Titus i

Paulus ni surat ber

Titus

Ngribatin Luryain

Paulus narengi ni surat ye ber Titus ma namin yampren Kreta. Titus ye to Yahudi i nempa nalele Yesus (Gal. 2:3) I ye Paulus tbwariny ma raktem a rkarya ber Ratu (2Kor. 8:23; Gal. 2:1-5) Titus biase ntulung Paulus na ni karyae mpa Paulus nti a ntate i a na yampren Kreta ma nsalan soranyar na iane (1:5; 2:15).

Paulus narengi surat ye ber Titus nema ka nanremi yayatrwar ma rfil tomwate ma neluk mangonbain gereja (1:5-9). Paulus nfalak farane fali tomwatar yadin na yampren Kreta ne nir adat nayatak. Paulus nsurat Titus ma naftutu anftutw botunar na Yesus ninr Mangnrure ber soranyar na yampren Kreta (1:10-11). I ka naftutu soranyar monuk, bate merwane, makene batmakene, tabweri batdare ma mangkaryayar, nema rtafal ma ralele ma rafai botuan Yesus ninr Ray Silai Ni mpempeang. Ma nlengan desar e i naftutu soranyar ma ka rmorip e rmakein, rangamon ror tomwat walyetar, kete rkedan tomwatar, kete rkafre nre kete rose ma soranyar rakes rasam sir.

Surat ye isiny

1:1-4 Paulus ni ngribatin luryain

1:5-16 Yayatrwar ber tomwate ma neluk mangonbain gereja

2:1-15 Soranyar ma ralele Yesus ka rose safe na nir momorip

3:1-11 Paulus nsurat Titus ma nmorip a nlarat Yesus ninr Ray Silai Ni mpempeang

3:12-15 Penutup.