Paulus ni surat ber Titus
Ngribatin luryanir
Paulus narengi ni surat ye ber Titus na yampren Kreta. Titus ye to Yahudi i nempa nalele Yesus. I ye Paulus tbwarin ma ntulung Paulus ma nafwibar Ibar Ngamone na Yesus ninr Ray Silai. Paulus ntak Titus ma namin yampren Kreta ma nsalan soranyar na iane.
Paulus narengi surat ye nema:
1. Nsurat Titus ma nanremi yayatrwar ma ka rfil tomwate ma neluk mangonbain gereja.
2. Nsurat Titus ma ka nose farpe ma ntulung ma naftutu anftutw botunar na Yesus ninr Mangnrure, ber soranyar na yampren Kreta, nema rtafal ma ralele ma rafai botuan Yesus ninr Ray Silai Ni mpempeang.
Ntak Titus ma nose nteri tomwatar ma raftutu anftutw lepuskwar ma rbangal Ratu Ni anftutwar.
4. Ntak Titus ma ka nasnyalik ma nlarat i far kote Nikopolis.
Surat ye isin farye:
1:1-4 Salam
1:5-16 Titus ni karyayar na yampren Kreta
2:1-10 Snyurtar ber batmakenar, makenar, tabweryar ma karwar
2:11-15 Ratu nfatutu Ni dalam ngamone la nfair tomwatar monuk
3:1-11 Tomwatar ma ralele Yesus nir wewelmpampane
3:12-15 Salam penutup