Paulus nose surat fen lain du ber soranyar a na Tesalonika
Ngribatin Luryanir
Paulus ni surat ke dua ma narengi ber tomwatar na Tesalonika. I narengi baluan ni surat luryain ma bulnar fir a ne relak betno narengi ni surat kedua ye.Noak ma i narengi ni surat ke dua ye i lolone namin kote Korintus nor Silas ma Timotius. Na Paulus ni surat ke dua ye i nafkoran tomwatar ma betno ralele Yesus ne dalmir nema dedesar ma ralele Yesus boloka tomwatar rsiksa sir. Tomwatar ma rfalak feti ni tewat lo ma Yesus nma nbali saryamprene fen lain du. Paulus a nfalak feti iane sale. I nsurat tomwatar na Tesalonika ma ka kete rsisrat ma rkarya. Sir ka rmorip a rlarat Paulus a ka noak ma lolone raktem.
Surat ye isin farye:
1:1-2 Salam
1:3-12 Paulus nose alang ber Ratu
2:1-12 Tomwat yatkar sa ma nbangal desar Ratu
2:13-17 Ratu nfil kmi nema nfair a kmi
3:1-5 Paulus a ka rtak soranyar na Tesalonika ma rsampayang ber sir
3:6-15 Tomwatar monuk ka rkarya
3:16-18 Salam