1 Timotius i

Paulus ni surat pertama ber

Timotius

Ngribatin Luryain

Paulus narengi ni surat pertama ber Timotius ma namin kote Efesus. Paulus narengi ni surat ye noak ma namin propinsi Makedonia.

Timotius ye tabwer sa ma nalele Yesus, nof kote Listra. I amany tomwat Yunani i, ma enany e tomwat Yahudi i. Paulus nal Timotius ye neluk anaky. Paulus nal Timotius ma ntulung i ma nafwibar na Yesus ninr Ray Silai (Kis. 16:1-5).

Paulus narengi surat ye ma ntak Timotius ma soranyar monuk ma ka rajake sir rof tomwatar ma raftutu anftutw lepuskwar (1:3-4; 4:1-5; 6:20-21). I nsurat Timotius na ni momorip ma ni karyae ber Yesus ninr Mangnrure (1:18-19; 6:11-16). I (Kis. 7:1) nafbotin ber Timotius a nbal na yayatrwar ma rfil tomwatar ma reluk mangonbain gereja ma diaken numur nir karyayar (3:1-13; 5:17-21).

Surat ye isiny

1:1-2 Paulus ni ngribatin luryain

1:3-20 Ka rajake sir rof anftutw lepuskwar

2:1-15 Snyurat ber soranyar noak ma rsampayang

3:1-16 Yayatrwar ber tomwatar ma reluk mangnrure ber soranyar

4:1-16 Paulus nsurat Timotius

5:1; 6:10 Snyurtar ber tomwatar ma ralele Yesus

6:11-16 Paulus ni snyurat famudi ber Timotius

6:17-21 Penutup.