Paulus ni surat kedua ber soranyar na
Tesalonika
Ngribatin Luryain
Paulus ni surat kedua ma narengi ber tomwatar na Tesalonika. I narengi baluan ni surat pertama ma bulnar fir a ne relak betno narengi ni surat kedua ye. Noak ma i narengi ni surat kedua ye i lolone namin kote Korintus nor Silas ma Timotius.
Na Paulus ni surat kedua ye i nafkoran tomwatar ma betno ralele Yesus ne dalmir nema dedesar ma ralele Yesus boloka tomwatar rsiksa sir. I nfalyole ber sir feti bengfir e Yesus nma nbali saryamprene (1:7; 2:1). Mpa to ni tewat a fuky ma Ratu nbalas ber tomwatar ma rsiksa tomwatar ma ralele Yesus ne (1:6). I nsurat tomwatar na Tesalonika ma ka kete rsisrat ma rkarya, nempa ka rkarya nema rtame. Iane farlan Paulus ma dedesar e nkarya noak ma nor sir (3:7-10).
Surat ye isiny
1:1-12 Paulus ni ngribatin luryain
2:1-17 Anftutwar feti bengfir e Yesus nma nbali far saryamprene
3:1-5 Paulus a ka rtak soranyar na Tesalonika ma rsampayang ber sir
3:6-15 Tomwatar ma ralele Yesus kete rsisrat ma rkarya
3:16-18 Penutup.