Paulus ni surat ber Filemon
Ngribatin luryanir
Paulus narengi ni surat ber lan Filemon ma namin kote Kolose. Nof Paulus ni surtar monuk ma narengi, surat ye tukar motak. Paulus narengi surat ye noak ma betno luryain ma rnau i a na sel na kote Roma.
Na surat dalam ye Paulus ntak Filemon ma nlangun a nbali Onisimus. Onisimus ye Filemon ni mangkaryae ma to nkarya nor i lo. Noak ma i to nor Filemon, i nalele Yesus. Ne Paulus ntak Filemon ma nlure Onisimus ma nlangun a nbali i farlan wain ma nalele Yesus. Paulus nfalak a nbal feti farlan Onisemus ni utngar, la nbaras monuk. Paulus narengi ngrie ye na surat dalam nema Filemon nalele i.
Surat ye isin farye:
1-3 Salam
4-7 Paulus nose alang ber Ratu
8-22 Paulus ntak Filemon ma nlangun a nbali ni kawar Onisimus
23-25 Salam penutup