Snyurtar ber tomwatar ma ralele Yesus
5:1-2
1 Timotius,
farlan tomwatar rose sale ka mswurat sir fen ngamone ma kete lirim mengarat sir.
Ka mswurat makenar farlan ma mswurat amoi ma mswurat tabweryar farlan ma mswurat waim.
2 Ma ka mswurat bat makenar farlan ma mswurat anoi nbal.
Ma batdarar e,
ka mswurat sir farlan ma mswurat uram ma kete nim andaun yatak ber sir.
Bat somar nir momorip
5:3-16
3 Ka mswalan bat somar ma koko sir a rmorip a ne nir perluar.
4 Nempa farlan bat some ne angkir nre empnir a ramin,
ka mswurat sir ma rsalan baluan enir ma rsom na nir dasdalam a ne.
Sir rose farane la rbalas enir amnir nre empnir nir mangolnir ma rafsenange Ratu dalamy.
5 Ma bat somar ma koko sir a rmorip ma to kekes a rsalan sir a ne e,
ralele lan Ratu ma lere nronram e,
dedesar ma rsampayang ber Ratu ma ntulung sir.
6 Ma bat somar ma rmorip e,
ranriak nir senange dedesar,
boloka lolone rmorip nempa smwangtir a rmat lo.
7 Mpa ka mfwalyole ngriar monuk ye ber soranyar ma rsalan nir bat somar nema tomwatar to bise ma rfasale sir.
8 Fali tomwate ka nsalan ni fatnyemar,
ma nlengan a nbal e,
ka nsalan ni dasdalam.
Farlan i to nose farane iane feti natliur Yesus ninr Ray Silai lo,
ma ni momorip nayatak a nlengan tomwatar ma to ralele ninr Mangnrure.
9 Bat somar ma mirengi ngarnir ma keta soranyar rtulung sir a ne,
lan ma nir ngarkar buty nem far das,
ma rafsau e,
lan lain lese.
10 Ma ka ngarnir rangafel na tomwat ngayadin fali rose lan kabain ngamonar farye:
rpiare angkir ma nangafel,
rlangun tomwatar na nir das,
rlangun tomwatar ma ralele Yesus,
rtulung tomwatar ma ramin suse dalam,
ma biase rose lan kabain ngamonar.
11-12 Ma bat somar ma lolone usberyar e,
kete rarengi ngarnir,
fali nre kete rose ma rafsau rbali nwayat ma ramlufe safe ma ryoding ber Ratu feti keta rkarya ber lan I.
Iane nwayat ma ratliur Yesus ninr Ray Silai mpa keta Ratu nukun sir.
13 Ma farlan rarengi ngarnir e,
keta rsisrat,
ma rmpeang lan ma rti rol tomwatar nir dasebabe.
To lan iane ma rasompun a nbal,
ma rorang tomwatar nir ngriar,
ma rasaur ngriar ma to ubnir sasaf.
14 Iane nwayat ma kmpweang ma bat somar ma lolone usberyar a ne ma rafsau rbali,
nema angkir ma bise rurus nir dasdalmir.
Farlan rose farane to let ber ninr muswar ma rafmpusuk kit ma talele Yesus.
15 Yakw kfwalak farye fali bat somar ketnir to rlarat Yesus ninr Ray Silai lo,
ma rlarat smwangat yatkar nir ulun.
16 Ma farlan batar sa ma nalele Yesus,
ni dasdalam ber bat somar,
ka koko i a nsalan sir.
Ma kete nalele soranyar ma rsalan sir nema soranyar bise ma rtulung bat somar ma to nir fatnyem.
Paulus nfalak na mangonbain gerejar
5:17-25
17 Mangonbain gerejar ma rayatur soranyar ma nangafel,
ka soranyar ralang sir.
To lan iane nempa ka ral nir sewe nbal.
Ma nlengan a nbal e,
sir ma rngabo ma raftutu ma rafwibar Ratu Ni ngribatnir.
18 Fali na Kitap Lelerap dalam rarengi feti:
“Noak ma sapi natai gandum ma isnir a rbie ka kete mkyete sukany nema bise ma ntame.”
Ma rarengi nbal feti “Tomwatar ma rkarya,
ka ronri nir sewe.”*
19 Ma farlan tomwatar rfasale mangonbain gerejar sa kete musnyalik ma mulele sir.
Farlan mangtungnar du nre tel ma rfalak ber ko la betno mulele sir a ne.*
20 Ma sir ma rose sale,
ka mfwalak desar nir salar a ne na soranyar sonirlury,
nema tomwat walyetar na iane ramtaut a nbal.
21 Timotius,
yakw ktwak desar kof ko ma mose mlwarat safe ma kfwalak ye.
Ma keta Ratu ma Yesus ninr Ray Silai ma Ni malaektar ma nfil sir a ne rsalan a kmi.
Ma noak ma mtwetak ngriar sa e,
kete musalan sou.
22 Ka kete musnyalik ma mswaup limar a na tomwatar ulnir ma mfwair sir reluk mangnrure.
Fali farlan nose sale,
keta mlwarat ma mubare ni sale ne nbal.
Ma ka mujake ko nema dalamy a nanglerap dedesar.
23 Timotius ko,
fali dedesar ma mufanas mpa ka kete menum lan weye,
nempa mwenum anggur fen rufuky a nbal,
nema kampum a nangamon.