2 Timotius i

Paulus ni surat kedua ber

Timotius

Ngribatin Luryain

Paulus narengi ni surat kedua ye ber Timotius a nbal na kote Efesus. Paulus nal Timotius ye neluk anaky. I ye Paulus tbwariny ma raktem a rkarya ber Ratu. Timotius biase ntulung Paulus na ni karyae.

Na surat ye dalam Paulus nsurat Timotius ma dedesar ma nafwibar Ibar na Yesus ninr Ray Silai, ma nose nlarat Yoyoding Wangim ma Ibar Ngamone nof Ratu. Paulus nsurat Timotius a nbal ma nafwibar Ibar Ngamone nof Ratu nor dalamy kateman boloka tomwatar yadin rbangal i ror nir anftutw lepuskwar.

Paulus nsurat Timotius ma kete norang tomwatar ma rabangal a na ngriar ma to ubnir sasaf, fali ngriar a ne rafyatak nir andanwar.

Paulus nsurat Timotius ma ka nmorip a nlarat ni wewelmpampane, iane feti i ka nalele botuan Ray Silai, nsabar, nkamis soranyar, boany nal ma nkoman suse.

Surat ye isiny

1:1-2 Paulus ni ngribatin luryain

1:3; 2:13 Paulus nose alang ber Ratu

2:14; 4:5 Paulus nsurat Timotius ma najake i nof anftutw lepuskwar

4:6-18 Paulus nafbotin na ni momorip lerar a ne

4:19-22 Penutup.