʋmlaɖaa taa nɔɔyʋ.
14 Pʋkɔm pɩtalɩ tɔɔnaɣ tɔɔʋ lɛ, Bowaazɩ yaa Ruuti se ewolo nɛ pa nɛ ɩ pɔtɔɔ. Peeye Ruuti woba ɛcaɣ tʋmlaɖaa cɔlɔ nɛ Bowaazɩ heyi-i se ɛlɩzɩ tindine hɔɔlaɣ nɛ elii ñɩmɩŋ ɖozi nɛ ɛtɔɔ, ɛlɛ ɛha-ɩ tɔɔnaɣ pe wena poɖoŋaa yɔ nɛ ɛtɔɔ ɛhaɣ nɛ pɩkazɩ. 15 Ɛtɛm tɔɔʋ lɛ, ɛpɩsɩ nɛ ɛcazɩɣ tɔɔnaɣ. Peeye Bowaazɩ heyi ɛ-tʋmlaɖaa se peyele Ruuti nɛ ɛcazɩ tɔɔnaɣ hɔɔ wena pɔhɔkaa yɔ a-hɛkɩŋ taa, pataaɖʋ-ɩ fɛyɛ. 16 Halɩ eheyi-wɛ se pɛkpɛɛ hɔɔ ana a-yɔɔ lɔtʋ natʋyʋ nɛ pɛpɛɖɩ nɛ Ruuti ɛtalaa lɛ, ɛtɔzɩ, pataakalɩ-ɩ.
17 Mbʋʋ Ruuti cazɩ tɔɔnaɣ Bowaazɩ hayɩm taa nɛ ɖanaɣ kɔɔ kaɖanɩ. Ɛkɔm ɛma ɛ-tɔɔnaɣ ŋga lɛ, pusu ɛzɩ lɩm ñanaɣ yɔ.
18 Ɛtɛm mabʋ lɛ, ɛkpaɣ-kɛ nɛ ewoni tɛtʋ taa ɛ-tɛ nɛ ɛwɩlɩ ɛ-waŋ mbʋ pɩtɩŋa payɩ ɛcazaa yɔ. Eewoni ɖɔɖɔ tɔɔnaɣ ŋga ɛɛtɔwaa nɛ pɩkazɩ yɔ nɛ ɛcɛlɩ-ɩ. 19 ɛ́lɛ ñɔpɔzɩ-ɩ se le ɛlabɩ tʋmɩyɛ sɔnɔ? A-hayɩm taa ɛcazɩ tɔɔnaɣ? Ruuti tocosida lɛ, ɛyɔɔdɩ se, Kɩpaɣlʋ ɛwazɩ weyi Ruuti tɔm kɛdɩnɩ-ɩ yɔ ɛ-yɔɔ. Ɛlɛ Ruuti cosi ɛ-waŋ se abalʋ weyi ɛlabɩ tʋmɩyɛ ɛ-hayɩm taa yɔ, payaɣ-ɩ se Bowaazɩ. 20 Peeye Nawomii heyi e-wolu se: "Manaɣ se Kɩpaɣlʋ wɛɛ nɛ ɛwɩlɩɣ-ɖʋ se ɛ-maɣmaɣ ɛwɛ ɖeu. Ɛlakɩ ɛza tɩnaa ɖa nɛ mba pasɩba yɔ ɖeu. Ɛwazɩ abalʋ ɛnʋ ɛ-yɔɔ!" Ɛtasɩ yɔɔdʋʋ se: "Bowaazɩ kɛ ɖe-liɖe taa tʋ. Ɛkɛ ɖɩ-taa ɛyaa mba pʋwɛɛ se pɔcɔnɩ ɖɔ-yɔɔ yɔ, pa-taa lɛlʋ."
21 Ɛyɔɔdɩ ḿbʋ lɛ, Ruuti tasɩ-ɩ heyuu se Bowaazɩ heyi-i se ɛcazɩ tɔɔnaɣ ɛ-tʋmlaɖaa wayɩ nɛ pʋkɔɔ pɩsɩnɩ alɩwaatʋ ndʋ pakʋm tɔɔnasɩ tɩŋa yɔ. 22 Peeye Nawomii heyi e-wolu se: "Mɛm-pɛlɛ! Pʋwɛ ɖeu se ña nɛ Bowaazɩ tʋmlaɖaa halaa ñɩma ɩwɛɛ ɩlakɩ tʋmɩyɛ mbʋ. Ye ŋwobi nɔɔyʋ hayɩm taa, pɩtatɩlɩ, pʋdʋ kʋyʋʋ ñɔ-yɔɔ.
23 Pʋ-yɔɔ Ruuti caɣ Bowaazɩ tʋmlaɖaa halaa ñɩma cɔlɔ nɛ ɛcazɩ tɔɔnaɣ nɛ pʋkɔɔ pɩsɩnɩ alɩwaatʋ ndʋ pɛtɛm kʋm tɔɔnaɣ ŋga payaɣ se ɔrɩjɩ yɔ nɛ ŋga payaɣ se pilee yɔ. Ruuti nɛ ɛ-waŋ paawɛnɩ ḿbʋ.